Joaquin orðaður við Juventus

Umboðsmaður spænska vængmannsins Joqauin segir að leikmaðurinn sé spenntur fyrir því að færa sig yfir til Juventus á Ítalíu en hann spilar með Valencia sem stendur.

Umboðsmaðurinn segir að það hafi fleiri félög áhuga á leikmanninum sem hefur verið að spila vel í vetur.

Fjárhagsvandræði Valencia gætu aftur á móti gert það að verkum að félagið neyðist til þess að selja sína bestu leikmenn sem margir hverjir vilja hreinlega fara frá félaginu vegna vandræðanna.