„Slæm byrjun í seinni hálf­leik varð okkur að falli“

„Ég er rosalega svekkt að hafa ekki náð að fara með þetta í oddaleik. Að sjálfsögðu er ég stolt af því hvernig við höfum staðið okkur á keppnistímabilinu og við getum verið sátt við árangurinn,“ sagði Sandra í samtali við Símann. 

„Okkur langaði hins vegar rosaleg til þess að fara alla leið og fara með þetta einvígi í oddaleik. Mér fannst við sýna ákveðin þreytumerki í seinni hálfleik og slæmur kafli í upphafi seinni hálfleiks varð til þess að við töpuðum,“ sagði leikstjórnandinn þar að auki. 

„Það var gaman að spila fyrir troðfulla höll og okkar frábæru stuðningsmenn. Nú erum við búin að styrkja leikmannahópinn og ætlum klárlega að taka eitt skref áfram á næstu leiktíð,“ sagði hún um framhaldið.