Donni dreginn að landi af liðsfélögunum

Skanderborg var þarna að fagna fyrsta sigrinum, í stuttri sögu félagsins, í undanúrslitum dönsku deildarinnar.

Kristján Örn eða Donni er lykilmaður hjá liðinu og alla jafnan með markahæstu mönnum hjá Skanderborg. Hann hafði skorað sex mörk að meðaltali í síðustu fjórum leikjum liðsins en hitti ekki á sinn besta dag í dag.

Um miðjan seinni hálfleik hafði Donni tekið fimm skot en ekki skorað mark. Hann spilaði ekki mikið eftir það.

Skanderborg þurfti hins vegar ekki á honum að halda, eins og liðið hefur svo oft gert. Eftir æsispennandi leik stóð staðan jöfn og haldið var í framlengingu. Þar var Skanderborg sterkari aðilinn og vann þriggja marka sigur á heimavelli.