Eiður á leið í Ofurdeildina?

Eiður Smári Guðjohnsen gæti verið á leið til Indlands í ofurdeildina þar í landi, en Eiður Smári er án félags eftir að samningur hans við Club Brugge rann út í sumar.

Eiður Smári sem lék eins og fyrr segir með Club Brugge á síðasta tímabili er sagður vera í takinu hjá nokkrum indverskum félögum, en þetta hefur Morgunblaðið eftir belgíska miðlinum VoetballNieuws.com.

Ofurdeildin í Indlandi stendur frá október til miðjan desember og frægir kappar á borð við Alessandro del Piero, David Trezeguet og David James munu spila í deildinni í ár.