Alfreð um könnun

"Ég hef oft séð það svartara en þetta," segir Alfreð Þorsteinsson, borgarfulltrúi Framsóknarflokksins. "Þetta eru ekki tölur sem koma okkur framsóknarmönnum á óvart í upphafi kosningabaráttu. Vaninn hjá okkur hefur verið sá að vinna á þegar nær dregur kosningum og kosningabaráttan er eiginlega ekki byrjuð, þannig að ég þekki lægri tölur en þetta í upphafi kosningabaráttu," segir Alfreð. Aðspurður um hvenær svo hefði verið, segir Alfreð að það hafi meðal annars verið í kosningunum 1986.