Mark­vörður Breiðabliks spilaði sem útileikmaður

Athygli vakti að aðeins 16 leikmenn fóru fyrir hönd Breiðabliks til Kasakstan þar sem liðið tók þátt í fjögurra liða umspili um sæti í næstu umferð keppninnar. Í hluta Blika voru kasöksku meistararnir í Aktobe, sem unnu Blika fyrr í vikunni, svissnesku meistararnir Servette og hvítrússnesku meistararnir í Dinamo Minsk sem Blikakonur etja kappi við þennan morguninn.

Í leiknum kom Taylor Kane, varamarkvörður Breiðabliks, inn á sem útileikmaður fyrir Katelyn Duong á 82. mínútu. Aðeins fimm voru á bekk Breiðabliks og allar fimm komu inn á. Á sama tíma og Kane kom inn gerði Dóróthea Haraldsdóttir það einnig.

Í hálfleik höfðu Agla María Albertsdóttir, Karitas Tómasdóttir og Líf Joostsdóttir van Bemmel komið af fimm manna bekk Breiðabliks.

Allt stefndi í sigur Dinamo en Agla María jafnaði á 90. mínútu, 2-2, en Breiðablik hafði verið manni fleiri frá 16. mínútu. Framlenging stendur yfir og leikurinn í beinni á Sýn Sport Ísland.

Leikurinn við Dinamo Minsk er upp á það hvort liðanna fer í undankeppni Evrópudeildarinnar en FH á þegar sæti þar.