Íranar hefja kjarnorkurannsóknir á ný

Íranar ætla að hefja kjarnorkurannsóknir á ný eftir rétt tæpa viku þrátt fyrir mikla andstöðu Bandaríkjamanna og Evrópusambandsins. Þetta kemur fram í tilkynningu sem barst Alþjóða kjarnorkumálastofnuninni í dag. Mohamed El Baradei, yfirmaður stofnunarinnar, ætlar að leita nánari skýringa frá stjórnvöldum í Teheran. Fastlega má búast við að Bandaríkjamenn og Evrópusambandið bregðist af hörku við þessu fregnum en fulltrúar þeirra óttast að Íranar ætli sér að nota kjarnorkuna til vopnaframleiðslu.