Vucinic skaut Roma aftur á toppinn

Roma endurheimti toppsætið í ítalska boltanum í dag þegar að liðið sigraði granna sína í Lazio 2-1. Mirko Vucinic skoraði bæði mörk Roma.

Tommaso Rocchi kom Lazio yfir og Sergio Floccari hefði síðan getað komið liðinu í 2-0 en misnotaði vítaspyrnu.

Mirko Vucinic jafnaði fyrir Roma úr umdeildri vítaspyrnu á 53.mínútu og skoraði síðan sigurmarkið úr aukaspyrnu tíu mínútum síðar.

Roma hefur núna eins stigs forskot á Inter þegar fjórar umferðir eru eftir.