Ferdinand segist ekki gráðugur

Varnarmaðurinn Rio Ferdinand hjá Manchester United, segir að það hafi ekki verið græðgi sem tafði undirritun nýja samnings hans í gær og blæs á sögusagnir um að hann hafi verið að bíða eftir að United samþykkti að borga honum 120.000 pund í vikulaun. "Þessar fullyrðingar um að ég sé gráðugur eru út í hött og það er ekki gaman að falla úr náðinni hjá stuðningsmönnum liðsins vegna einhvers sem einfaldlega er ekki satt. Ég gleymi aldrei þeim stuðningi sem ég hef fengið hjá félaginu og að halda því fram að ég sé vanþakklátur fyrir það er fáránlegt," sagði Ferdinand.