Umfjöllun, viðtöl og einkunnir: KR - Þór 4-1 | Martin nálægt gullskónum Kristinn Ásgeir Gylfason á KR-vellinum skrifar 4. október 2014 12:45 vísir/daníel KR vann Þór, 4-1, í lokaumferð Pepsi-deildar karla í knattspyrnu í dag. Jóhann Helgi Hannesson kom Þór yfir en KR-ingar svöruðu með fjórum mörkum. Gary Martin skoraði þrennu fyrir KR-inga og er nú með 13 mörk í deildinni. Atli Guðnason þarf því að raða inn mörkum í úrslitaleiknum eigi Martin ekki að fá gullskóinn. KR endar í þriðja sæti en Þór í síðasta sæti. Leikurinn var jafn og greinileg leikgleði hjá leikmönnum Þórs. Bæði lið voru dugleg að sækja þrátt fyrir að ekkert væri í húfi í leiknum nema heiðurinn. Ungmannafélagsandinn sveif yfir vötnum fram að marki Þórs. Eftir markið færðist meiri harka í leikinn. Gary Martin steig aðeins upp og fór að sækja boltann inn á eigin vallarhelming. Hann var ákveðinn í að skora þau mörk sem hann þurfti. Eftir vítaspyrnuna sem Gary Martin skoraði fyrsta markið sitt úr varð breyting á leik heimamanna. Spilið á milli leikmanna fór að ganga hraðar og minna varð um klaufaleg mistök. Norðanmenn eiga þó hrós skilið fyrir að halda áfram að berjast og skapa færi. Þeir áttu nokkur tækifæri sem hefðu með smá heppni orðið mörk. Það verður ekki sagt að KR hafi valtað yfir Þór þrátt fyrir að úrslit leiksins kunni að gefa það til kynna. Baráttan var nokkuð jöfn allan leikinn en augljóslega gekk heimamönnum betur að skila boltanum í netið.Gary Martin: Ég hef bætt mig mikið síðan ég kom til KR„Það er erfiðara fyrir KR en nokkurt annað lið að skora þrennu. Það er frábært að skora þrennu. Ég setti mér markmið fyrir sumarið að skora 10-12 mörk,“ sagði sóknarmaðurinn. „Umboðsmaðurinn er alltaf að minna mann á að það er verið að fylgjast með. Ef KR vill ekki selja mig þá er ég ekki að fara neitt. Það er gaman að spila fyrir stærsta félag á landinu. Ég fór ekki að velta Gullskónum fyrir mér fyrr en KR gat ekki lengur unnið deildina,“ sagði markahrókurinn. „Ég vil hrósa Rúnari og hinum þjálfurunum ég hef bætt mig mikið hjá þeim. Ég hef tekið miklum framförum frá því ég kom til KR frá ÍA,“ sagði Gary Martin, maður leiksins.Guðmundur Reynir: Það er aldrei að vita hvað gerist „Gaman að enda á sigri. Ég er að hætta í bili, ég verð líklegast allavega ekki með á næsta tímabili, en það er aldrei að vita hvað gerist en eins og staðan er núna er ég harð ákveðinn að hætta,“ sagði Guðmundur sem virðist ekki vilja útiloka mögulega endurkomu. „Ég hef alltaf bara viljað spila fyrir KR á Íslandi á meðan ég kemst í KR myndi ég ekki vilja spila annars staðar,“ sagði Guðmundur Reynir aðspurður hvort kæmi til greina að spila fyrir annað félag en KR ef hann snýr aftur í fótbolta.Páll Viðar, þjálfari Þórs: Við kláruðum mótið mð sæmd „Vonandi geta menn slegið á létta strengi í kvöld. Varðandi framtíðina verður helgin að fá að líða áður en eitthvað kemur í ljós,“ sagði Páll á léttum nótum. „Stjórn Þórs verður fyrst til að fá að vita af því ef ég ákveð að hætta sem þjálfari Þórs. Mig langar að vera áfram í Þór, hvort sem ég er þjálfari eða ekki. Ég er Þórsari í gær og ég verð líka Þórsari á morgun,“ sagði Páll. „Leikurinn var fínn, við áttum fullt erindi í fyrri hálfleik. Mér þótti svolítið áhugavert að Gary var látinn fá tvö víti og klára þetta. Við gáfum KR-ingum fínan leik í dag og kláruðum mótið með sæmd,“ sagði Páll sem var ánægður með baráttu sinna manna í dag.Rúnar, þjálfari KR: Ég held að við verðum að vera sáttir með tímabilið „Mér fannst spilið full hægt til að byrja með. Það var í raun ágætt að fá á sig mark í byrjun því það vakti menn aðeins til lífsins,“ sagði Rúnar. „Gary fékk að taka vítaspyrnurnar sem hann hefur ekki fengið að gera, hann ætti kannski auðveldara með Gullskóinn ef hann hefði fengið að gera það,“ sagði Rúnar um Gary Martin. Aðspurður hvort hann yrði þjálfari KR á næsta ári sagði Rúnar: „Ég er ekki með samning á næsta ári en við erum í samningaviðræðum. Mig langar að vera þjálfari KR áfram. Það er ýmislegt annað sem hefur verið upp á borðinu, varðandi þjálfun erlendis. Það er ekkert orðið fast. Vonandi liggur það fyrir eftir um 10-15 daga.“ „Ég held við verðum að vera sáttir við tímabilið, við erum meistarar meistaranna, bikarmeistarar, náðum í evrópusæti og þriðja sætið í deildinni. Pepsi Max-deild karla Mest lesið Eigandi Nottingham Forest ákærður af enska knattspyrnusambandinu Enski boltinn Maté: Erum að fara að tapa fullt af leikjum Körfubolti Eiður Smári sá son sinn leggja upp mark á móti Chelsea Fótbolti „Ennisbandið var slegið af honum“ Körfubolti Bruno sá aftur rautt en Maguire bjargaði stigi í uppbótartíma Fótbolti „Þarft að vera sami leikmaður og á Íslandi og bæta tuttugu prósentum ofan á það“ Fótbolti „Fannst við spila fullkominn fyrri hálfleik“ Fótbolti Grótta tyllti sér á toppinn og KA fékk fyrstu stigin Handbolti Schumacher sást meðal fólks í fyrsta sinn í ellefu ár Formúla 1 Sigursteinn Arndal: FH liðið langt frá sínu besta Handbolti Fleiri fréttir Svona var kynningarfundurinn fyrir úrslitaleikinn Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Sjá meira
KR vann Þór, 4-1, í lokaumferð Pepsi-deildar karla í knattspyrnu í dag. Jóhann Helgi Hannesson kom Þór yfir en KR-ingar svöruðu með fjórum mörkum. Gary Martin skoraði þrennu fyrir KR-inga og er nú með 13 mörk í deildinni. Atli Guðnason þarf því að raða inn mörkum í úrslitaleiknum eigi Martin ekki að fá gullskóinn. KR endar í þriðja sæti en Þór í síðasta sæti. Leikurinn var jafn og greinileg leikgleði hjá leikmönnum Þórs. Bæði lið voru dugleg að sækja þrátt fyrir að ekkert væri í húfi í leiknum nema heiðurinn. Ungmannafélagsandinn sveif yfir vötnum fram að marki Þórs. Eftir markið færðist meiri harka í leikinn. Gary Martin steig aðeins upp og fór að sækja boltann inn á eigin vallarhelming. Hann var ákveðinn í að skora þau mörk sem hann þurfti. Eftir vítaspyrnuna sem Gary Martin skoraði fyrsta markið sitt úr varð breyting á leik heimamanna. Spilið á milli leikmanna fór að ganga hraðar og minna varð um klaufaleg mistök. Norðanmenn eiga þó hrós skilið fyrir að halda áfram að berjast og skapa færi. Þeir áttu nokkur tækifæri sem hefðu með smá heppni orðið mörk. Það verður ekki sagt að KR hafi valtað yfir Þór þrátt fyrir að úrslit leiksins kunni að gefa það til kynna. Baráttan var nokkuð jöfn allan leikinn en augljóslega gekk heimamönnum betur að skila boltanum í netið.Gary Martin: Ég hef bætt mig mikið síðan ég kom til KR„Það er erfiðara fyrir KR en nokkurt annað lið að skora þrennu. Það er frábært að skora þrennu. Ég setti mér markmið fyrir sumarið að skora 10-12 mörk,“ sagði sóknarmaðurinn. „Umboðsmaðurinn er alltaf að minna mann á að það er verið að fylgjast með. Ef KR vill ekki selja mig þá er ég ekki að fara neitt. Það er gaman að spila fyrir stærsta félag á landinu. Ég fór ekki að velta Gullskónum fyrir mér fyrr en KR gat ekki lengur unnið deildina,“ sagði markahrókurinn. „Ég vil hrósa Rúnari og hinum þjálfurunum ég hef bætt mig mikið hjá þeim. Ég hef tekið miklum framförum frá því ég kom til KR frá ÍA,“ sagði Gary Martin, maður leiksins.Guðmundur Reynir: Það er aldrei að vita hvað gerist „Gaman að enda á sigri. Ég er að hætta í bili, ég verð líklegast allavega ekki með á næsta tímabili, en það er aldrei að vita hvað gerist en eins og staðan er núna er ég harð ákveðinn að hætta,“ sagði Guðmundur sem virðist ekki vilja útiloka mögulega endurkomu. „Ég hef alltaf bara viljað spila fyrir KR á Íslandi á meðan ég kemst í KR myndi ég ekki vilja spila annars staðar,“ sagði Guðmundur Reynir aðspurður hvort kæmi til greina að spila fyrir annað félag en KR ef hann snýr aftur í fótbolta.Páll Viðar, þjálfari Þórs: Við kláruðum mótið mð sæmd „Vonandi geta menn slegið á létta strengi í kvöld. Varðandi framtíðina verður helgin að fá að líða áður en eitthvað kemur í ljós,“ sagði Páll á léttum nótum. „Stjórn Þórs verður fyrst til að fá að vita af því ef ég ákveð að hætta sem þjálfari Þórs. Mig langar að vera áfram í Þór, hvort sem ég er þjálfari eða ekki. Ég er Þórsari í gær og ég verð líka Þórsari á morgun,“ sagði Páll. „Leikurinn var fínn, við áttum fullt erindi í fyrri hálfleik. Mér þótti svolítið áhugavert að Gary var látinn fá tvö víti og klára þetta. Við gáfum KR-ingum fínan leik í dag og kláruðum mótið með sæmd,“ sagði Páll sem var ánægður með baráttu sinna manna í dag.Rúnar, þjálfari KR: Ég held að við verðum að vera sáttir með tímabilið „Mér fannst spilið full hægt til að byrja með. Það var í raun ágætt að fá á sig mark í byrjun því það vakti menn aðeins til lífsins,“ sagði Rúnar. „Gary fékk að taka vítaspyrnurnar sem hann hefur ekki fengið að gera, hann ætti kannski auðveldara með Gullskóinn ef hann hefði fengið að gera það,“ sagði Rúnar um Gary Martin. Aðspurður hvort hann yrði þjálfari KR á næsta ári sagði Rúnar: „Ég er ekki með samning á næsta ári en við erum í samningaviðræðum. Mig langar að vera þjálfari KR áfram. Það er ýmislegt annað sem hefur verið upp á borðinu, varðandi þjálfun erlendis. Það er ekkert orðið fast. Vonandi liggur það fyrir eftir um 10-15 daga.“ „Ég held við verðum að vera sáttir við tímabilið, við erum meistarar meistaranna, bikarmeistarar, náðum í evrópusæti og þriðja sætið í deildinni.
Pepsi Max-deild karla Mest lesið Eigandi Nottingham Forest ákærður af enska knattspyrnusambandinu Enski boltinn Maté: Erum að fara að tapa fullt af leikjum Körfubolti Eiður Smári sá son sinn leggja upp mark á móti Chelsea Fótbolti „Ennisbandið var slegið af honum“ Körfubolti Bruno sá aftur rautt en Maguire bjargaði stigi í uppbótartíma Fótbolti „Þarft að vera sami leikmaður og á Íslandi og bæta tuttugu prósentum ofan á það“ Fótbolti „Fannst við spila fullkominn fyrri hálfleik“ Fótbolti Grótta tyllti sér á toppinn og KA fékk fyrstu stigin Handbolti Schumacher sást meðal fólks í fyrsta sinn í ellefu ár Formúla 1 Sigursteinn Arndal: FH liðið langt frá sínu besta Handbolti Fleiri fréttir Svona var kynningarfundurinn fyrir úrslitaleikinn Snýr aftur heim í KR Tarik í bann eftir fræknu frammistöðuna Sjáðu slysalegt sjálfsmark og Emil skora í tólfta sinn Hilmar Árni: Þurftum að vinna, gerðum það og svo bara næsti leikur Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Oliver við æfingar á Englandi eftir frábært tímabil með ÍBV Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Fær Njarðvík frekar stimpilinn? „Væri gaman að spila við þá í hverri einustu viku” Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu Uppgjörið: Valur - Víkingur 2-3 | Draumamark Tariks kom Víkingi á toppinn „Ætli svona 4-3 hefði ekki verið sanngjarnt“ „Hún er þarna til að verja og hún gerir það vel“ Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum „Sannfærður um að við séum að einblína á röngu hlutina“ Vonbrigða tímabil Vals getur skorið úr um hvar titillinn endar Hveragerði fær stimpilinn frá Mosó KR upp um deild og Haukar tóku við bikarnum „Þetta er bara besta móment lífs míns“ Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn „Ég bara hágrét í leikslok“ „Þetta endar eins og þetta á að enda“ Uppgjörið: Víkingur - Valur 1-2 | Íslandsmeistararnir fá úrslitaleik á heimavelli Uppgjörið: Breiðablik - FH 4-2 | Breiðablik vann í markaleik og mætir Val í hreinum úrslitaleik Utan vallar: Ungt og leikur sér Selfoss fór með sigur af hólmi á Laugardalsvelli Sjá meira
Uppgjörið: Keflavík - Afturelding 0-1 | Mosfellingar í efstu deild karla í fótbolta í fyrsta sinn