Með A4 innanklæða Bryndís Björgvinsdóttir skrifar 25. júní 2010 06:00 Hver sá sem ræðst á Alþingi, svo að því eða sjálfræði þess er hætta búin, lætur boð út ganga, sem að því lýtur, eða hlýðir slíku boði, skal sæta fangelsi ekki skemur en 1 ár, og getur refsingin orðið ævilangt fangelsi, ef sakir eru miklar. - 100. gr. almennra hegningarlaga. GestagangurAð morgni dags þann 8. desember 2008 bar ókunnugan gest að garði Alþingis. Hann bankar á dyrnar sem leiða upp á áhorfendapalla almennings. Þingvörður opnar fyrir gestinum og hleypir honum inn. Á meðan gesturinn tekur af sér lætur annar gestur vita af sér við dyrnar. Þingvörðurinn opnar fyrir honum, sem og tveimur öðrum gestum sem koma aðvífandi. Einn þessara gesta staðnæmist í dyragættinni á meðan enn fleiri gestir birtast að baki honum - og skyndilega eru rúmlega tuttugu manns í anddyrinu og á leið upp á palla. Fleiri þingverðir koma að. Þeir ákveða að meina gestunum leið á pallana, og ýta eða toga þá niður stigana. Gestirnir ýta á móti og segjast hafa rétt á að fara upp á pallana - þar sem einn þeirra hyggst lesa upp tilkynningu fyrir þingheim. Samkvæmt frásögn eins þingvarðar hreyta sumir gestanna „svívirðingum", en „beita engu valdi eða ofbeldi". Með A4 innanklæðaStuttu eftir að þingverðir og gestir taka að moðast um anddyri og stigaganga kemur lögreglan að og lokar gestina af inni í húsinu. Tveir þeirra komast þó upp á áhorfendapallana þar sem annar þeirra dregur upp eina árásarvopn heimsóknarinnar: A4-blað - með stöfum á. Hann nær að lesa niðurlag tilkynningarinnar áður en hann er dreginn í burtu af vöskum lögreglumanni. „Út," kallar gesturinn yfir þingheim, „drullið ykkur út. Þetta hús þjónar ekki tilgangi sínum lengur."Lögreglan heldur gestunum í stiganum nokkra hríð, gerir síðan sumum frjálst að fara en ber aðra út í járnum og undarlegum stellingum. Í kjölfarið gerist tvennt: Þingmenn fresta fundi um sem nemur tvöföldum ljósabekkjatíma. Og níu manna slembiúrtak úr gestahópnum er ákært fyrir brot á 100. grein hegningarlaga, að hafa gert árás á Alþingi. Óraplága„Ekki var hægt að útiloka að einhverjir í hópnum væru með eitthvað innanklæða sem gæti skaðað alþingismenn og starfsmenn," skrifar Helgi Bernódusson, skrifstofustjóri Alþingis, til lögreglustjóra í kjölfar uppákomunnar. Þar með er mál nímenninganna hjúpað efasemdum: Ljóst er að nímenningarnir voru ekki einir um að trufla þingstörf veturinn 2008-2009, en stefnan er sett á að refsa þeim fyrir eitthvað sem þeir hefðu getað gert - eitthvað sem þeir hefðu getað verið með innanklæða.Engar eignir voru skemmdar. Engar gangstéttarhellur flugu um anddyrið. Engan ásetning um ofbeldi eða hótanir má finna í sönnunargögnum. Einn gestanna er sagður hafa bitið í leðurhanska lögregluþjóns sem hafði gripið um andlit hans. Þingvörður meiddist á þumli. Loks sætir einn útbornu gestanna ákæru fyrir að hafa hrint þingverði á ofn. Í vor sýndi Kastljós Sjónvarpsins hins vegar upptöku úr öryggismyndavél, þar sem þingvörður sést draga gestinn aftur á bak svo hann fellur eins og dómínókubbur á annan þingvörð sem þá fer utan í ofninn. Þrátt fyrir myndbandið hafa ákærurnar á hendur nímenningunum ekkert breyst.Segjum að í ljós kæmi myndband sem sýndi að þeir ellefu meintu vændiskaupendur, sem bráðum verður einnig réttað yfir, hefðu alls ekki snert konurnar á þann hátt sem þeir eru sakaðir um. Yrði samt krafist ákæru fyrir að „ekki hafi verið hægt að útiloka" að þeir hefðu getað keypt konurnar? Að karlmennirnir hefðu getað verið með pening innanklæða sem þeir hefðu getað notað ólöglega?Eins og í Lúkasarmálinu svokallaða lykta ákærurnar á hendur nímenningunum af ofsóknum og órum um hvað þeir hefðu getað gert. Órarnir afhjúpa þá staðreynd að nímenningana á að gera að blórabögglum: Það eru ekki beinlínis þeir sem verið er að sækja til saka, heldur allir þeir sem trufluðu þinghald veturinn 2008-2009 með ítrekuðum mótmælafundum og búsáhaldabyltingu. Bunki af A440 dögum eftir heimsóknina á áhorfendapallana loguðu eldar við Alþingishúsið. Þá sindraði á piparúða og skuggar féllu á húsið af skiltum, pönnum og lögreglukylfum. Þá daga hrópuðu gestirnir að Alþingi tímunum saman - þar til þingmenn loks raunverulega „drulluðu sér út" í gegnum leynigöng og undir lögregluvernd. 700 þátttakendur í mótmælunum hafa skrifað undir kröfu um að ákærurnar á hendur nímenningunum verði látnar niður falla. Að öðrum kosti verði þeir allir einnig sóttir til saka fyrir árás á Alþingi - í sama skilningi og nímenningarnir: Þeir sóttu Alþingi heim, án vopna og án ofbeldis, en með mun háværari tilkynningum en gestirnir sem fóru á undan. Þann 24. júní voru þinginu afhentar þessar undirskriftir, meitlaðar í það eina sem nímenningarnir reyndust vega að Alþingi með eftir allt saman - bunka af A4.Þann 29. júní nk. verður réttað yfir nímenningunum fyrir héraðsdómi. Rétt eins og í máli vændiskaupendanna verður aðgangur almennings að þinghaldinu takmarkaður og þinghaldið sjálft varið af lögreglu, en ekki að ósk hinna ákærðu - eins og í tilviki vændiskaupendanna - heldur til að halda fólki af sama sauðahúsi og nímenningarnir frá dómsalnum. Svona fólki sem gæti verið með eitthvað í vösunum. Viltu birta grein á Vísi? Sendu okkur póst. Senda grein Skoðun Mest lesið Sleppum brúnni og förum betri leið framhjá Selfossi Elliði Vignisson Skoðun Spilling á Íslandi: Erum við að missa tökin? Ágústa Árnadóttir Skoðun Halldór 5.10.2024 Jón Þór Stefánsson Halldór Af ofurhetjum og störfum þeirra Kristín Björnsdóttir Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Eignafólk græðir mikið á vaxtastefnu Seðlabankans Stefán Ólafsson Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun Foreldrar eru sérfræðingar í sínum börnum Valdimar Víðisson Skoðun Þjóðaróperan á Alþingi í nær 70 ár Finnur Bjarnason,Þórunn Sigurðardóttir Skoðun Skoðun Skoðun Uppeldi frá gamla einmenningar eins-skin-litar viðhorfum Matthildur Björnsdóttir skrifar Skoðun Af ofurhetjum og störfum þeirra Kristín Björnsdóttir skrifar Skoðun Eignafólk græðir mikið á vaxtastefnu Seðlabankans Stefán Ólafsson skrifar Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar Skoðun Framtíðarkvíði er ekki gott veganesti Sigurður Páll Jónsson skrifar Skoðun Spilling á Íslandi: Erum við að missa tökin? Ágústa Árnadóttir skrifar Skoðun Orkan á Vestfjörðum Þorsteinn Másson skrifar Skoðun Smábátar eru þjóðhagslega hagkvæmari en togarar Kjartan Sveinsson skrifar Skoðun Foreldrar eru sérfræðingar í sínum börnum Valdimar Víðisson skrifar Skoðun Vísindin vakna til nýsköpunar! Einar Mäntylä skrifar Skoðun Risastórt lýðheilsumál sem Alþingi hunsar Sigurður Hólmar Jóhannesson skrifar Skoðun Þess vegna býð ég mig fram Guðmundur Ingi Guðbrandsson skrifar Skoðun Sleppum brúnni og förum betri leið framhjá Selfossi Elliði Vignisson skrifar Skoðun Einstakur atburður og viðbúnaður Marinó G. Njálsson skrifar Skoðun Framboð er eina leiðin Eiríkur St. Eiríksson skrifar Skoðun Háskóli Íslands er ekki að sinna skyldum sínum Silja Höllu Egilsdóttir skrifar Skoðun Verðmætasköpun og kennarar Davíð Már Sigurðsson skrifar Skoðun Nýjar lausnir gegn ofbeldi Drífa Snædal skrifar Skoðun Lögin um það sem er bannað Helgi Brynjarsson skrifar Skoðun Að dansa í regninu Lóa Björk Ólafsdóttir skrifar Skoðun Dauðarefsing Pírata Sigurjón Þórðarson skrifar Skoðun Af hverju erum við að þessu? Kjartan Sveinn Guðmundsson skrifar Skoðun Upplýsingaóreiða í boði orkugeirans og Landsvirkjunar Snæbjörn Guðmundsson skrifar Skoðun Úrskurðargrautur lögmanna Ómar R. Valdimarsson skrifar Skoðun Er vitlaust gefið í stjórnmálum? Reynir Böðvarsson skrifar Skoðun Hinn langi USArmur Ísraels Ingólfur Steinsson skrifar Skoðun Kveðja frá Heimssýn til landsfundar VG 2024 Haraldur Ólafsson skrifar Skoðun Þjóðaróperan á Alþingi í nær 70 ár Finnur Bjarnason,Þórunn Sigurðardóttir skrifar Skoðun Um Ölfusárbrú og veggjöld Haukur Arnþórsson skrifar Sjá meira
Hver sá sem ræðst á Alþingi, svo að því eða sjálfræði þess er hætta búin, lætur boð út ganga, sem að því lýtur, eða hlýðir slíku boði, skal sæta fangelsi ekki skemur en 1 ár, og getur refsingin orðið ævilangt fangelsi, ef sakir eru miklar. - 100. gr. almennra hegningarlaga. GestagangurAð morgni dags þann 8. desember 2008 bar ókunnugan gest að garði Alþingis. Hann bankar á dyrnar sem leiða upp á áhorfendapalla almennings. Þingvörður opnar fyrir gestinum og hleypir honum inn. Á meðan gesturinn tekur af sér lætur annar gestur vita af sér við dyrnar. Þingvörðurinn opnar fyrir honum, sem og tveimur öðrum gestum sem koma aðvífandi. Einn þessara gesta staðnæmist í dyragættinni á meðan enn fleiri gestir birtast að baki honum - og skyndilega eru rúmlega tuttugu manns í anddyrinu og á leið upp á palla. Fleiri þingverðir koma að. Þeir ákveða að meina gestunum leið á pallana, og ýta eða toga þá niður stigana. Gestirnir ýta á móti og segjast hafa rétt á að fara upp á pallana - þar sem einn þeirra hyggst lesa upp tilkynningu fyrir þingheim. Samkvæmt frásögn eins þingvarðar hreyta sumir gestanna „svívirðingum", en „beita engu valdi eða ofbeldi". Með A4 innanklæðaStuttu eftir að þingverðir og gestir taka að moðast um anddyri og stigaganga kemur lögreglan að og lokar gestina af inni í húsinu. Tveir þeirra komast þó upp á áhorfendapallana þar sem annar þeirra dregur upp eina árásarvopn heimsóknarinnar: A4-blað - með stöfum á. Hann nær að lesa niðurlag tilkynningarinnar áður en hann er dreginn í burtu af vöskum lögreglumanni. „Út," kallar gesturinn yfir þingheim, „drullið ykkur út. Þetta hús þjónar ekki tilgangi sínum lengur."Lögreglan heldur gestunum í stiganum nokkra hríð, gerir síðan sumum frjálst að fara en ber aðra út í járnum og undarlegum stellingum. Í kjölfarið gerist tvennt: Þingmenn fresta fundi um sem nemur tvöföldum ljósabekkjatíma. Og níu manna slembiúrtak úr gestahópnum er ákært fyrir brot á 100. grein hegningarlaga, að hafa gert árás á Alþingi. Óraplága„Ekki var hægt að útiloka að einhverjir í hópnum væru með eitthvað innanklæða sem gæti skaðað alþingismenn og starfsmenn," skrifar Helgi Bernódusson, skrifstofustjóri Alþingis, til lögreglustjóra í kjölfar uppákomunnar. Þar með er mál nímenninganna hjúpað efasemdum: Ljóst er að nímenningarnir voru ekki einir um að trufla þingstörf veturinn 2008-2009, en stefnan er sett á að refsa þeim fyrir eitthvað sem þeir hefðu getað gert - eitthvað sem þeir hefðu getað verið með innanklæða.Engar eignir voru skemmdar. Engar gangstéttarhellur flugu um anddyrið. Engan ásetning um ofbeldi eða hótanir má finna í sönnunargögnum. Einn gestanna er sagður hafa bitið í leðurhanska lögregluþjóns sem hafði gripið um andlit hans. Þingvörður meiddist á þumli. Loks sætir einn útbornu gestanna ákæru fyrir að hafa hrint þingverði á ofn. Í vor sýndi Kastljós Sjónvarpsins hins vegar upptöku úr öryggismyndavél, þar sem þingvörður sést draga gestinn aftur á bak svo hann fellur eins og dómínókubbur á annan þingvörð sem þá fer utan í ofninn. Þrátt fyrir myndbandið hafa ákærurnar á hendur nímenningunum ekkert breyst.Segjum að í ljós kæmi myndband sem sýndi að þeir ellefu meintu vændiskaupendur, sem bráðum verður einnig réttað yfir, hefðu alls ekki snert konurnar á þann hátt sem þeir eru sakaðir um. Yrði samt krafist ákæru fyrir að „ekki hafi verið hægt að útiloka" að þeir hefðu getað keypt konurnar? Að karlmennirnir hefðu getað verið með pening innanklæða sem þeir hefðu getað notað ólöglega?Eins og í Lúkasarmálinu svokallaða lykta ákærurnar á hendur nímenningunum af ofsóknum og órum um hvað þeir hefðu getað gert. Órarnir afhjúpa þá staðreynd að nímenningana á að gera að blórabögglum: Það eru ekki beinlínis þeir sem verið er að sækja til saka, heldur allir þeir sem trufluðu þinghald veturinn 2008-2009 með ítrekuðum mótmælafundum og búsáhaldabyltingu. Bunki af A440 dögum eftir heimsóknina á áhorfendapallana loguðu eldar við Alþingishúsið. Þá sindraði á piparúða og skuggar féllu á húsið af skiltum, pönnum og lögreglukylfum. Þá daga hrópuðu gestirnir að Alþingi tímunum saman - þar til þingmenn loks raunverulega „drulluðu sér út" í gegnum leynigöng og undir lögregluvernd. 700 þátttakendur í mótmælunum hafa skrifað undir kröfu um að ákærurnar á hendur nímenningunum verði látnar niður falla. Að öðrum kosti verði þeir allir einnig sóttir til saka fyrir árás á Alþingi - í sama skilningi og nímenningarnir: Þeir sóttu Alþingi heim, án vopna og án ofbeldis, en með mun háværari tilkynningum en gestirnir sem fóru á undan. Þann 24. júní voru þinginu afhentar þessar undirskriftir, meitlaðar í það eina sem nímenningarnir reyndust vega að Alþingi með eftir allt saman - bunka af A4.Þann 29. júní nk. verður réttað yfir nímenningunum fyrir héraðsdómi. Rétt eins og í máli vændiskaupendanna verður aðgangur almennings að þinghaldinu takmarkaður og þinghaldið sjálft varið af lögreglu, en ekki að ósk hinna ákærðu - eins og í tilviki vændiskaupendanna - heldur til að halda fólki af sama sauðahúsi og nímenningarnir frá dómsalnum. Svona fólki sem gæti verið með eitthvað í vösunum.
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar
Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun