Hilmar Jónsson bætti Íslandsmetið í sleggjukasti

Sleggjukastarinn efnilegi Hilmar Jónsson náði frábærum árangri á Evrópumóti undir 19 ára á Ítalíu í dag en hann kastaði 71,85 og hafnaði hann því í 6. sæti keppninnar.

Hilmar er aðeins 17 ára gamall og hefur vakið töluverða athygli ytra en hann bætti sig mikið persónulega með kastinu og setti einnig nýtt Íslandsmet í Rieti á Ítalíu í dag.

Jón Sigurjónsson er faðir Hilmars og var einn fremsti sleggjukastari á landinu um árabil. Hann þarf því ekki að sækja hæfileikana langt.