Alexander Linta: Stjórnin er að skoða styrkingu á leikmannahópnum

Alexander Linta, þjálfari ÍBV, var furðulega léttur í bragði eftir 5-1 tap fyrir Fram í dag. Aðspurður sagði hann:

„Auðvitað eru menn súrir eftir að hafa tapað 5-1 og þetta tap var of stórt.“

Alexander Linta sagði aðspurður að spilamennska Fram hefði verið góð og hans leikmenn hefðu lagst of aftarlega um tíma. Blaðamaður gekk á hann og spurði hvort hann væri ekki áhyggjufullur yfir því að liðið hefði fengið ellefu mörk á sig í síðustu tveimur leikjum.

„Fótbolti snýst ekki bara um mörk heldur heildarframmistöðu og samspil margra þátta. Ég hef trú á hópnum mínum og liðinu í heild“.

Aðspurður hvort ÍBV hygðist styrkja sig fyrir lok félagaskiptagluggans sagði Linta:

„Já, við ætlum að gera það. Stjórnin er að skoða þessi mál og við skoðum hvernig við getum bætt okkur“.