Neymar með þrennu í stórsigri Barcelona - úrslit kvöldsins í Meistaradeildinni

Arsenal, Dortmund, Schalke, AC Milan og Zenit tryggðu sér öll í kvöld sæti í sextán liða úrslitum Meistaradeildar Evrópu í fótbolta. Chelsea, Barcelona og Atlético Madrid voru þegar búin að tryggja sér sæti í útsláttarkeppninni fyrir leiki kvöldsins.

Neymar fór á kostum í 6-0 sigri Barcelona á Celtic í kvöld en leikurinn skipti litlu máli enda Barcelona komið áfram og Celtic úr leik. Neymar skoraði þrjú markanna og lagði upp eitt.

Kolbeinn Sigþórsson og félagar í Ajax voru manni fleiri í 68 mínútur á móti AC Milan á San Siro en tókst ekki að skora markið sem hefði komið þeim áfram í sextán liða úrslitin. Kolbeinn kom inn á sem varamaður á 73. mínútu.

Kevin Grosskreutz var hetja Borussia Dortmund þegar hann skoraði sigurmarkið á móti Marseille. Markið tryggði Dortmund 2-1 sigur og sæti í sextán liða úrslitunum á kostnað Napoli auk þess að þýska liðið tryggði sér sigur í riðlinum af því að Arsenal tapaði sínum leik.

Napoli vann 2-0 heimasigur á Arsenal á sama tíma þökk sé mörkum Gonzalo Higuaín og José Mária Callejón en það var ekki nóg. Öll þrjú liðin enduðu með jafnmörg stig en Arsenal og Borussia Dortmund komust með bestan árangur í innbyrðisleikjum liðanna þriggja. Napoli vantaði bara eitt mark í viðbót.

Chelsea vann E-riðilinn eftir 1-0 sigur á Steaua Búkarest en sigurmarkið var sjálfsmark Rúmenanna sem kom strax á tíundu mínútu leiksins. Schalke komst áfram eftir 2-0 heimasigur á Basel.

Úrslit og markaskorarar í Meistaradeildinni í kvöld:

E-riðill

Chelsea - Steaua Búkarest    1-0

1-0 Sjálfsmark (10.)

Schalke 04 - Basel    2-0

1-0 Julian Draxler (51.), 2-0 Joel Matip (57.)

F-riðill

Napoli - Arsenal    2-0

1-0 Gonzalo Higuaín (73.), 2-0 José Mária Callejón (90.+3).

Marseille - Borussia Dortmund    1-2

0-1 Robert Lewandowski (4.), 1-1 Souleymane Diawara (14.), 1-2 Kevin Grosskreutz (87.)

G-riðill

Atlético Madrid - Porto    2-0

1-0 Raúl García (14.), 2-0 Diego Costa (37.)

Austria Wien - Zenit St. Petersburg    4-1

0-1 Aleksandr Kerzhakov (35.), 1-1 Philipp Hosiner (44.), 2-1 Tomáš Jun (48.), 3-1 Philipp Hosiner (51.), 4-1 Roman Kienast (90.).

H-riðill

AC Milan - Ajax    0-0

Barcelona - Celtic    6-1

1-0 Gerard Piqué (7.), 2-0 Pedro (40.), 3-0 Neymar Jr. (45.), 4-0 Neymar Jr.. (48.), 5-0 Neymar Jr.. (58.), 6-0 Cristian Tello (72.), 6-1 Georgios Samaras (88.)

Lokastöðurnar í riðlunum:

E-riðill

Chelsea 12

Schalke 10

Basel 8

Steaua Búkarest 3

F-riðill

Dortmund 12

Arsenal 12

Napólí 12

Marseille 0

G-riðill

Atletico Madrid 16

Zenit 6

Porto 5

Austria Vín 5

H-riðill

Barcelona 13

AC Milan 9

Ajax 8

Celtic 3