Kísilver greiðir hærra orkuverð en álverið á Grundartanga

Magma Energy, aðaleigandi HS Orku, segir að samningurinn um raforkusölu til kísilversins í Helguvík, sem undirritaður var í gær, skili fyrirtækinu hærra orkuverði en fæst fyrir raforku til álvers Norðuráls á Grundartanga.

Möguleiki á að skrá yfir tug félaga í Kauphöllina

Nú rúmlega tveimur árum eftir hrun er kannski vert að spá í það hvaða félög eru líkleg til að vera skráð á hlutabréfamarkaðinn hérna heima á næstu misserum eða árum. Greining Arion banka veltir þessu fyrir sér og nefnir yfir tug félaga og fyrirtækja.

NBI talinn hæfur til að eiga Landsvaka og SP-Fjármögnun

Fjármálaeftirlitið (FME) hefur komist að þeirri niðurstöðu að Eignarhaldsfélag NBI ehf. sé hæft til að fara með virkan eignarhlut sem nemur svo stórum hluta að Landsvaki hf. og SP-Fjármögnun hf. verða talin dótturfyrirtæki þess samanber lög um fjármálafyrirtæki.

Níutíu framtíðarstörf í kísilveri í Helguvík

Snemmsumars á að hefjast handa við gerð verksmiðjuhúss 40 þúsund tonna kísilmálmverksmiðju í Helguvík. Verksmiðjan á að taka til starfa um mitt ár 2013. Heildarfjárfesting nemur 17 milljörðum. Til verða um 90 framtíðarstörf.

LV náði 3,4% raunávöxtun í fyrra

Nafnávöxtun Lífeyrissjóðs verslunarmanna (LV) nam 6,1% árið 2010 sem jafngildir 3,4% hreinni raunávöxtun. Þetta er betri ávöxtun en árið 2009, en þá nam raunávöxtun sjóðsins 1,1%. Ávöxtun LV árið 2010 er því nær jöfn þeirri ávöxtun og gert er ráð fyrir tryggingafræðilegu uppgjöri sjóðsins.

Byr setur 22 óveðsettar íbúðir á Spáni í sölu

Byr hefur sett einkahlutafélagið Costa Properties ehf., sem á 22 óveðsettar íbúðir á Spáni, í sölu. Salan er auglýst á vefsíðu Byr.

Kreppan veldur hruni í dælingu á steinefnum úr sjó

Kreppan birtist í mörgum myndum og ein þeirra er magnið af steinefnum sem Björgun ehf. dælir á land á hverju ári. Magnið hefur hrapað úr 1,4 milljónum tonna og niður í 200 þúsund tonn á ári.

Viðskiptavinir fá upp í kröfur

„Kjarni málsins er að viðskiptavinir fá sínar kröfur greiddar að fullu á kostnað annarra lánardrottna,“ segir Friðjón Örn Friðjónsson, formaður bráðabirgðastjórnar Avant.

Gerðardómur klofinn í sektarmáli Símans

Íslendingurinn í þriggja manna gerðardómi skilaði sératkvæði í máli Símans og franska fyrirtækisins Seamobile. Hans niðurstaða var afgerandi: Engin rök stæðu til þess að dæma Símann til að greiða Seamobile 1,2 milljarða eins og hinir dómararnir töldu og varð niðurstaða dómsins.

Tillaga um óbreytta stjórn og stjórnarlaun hjá Össuri

Meðal tillagna á komandi aðalfundi Össurar hf. Í mars er að stjórn félagsins verði óbreytt og að laun stjórnarmanna verði einnig óbreytt frá síðasta ári.

Mál og menning skellir í lás

Bókabúð Máls og menningar á Laugavegi 18 lokaði dyrum sínum í gærkvöldi og opnar ekki aftur. Litlar ef nokkrar líkur eru taldar á því að verslunin verði endurreist í fyrri mynd. Forsvarsmenn fyrirtækisins funduðu með starfsmönnum klukkan tíu í gærkvöldi og greindu þeim frá ákvörðun sinni.

Vísitala íbúðaverðs hækkar á ný

Vísitala íbúðaverðs á höfuðborgarsvæðinu var 304,9 stig í janúar og hækkar um 0,8% frá fyrra mánuði. Síðastliðna 3 mánuði lækkaði vísitalan um 0,5%, síðastliðna 6 mánuði hækkaði hún um 0,7% og síðastliðna 12 mánuði hækkaði hún 0,5%.

HS Orka gerir 2,5 milljarða orkusamning við kísilverið

HS Orka undirritaði í dag samning við Íslenska kísilfélagið um sölu á 30 MW raforku til kísilvers í Helguvík á tímabilinu maí 2013 til ársloka 2015. Verðmæti samningsins fyrir HS Orku eru röskar 20 milljónir dollara eða um 2,5 milljarðar króna.

Stærstu hjólaskóflur Volvo seldar á Íslandi

Stærstu hjólaskóflur Volvo hafa selst í fyrsta sinn á Íslandi. Þær verða notaðar við gangagerð í Þrándheimi í Noregi og Búðarhálsvirkjun. Um er að ræða tæplega 50 tonna tæknivæddar vinnuvélar.

Álverin kaupa vörur og þjónustu af yfir 500 fyrirtækjum

Álverin þrjú kaupa árlega vörur og þjónustu af yfir 500 íslenskum fyrirtækjum ef aðeins eru talin viðskipti fyrir hálfa milljón króna eða meira. Þessi viðskipti námu í fyrra alls 24 milljörðum króna, fyrir utan raforkukaup.

Iðnaðarráðherra ánægður með kísilverið í Helguvík

„Fyrir utan ákvörðun um stækkun álversins í Straumsvík er þetta fyrsta stóra erlenda nýfjárfestingin eftir bankahrun. Þess vegna hefur hún þýðingu í efnahagslegri endurreisn landsins,“ segir Katrín Júlíusdóttir iðnaðarráðherra um byggingu á nýju kísilveri í Helguvík.

Kísilverið í Helguvík skapar 300 ársverk

Gert er ráð fyrir að framkvæmdir við kísilver í Helguvík hefjist í byrjun sumars. Verksmiðjuhús munu rísa á 20 mánuðum og eru um 300 ársverk áætluð á framkvæmdatíma.

Landsvirkjun selur Íslenska kísilfélaginu 35 MW af orku

Landsvirkjun og Íslenska kísilfélagið ehf., sem er í meirihlutaeigu bandaríska fyrirtækisins Globe Speciality Metals, hafa undirritað raforkusölusamning um kaup á 35 MW orku frá Landsvirkjun. Íslenska kísilfélagið hyggst reisa 40.000 tonna kísilmálmverksmiðju í Helguvík á Suðurnesjum.

Viðskiptajöfnuðurinn jákvæður um 200 milljarða

Eftir hreinsun á efnahagsreikningi þjóðarinnar, það er taka banka í slitameðferð og Actavis út úr jöfnunni, er viðskiptajöfnuður landsins jákvæður um 200 milljarða kr. á ári. Þetta samsvarar 13% af landsframleiðslu (VLF) Íslands.

FME: William Demant ekki skylt að yfirtaka Össur hf.

Fjármálaeftirlitið (FME) hefur sent frá sér yfirlýsingu þar sem fram kemur að danska félagið William Demant Invest A/S sé ekki skylt að yfirtaka Össur hf. þrátt fyrir að eignarhlutur félagsins í Össuri sé kominn í 39,58%.

Samningar um kísilver í undirritaðir í dag

Samningar hafa náðst um smíði kísilvers í Helguvík og verður skrifað undir þá í Reykjanesbæ klukkan eitt. Framkvæmdir hefjast í vor.

IFS greining spáir 1,7% verðbólgu í febrúar

Verðbólguspá IFS greiningar fyrir febrúar hljóðar upp á hækkun vísitölu neysluverðs um 1%. Til samanburðar var hækkun vísitölunnar 1,15% (13,8% á ársgrundvelli) í febrúar 2010. Ef spáin gengur eftir, mun 12 mánaða verðbólga mælast 1,7%.

Vilmundur vill áfram vera formaður SA

Formaður Samtaka atvinnulífsins (SA), Vilmundur Jósefsson, hefur ákveðið að gefa áfram kost á sér sem formaður SA.

Nýi Landsbankinn hefur yfirtekið Avant

Héraðsdómur Reykjavíkur hefur staðfest nauðasamning vegna Avant hf. Nýi Landsbankinn (NBI) yfirtekur félagið og á nú 99% hlut í því.

Sjálfsskuldarábyrgð stangast á við sveitarstjórnarlög

Í byrjun febrúar 2011 barst bæjaryfirvöldum í Mosfellsbæ lögfræðiálit frá LEX sem sveitarfélagið lét gera vegna fyrirgrennslan Íbúahreyfingarinnar á lögmæti sjálfskuldarábyrgðar Mosfellsbæjar á láni Landsbanka til Helgafellsbygginga upp á 246 milljónir kr. Í innihaldi álitsins felst viðurkenning á því sjónarmiði sem Íbúahreyfingin hefur haldið á lofti, það er að umrædd sjálfskuldarábyrgð stangist á við sveitarstjórnarlög.

Hefja frystingu loðnuhrogna í dag hjá HB Granda

Frysting á loðnuhrognum hefst á vegum HB Granda á Akranesi í dag. Lundey NS hefur verið að loðnuveiðum við Reykjanes og kom skipið til Akraness fyrr í dag með um 1.100 tonna loðnufarm. Stutt er á miðin frá Akranesi og tók siglingin þangað aðeins um tvo tíma.

Matorka ætlar að auka fiskeldi um 60% á Íslandi

Matorka ætlar að auka fiskeldi á Íslandi um 60% með því að byggja 3.000 tonna eldisstöð. Nýting lághita jarðvarma til hlývatnseldis er lykillinn að áformum Matorku.

FVH veitir þekkingarverðlaunin í ellefta sinn

Félag viðskiptafræðinga og hagfræðinga (FVH) efnir til Íslenska þekkingardagsins, ráðstefnu og verðlaunaafhendingar, fimmtudaginn 24. febrúar. Þemað þetta árið er ESB – áskoranir og tækifæri fyrir atvinnulífið. Jafnframt verða íslensku þekkingarverðlaunin veitt en þrjú fyrirtæki eru tilnefnd, Icelandair, Rio Tinto Alcan á Íslandi og Samherji.

Þriggja milljarða búhnykkur

Hafrannsóknastofnunin hefur lagt til 65 þúsund tonna aukningu á leyfilegum hámarksafla í loðnu. Ráðlagður heildarafli er því 390 þúsund tonn en var 325 þúsund tonn fyrir nýjustu rannsóknir og mælingar. Þetta er í annað sinn á þremur vikum að lagt er til að bæta verði við kvótann. 24. janúar var kvótinn aukinn úr 200 þúsund tonnum í 325 þúsund tonn.

NBI metinn hæfur til að eiga allt að 33% í Borgun hf.

Fjármálaeftirlitið hefur komist að þeirri niðurstöðu að Nýi Landsbankinn (NBI hf.) sé hæfur til að eiga og fara með allt að 33% virkan eignarhlut í Borgun hf.

Samherji kaupir eignir þrotabús Faroe Seafood

Samherji ásamt dótturfélagi sínu Framherja í Færeyjum og færeyska útgerðarfélagið Varðin í Götu hafa keypt fjórar fiskvinnslustöðvar og sex togara af þrotabúi Faroe Seafood. Það var stærsta útgerðarfélag Færeyja, en varð nýverið gjaldþrota.

Enn eru hækkanir á bensíni og díselolíu

Olíufélögin hækkuðu verð á bensíni um tæpar tvær krónur á lítrann í gærkvöldi og dísilolíuna um fimm krónur og 50 aura.

Magnús Ármann ekki lengur til rannsóknar

Sérstakur saksóknari hefur hætt rannsókn á þætti fjárfestisins Magnúsar Ármann í svokölluðu Ímon-máli. Magnúsi barst bréf þess efnis frá saksóknaranum 9. febrúar. Þetta kemur fram í grein sem Magnús skrifar í Fréttablaðið og á Vísi í dag.

Verðum að hætta svartagallsrausinu

„Við verðum rífa okkur upp úr þunglyndinu og svartagallsrausinu og halda til haga þeim ótrúlega árangri sem hér hefur náðst frá hruni,“ segir Jóhanna Sigurðardóttir forsætis­ráðherra. Hún hélt ræðu á viðskiptaþingi Viðskiptaráðs í gær.

Dregið úr fyrirhuguðu flugi til Kanada

Stefna á skráningu á hlutabréfamarkað

„Við stefnum að því að fyrirtækið verði skráningarhæft í lok árs 2012 og horfum til tvíhliða skráningar á hlutabréfamarkað árið 2013, hér og annaðhvort í Ósló í Noregi eða í Stokkhólmi í Svíþjóð," segir Gestur G. Gestsson, forstjóri upplýsingatæknifyrirtækisins Skýrr. Hann segir nóg að gera í upplýsingatækni, uppsveifla sé á hinum Norðurlöndunum, ekki síst í Svíþjóð og Noregi þar sem staða dótturfélaga Skýrr sé sterk á sama tíma og varnarbarátta sé háð hér.

Einhugur um vaxtalækkun innan Peningastefnunefndar

Töluverður einhugur var innan Peningastefnunefndar Seðlabankans um síðustu vaxtaákvörðun þar sem ákveðið var að lækka stýrivexti um 0,25 prósentur. Eins og áður hefur komið fram hafði nefndin helst áhyggur af veikingu á gengi krónunnar frá áramótum.

Síminn greiði frönsku félagi 1,2 milljarða í skaðabætur

Símanum hf. hefur verið gert að greiða franska fjarskiptafyrirtækinu Seamobile Europe 7,7 milljónir evra eða um 1,2 milljarða kr. í skaðabætur. Héraðsdómur hefur áritað sem aðfararhæfan úrskurð gerðardóms í París í þessu máli en Síminn ætlar að grípa til þeirra varna sem félaginu eru tiltæk.

Uppstokkun á sparisjóðunum enn í pípunum

„Margir sparisjóðir eru mjög laskaðir. En það er mjög misjafnt hvernig þeim hefur reitt af í hruninu. Það er ekki skrýtið, enda enginn á Íslandi, sem hefur verið í svona starfsemi sem ekki hefur látið á sjá," segir Guðjón Guðmundsson, framkvæmdastjóri Sambands íslenskra sparisjóða.

Skuldatryggingaálag Íslands nálgast meðaltal Evrópu

Skuldatryggingaálag á 5 ára skuldabréf Ríkissjóðs Íslands hefur lækkað hratt í febrúar. Þetta kemur fram á vefsíðu Viðskiptablaðsins sem aftur vitnar í Bloomberg. Er álagið nú nálægt meðaltalinu meðal Evrópuríkja.

Gefur vatn til Haítí fyrir milljónir

„Ég fer innan tíu daga,,“ segir Jón Ólafsson, stjórnarformaður átöppunarfyrirtækisins Icelandic Water Holdings, um fyrirhugaða ferð sína til Haítí.

Leyniskýrsla Seðlabankans: Staðan ekki betri í áratugi

Það sem kölluð hefur verið leyniskýrsla Seðlabankans á Alþingi sýnir að erlend skuldastaða þjóðarbúsins hefur ekki verið betri í áratugi. Þetta gengur þvert á það sem Þór Saari þingmaður Hreyfingarinnar gaf í skyn í ræðustól á Alþingi í gærdag.

Yfir 10 milljarða velta á íbúðamarkaði frá áramótum

Veltan á íbúðamarkaði hefur heldur verið að aukast undanfarið. Nemur hún það sem af er ári 10,4 milljörðum kr. á höfuðborgarsvæðinu samanborið við 7,3 milljarða kr. á sama tímabili í fyrra.

Spáir 1,7% verðbólgu í febrúar

Greining Íslandsbanka spáir því að vísitala neysluverðs (VNV) muni hækka í febrúar um 1,0% frá janúarmánuði. Gangi spáin eftir verður verðbólgan 1,7% í mánuðinum og lækkar úr 1,8% í janúar. Hagstofan mun birta vísitölumælingu sína kl.9 þann 24. febrúar næstkomandi.

Gagnaverin farin að láta vita af sér á ný

Áhugi þeirra sem vildu reisa hér gagnaver hefur lifnað við á ný eftir doða í kreppunni. Undanþágur frá virðisaukaskatti og samræming skattareglna um starfsemi gagnavera innan aðildarríkja Evrópusambandsins hafa orðið til að glæða lífi í hann.