Einn látinn og tveir drengir al­var­lega særðir í Fagersta

Lögregla greindi frá þessu á blaðamannafundi fyrr í kvöld og sagði einn hafa fundist látinn inni í Brinell-skólanum í Fagersta í Vestmannalandi eftir árásina. Auk þess eru tveir drengir alvarlega slasaðir og einn með minniháttar áverka sem fluttir voru til aðhlynningar segir í umfjöllun SVT.

Lögregla hefur ekki tjáð sig um aldur né kyn hins látna.

Hinn grunaði var skotinn fyrir utan skólann í aðgerðum lögreglu hefur verið handtekinn. Hann sé á átjánda aldursári og fyrrum nemandi skólans. Lögregla leiti ekki annarra í tenglum við árásina að svo stöddu. 

Karl Gústaf Svíakonungur hefur tjáð sig um árásina á vefsíðu sæsnku konungsfjölskyldunnar og segir:

„Það er með harmi og sorg sem við höfum fengið þær fréttir að Svíþjóð hafi enn og aftur orðið fyrir skólaárás. Hugur minn er hjá þeim sem urðu fyrir árásinni, fjölskyldum þeirra og aðstandendum.“

Sveitarfélagið Fagersta hefur opnað áfallamiðstöð til stuðnings samfélaginu sem er harmi slegið vegna árásarinnar. Í bænum búa um tólf þúsund manns.