Meint kyn­ferðis­brot leikskólastarfsmanns til á­kæranda

Þetta staðfestir Karl Ingi Vilbergsson varahéraðssaksóknari í samtali við fréttastofu. Málið kom á borð ákæranda þann 14. september og er hans hlutverk að taka ákvörðun um hvort lögð verði fram ákæra í málinu. 

Þann 17. mars var ungur karlmaður handtekinn á Akranesi grunaður um að hafa brotið kynferðislega á barni á leikskólanum Garðaseli. Honum var í kjölfarið vikið úr starfi á meðan málið var í rannsókn. Maðurinn er ekki frá Akranesi og hafði ekki starfað lengi á leikskólanum þegar málið kom upp.

Honum var sleppt úr haldi skömmu síðar og gengur frjáls. Lögreglan lauk rannsókn sinni þann 22. maí og fór málið þá til héraðssaksóknara.