Bein út­sending: Fundur at­vinnu­vegaráðherra og sjávarút­vegs­stjóra ESB

Í tilkynningu frá atvinnuvegaráðuneytinu kemur fram að málefni hafsins séu meginefni samráðsfundarins sem haldinn er til að styrkja aukið og víðtækara samstarf milli ESB og Íslands um ýmis atriði tengd hafinu, semsagt sjálfbærar fiskveiðar, vísindarannsóknir og verndun hafsins. 

Segir að þetta sé í samræmi við viljayfirlýsingu milli Íslands og ESB sem var undirrituð í júlí sl. Í yfirlýsingunni sé einnig stefnt að auknu samstarfi við verndun líffræðilegs fjölbreytileika og orkuskipti í sjávarútvegi og fiskeldi.

Fundurinn átti að hefjast klukkan 11:45 en upphaf hans hefur tafist. Útsending hefst um leið og fundurinn hefst.

Málefni samráðsfundarins eru:

• Samstarf um málefni norðurslóða
• Samstarf um sjálfbærar fiskveiðar
• Rannsóknar- og vísindasamstarf
• Samstarf á alþjóðlegum vettvangi
• Samstarf um sjálfbært blátt hagkerfi
• Samstarf um líffræðilegan fjölbreytileika í hafi
• Samstarf á sviði eftirlits, stjórnunar og vöktunar á hafi (MCS), sem og um landhelgisgæslu
• Samstarf á sviði fiskeldis
• Samstarf um orkuskipti í fiskveiðum og fiskeldi
• Þátttaka hagsmunaaðila

Atvinnuvegaráðherra og sjávarútvegsstjóra ESB munu svara spurningum fjölmiðla að loknum samráðsfundi. Gert er ráð fyrir að blaðamannafundurinn taki tuttugu mínútur, að því er segir í tilkynningu.