Subway-deild karla

Einar Árni: Getum endað tímabilið með stæl

,,Þetta var kærkomin sigur og gríðarlega mikilvægur,“ sagði Einar Árni Jóhannsson, annar þjálfari Njarðvíkinga, eftir sigurinn í kvöld. Njarðvík vann magnaði sigur gegn Keflvíkingum 104-102 eftir framlengdan leik í Ljónagryfjunni í Njarðvík.

Körfubolti 24. febrúar 2011 22:01

Fjölnir vann á Ísafirði og sendi Hamar niður í fallsæti

Fjölnismenn unnu dýrmætan 101-94 sigur á KFÍ á Ísafirði í Iceland Express deild karla í kvöld en tapið þýðir að Ísfirðingar þurfa nú kraftaverk til þess að bjarga sér frá falli úr deildinni. Fjölnir er hinsvegar i betri málum því liðið komst upp fyrir Hamar og upp úr fallsæti með þessum sigri.

Körfubolti 24. febrúar 2011 21:29

Níu þristar Magnúsar ekki nóg - Njarðvík vann Keflavík í framlengingu

Njarðvík vann 104-102 sigur á nágrönnum sínum í Keflavík eftir framlengdan leik í Iceland Express deild karla í körfubolta í kvöld. Magnús Þór Gunnarsson hjá Keflavík skoraði níu þriggja stiga körfur í leiknum á móti sínum gömlu félögum en það dugði ekki til og heimamenn unnu seiglusigur eftir að hafa verið undir stóran hluta leiksins.

Körfubolti 24. febrúar 2011 21:07

Snæfellingar rúlluðu Haukum upp og náðu 4 stiga forskoti á toppnum

Snæfell náði fjögurra stiga forskot á toppi Iceland Express deildar karla eftir 42 stiga stórsigur á Haukum, 119-77, í Stykkishólmi í kvöld. Snæfell hefur unnið alla tíu heimaleiki sína í deildinni í vetur og sigurinn í kvöld var aldrei í hættu. Snæfell hefur fjögurra stiga forskot á KR sem á leik inni á móti Tindastól á Sauðárkróki á morgun.

Körfubolti 24. febrúar 2011 20:35

Nýi Kani Fjölnismanna er nafni þess gamla

Fjölnismenn hafa gert enn eina breytinguna á bandarískum leikmanni liðsins. Grafarvogsliðið lét Brandon Springer fara og fékk í staðinn nafna hans Brandon Brown. Brandon Brown spilar sinn fyrsta leik með Fjölni þegar liðið sækir KFÍ heim á Ísafjörð í kvöld.

Körfubolti 24. febrúar 2011 15:45

Ingibjörg tryggði Keflavík sigur

Ingibjörg Jakobsdóttir var hetja Keflvíkinga er liðið vann KR í Iceland Express-deild kvenna í kvöld, 63-61.

Körfubolti 23. febrúar 2011 20:54

Nick Bradford staðfestir að hann sé á leiðinni

Nick Bradford hefur staðfest það á twitter-síðu sinni að hann sé búinn að semja við Grindvíkinga í Iceland Express deild karla í körfubolta og muni klára tímabilið með liðinu. Bradford leysir af bakvörðinn Kevin Sims sem var látinn fara fyrr í dag.

Körfubolti 22. febrúar 2011 22:47

Nick Bradford aftur til Grindavíkur

Víkurfréttir segja frá því á vefsíðu sinni í kvöld að Nick Bradford sé á leiðinni til Grindavíkur og muni klára tímabilið með liðinu. Bradford fór á kostum með Grindavíkurliðinu veturinn 2008 til 2009 en hann þekkir allt körfuboltaáhugafólk á Íslandi endaer Bradford búinn að spila hér mörgum sinnum á síðasta áratug.

Körfubolti 22. febrúar 2011 20:13

Njarðvíkingar búnir að finna sér bandarískan leikstjórnanda

Njarðvíkingar hafa fengið bandaríska leikstjórnandann Giordan Watson til liðs við sig á reynslu og ætti kappinn að leika sinn fyrsta leik gegn Keflvíkingum á fimmtudagskvöld. Þetta kemur fram á heimasíðu félagsins.

Körfubolti 21. febrúar 2011 17:38

Leikmaður Grindavíkur þurfti að klæðast KR-treyjunni í vinnunni

Grindvíkingurinn Björn Steinar Brynjólfsson hefur ekki átt auðveldan dag í vinnunni. Hann vinnur hjá DHL og hefur mátt gera sér það að góðu að vera í KR-treyjunni í vinnunni í dag.

Körfubolti 21. febrúar 2011 15:30

KFÍ vann Hamar - Aðeins einn Íslendingur spilaði fyrir KFÍ í leiknum

Útlendingahersveit KFÍ vann afar mikilvægan sigur gegn Hamri í kvöld í hörkuleik. KFÍ því komið með átta stig og aðeins tveimur stigum á eftir Fjölni sem situr í næstneðsta sæti deildarinnar.

Körfubolti 18. febrúar 2011 21:59

Tómas jafnaði ótrúlegt heimsmet

Tómas Heiðar Tómasson, leikmaður hjá körfuboltaliði Fjölnis, gerði sér lítið fyrir og jafnaði heimsmet í Grafarvoginum á dögunum.

Körfubolti 18. febrúar 2011 21:50

Helgi Jónas: Þetta er leikurinn til þess að snúa við blaðinu

KR og Grindavík mætast í úrslitum bikarkeppni karla á morgun. KR hefur verið á mikilli siglingu eftir áramót á meðan Grindavík hefur verið að gefa eftir.

Körfubolti 18. febrúar 2011 21:45

Hrafn: Þetta er svolítið óraunverulegt

Hrafn Kristjánsson, þjálfari karla- og kvennaliðs KR í körfubolta, mun standa í ströngu á morgun er hann stýrir báðum liðum sínum í úrslitum bikarkeppninnar.

Körfubolti 18. febrúar 2011 19:20

Topptilþrif frá þeim stigahæsta í deildinni - myndband

Haukamaðurinn Semaj Inge er stigahæsti leikmaður Iceland Express deildarinnar í körfubolta en hann hefur skorað 23,3 stig að meðaltali í leik það sem af er í vetur. Semaj er mikill tilþrifakarl eins og sást vel í síðsta leik Hauka á móti Keflavík.

Körfubolti 17. febrúar 2011 17:30

Myndasyrpa af sigri Stjörnumanna

Stjarnan vann í gær sigur á Grindavík í Iceland Express-deild karla í gær en þetta var fjórða tap Grindvíkinga í röð í deildinni.

Körfubolti 15. febrúar 2011 12:15

Helgi Jónas: Þurfum naflaskoðun fyrir laugardaginn

Helgi Jónas Guðfinnsson, þjálfari Grindavíkur, segir að liðið sé ekki með neitt sjálfstraust. Grindavík tapaði í kvöld fjórða deildarleik sínum í röð þegar það lá gegn Stjörnunni í Garðabæ.

Körfubolti 14. febrúar 2011 21:37

Stjarnan skellti Grindavík

Raunir Grindvíkinga í Iceland Express-deild karla héldu áfram í kvöld þegar liðið tapaði fyrir Stjörnunni í Garðabænum.

Körfubolti 14. febrúar 2011 21:29

Teitur Örlygs: Minni spámenn létu til sín taka

„Þetta var alveg frábært. Það er mjög gott eftir tvo góða leiki hjá okkur gegn KFÍ og Tindastóli að ná að halda þetta út áfram," sagði Teitur Örlygsson, þjálfari Stjörnunnar, eftir að liðið vann Grindavík 79-70 í Iceland Express-deildinni í kvöld.

Körfubolti 14. febrúar 2011 21:26

Spennan eykst í Iceland Express deild karla

Þrír leikir fara fram í Iceland Express deild karla í kvöld þegar 18. umferð lýkur. Njarðvíkingar sækja Fjölni heim í Grafarvog í miklum fallbaráttuslag. Stjarnan og Grindavík eigast við í Garðabæ í áhugaverðum leik en Grindavík er í 3. sæti og Stjarnan í því 5. Nýliðar Hauka sem hafa komið verulega á óvart í vetur eru í 6. sæti og þeir leika gegn Keflvíkingum sem eru í 4. sæti. Allir leikir kvöldsins hefjast 19.15.

Körfubolti 14. febrúar 2011 12:15

Sigrar hjá Snæfelli og KR

Þrír leikir fóru fram í Iceland Express deild karla í körfubolta í kvöld. Snæfell er áfram í efsta sæti deildarinnar eftir góðan sigur á ÍR, 98-84, í Stykkishólmi í kvöld.

Körfubolti 13. febrúar 2011 21:14

Gunnar Sverrrisson: „Bara eins og draumur hvers þjálfara“

ÍR-ingar völtuðu yfir Hauka í 17.umferð Iceland Express deildar karla í kvöld með verðskulduðum sigri 104-86. Gunnar Sverrisson þjálfari ÍR-inga var að vonum ánægður með sigur sinna manna í kvöld enda fjórði sigur liðsins í fimm leikjum eftir áramót.

Körfubolti 11. febrúar 2011 22:30

Umfjöllun: Öruggur sigur ÍR-inga á Haukum

ÍR vann öruggan sigur á Haukum í Iceland Express deild karla í kvöld, 104-86. Sigur ÍR-inga var í raun aldrei í hættu og komust þeir mest í 26 stiga forskot í leiknum.

Körfubolti 11. febrúar 2011 22:29

Hrafn: Erfitt að eiga við okkur í þessum ham

Hrafn Kristjánsson, þjálfari KR, var virkilega ánægður með leik sinna manna í kvöld. KR vann öruggan sigur á Njarðvík ,71-91, í 16.umferð Iceland-Express deild karla í ljónagryfjunni í kvöld.

Körfubolti 11. febrúar 2011 22:06

Einar: Hræðilega spilamennska

„Ég á enginn orð til að lýsa þessari spilamennsku, en hún var hræðileg,“ sagði Einar Árni Jóhannsson, annar þjálfari Njarðvíkinga, eftir tapið í kvöld. Njarðvíkingar töpuðu illa fyrir KR-ingum ,71-91, í 16.umferð Iceland-Express deild karla í ljónagryfjunni í kvöld.

Körfubolti 11. febrúar 2011 21:57

ÍR-ingar fóru létt með Haukana í Seljaskólanum

ÍR-ingar unnu sinn annan stórsigur í röð í Seljaskólanum þegar þeir lögðu Hauka, 104-86, í Iceland Express deild karla í kvöld. ÍR-liðið vann aðeins 2 af fyrstu 10 deildarleikjum sínum í vetur en þetta var fimmti sigur Breiðhyltinga í síðustu sjö leikjum.

Körfubolti 11. febrúar 2011 20:58

Stjörnumenn enduðu sigurgöngu Stólanna í Síkinu

Stjörnumenn komust upp í fimmta sæti Iceland Express deild karla eftir tólf stiga sigur á Tindastól í Síkinu í kvöld, 90-78, en þetta var fyrsta tap Stólanna á heimavelli síðan í lok október eða í sjö leikjum.

Körfubolti 11. febrúar 2011 20:57

Umfjöllun: KR vann auðveldan sigur í Ljónagryfjunni

KR-ingar fóru létt með Njarðvíkinga, 71-91, í 16.umferð Iceland-Express deild karla í kvöld. KR-ingar mættu gríðarlega öflugir til leiks og það var greinlegt frá fyrstu mínútu að þeir ætluðu sér að keyra yfir heimamenn. Njarðvíkingar áttu erfitt með að ráða við hraðan í leiknum og eltu í raun allan tímann.

Körfubolti 11. febrúar 2011 20:50