Rúta með ferðamönnum nærri oltin

Rúta með 26 ferðamönnum innanborðs var nálægt því að velta á grjótgarði sem liggur að Dyrhólaey rétt eftir klukkan átta í kvöld. Rútan vék út í kannt þegar hún var að mæta fólksbíl með þeim afleiðingum að kanturinn gaf sig.

Að sögn lögreglunnar á Hvolsvelli hefði getað farið illa ef rútan hefði oltið en fallið hefði verið um tveir metrar. Björgunarsveitarmenn auk lögreglunnar á Hvolfsvelli komu ferðamönnunum til bjargar og varð þeim ekki meint af en einhverjar skemmdir urðu á hægri hlið rútunnar. Um tíma var unnið að því að koma rútunni á réttan kjöl en þær upplýsingar fengust frá lögreglunni á Hvolfsvelli um klukkan hálftólf í kvöld að það hafi tekist.