Guð­rún Karítas í síðasta sæti í úr­slitunum

Hlutirnir gengu ekki upp hjá Íslandsmethafanum sem gerði tvisvar ógilt og náði síðan ekki nógu góðu kasti í síðustu tilraun sinni þegar ekkert mátti klikka.

Íslandsmet Guðrúnar er 73,88 metra kast hennar síðan á kastmóti í Kenía í apríl síðastliðnum. Hún kastaði 70,31 metra í undankeppninni á þessu Evrópumóti og var sjötta inn í úrslitin. Elísabet Rut Rúnarsdóttir komst ekki í úrslitin.

Guðrún Karítas gerði ógilt í fyrsta kasti og var sú eina sem hafði ekki náð gildu kasti þegar kom að tilraun tvö. Hún gerði þá aftur ógilt og setti um leið gríðarlega mikla pressu á þriðja kastið sitt.

Guðrúnu tókst ekki nógu vel upp. Hún náði gildu kasti en það var bara 67,24 metrar eða styttra en hjá öllum hinum í úrslitunum.