Sér tvo kosti í stöðunni varðandi nýjan dómsmálaráðherra Kolbeinn Tumi Daðason skrifar 13. mars 2019 15:55 Bjarni Benediktsson ræddi við fjölmiðla í þinghúsinu í dag. Vísir/Vilhelm Bjarni Benediktsson fjármálaráðherra og formaður Sjálfstæðisflokksnis segir tvo möguleika í stöðunni varðandi hvernig brugðist verði við brotthvarfi Sigríðar Á. Andersen úr stóli dómsmálaráðherra. Annars vegar að annar ráðherra taki við skyldum ráðherra eða nýr ráðherra komi úr hópi þingmanna Sjálfstæðisflokksins. Sigríður tilkynnti á blaðamannafundi í ráðuneytinu í dag að hún ætlaði að stíga til hliðar til tímabundið á meðan dómur Mannréttindadómstólsins er til skoðunar. Bjarni ræddi við blaðamenn í þinghúsinu í dag þar sem hann útskýrði að þau Sigríður hefðu setið saman og metið stöðuna. „Metið þörfina til að gera það sem við getum og í okkar valdi stendur til að draga úr óvissu,“ sagði Bjarni. „Sigríður stígur þetta skref sem mér finnst mjög virðingavert,“ sagði fjármálaráðherra og minnti á að hann hefði staðið með Sigríði á hverju stigi málsins. Kom Bjarna í opna skjöldu Dómurinn hefði komið honum í opna skjöldu. Tveir af sjö dómurum hefðu þó skilað sérákvæði. Hann væri ánægður að ráðherrar í ríkisstjórninni væru sammála um að tilefni væri til að láta reyna á niðurstöðu Mannréttindadómstólsins hjá Yfirrétti dómsins. Óvíst væri þó hvort það fengist samþykkt, þ.e. að rétturinn tæki málið fyrir og þá er ekki ljóst hve langan tíma það taki. Bjarni lagði áherslu á að flokkarnir í ríkisstjórninni hefðu mjög mikla trú á samstarfinu. „Það eru mörg verkefni í deiglunni sem við viljum standa vörð um. Þegar við setjumst niður erum við fyrst og fremst að hugsa um að fá frið til að leiða vandasöm verkefni til lykta.“ Sigríður hefði tekið ákvörðunina algjörlega á eigin forsendum. Það sé skilningur þeirra beggja, sameiginlegur, að ákvörðunin sé til að skapa vinnufrið. Enginn útilokaði þátttöku hennar í ríkisstjórninni þegar óvissunni vegna dómsins hefði verið eytt. Ekki liggur fyrir hver sest í stól dómsmálaráðherra. Sér fyrir sér ráðherra úr þingflokknum „Ég held ég geti samt sem áður sagt á þessum tímapunkti að ég tel að það komi fyrst og fremst tveir valkostir til greina. Að við fáum annaðhvort einhvern úr ríkisstjórninni til að gegna embættinu eða einhvern úr þingflokki Sjálfstæðisflokksins í stól dómsmálaráðherra.“ „Ég held ég geti samt sem áður sagt á þessum tímapunkti að ég tel að það komi fyrst og fremst tveir valkostir til greina. Að við fáum annaðhvort einhvern úr ríkisstjórninni til að gegna embættinu eða einhvern úr þingflokki Sjálfstæðisflokksins í stól dómsmálaráðherra.“ Bjarni segir að sér hafi fundist mjög mikilvægt að ráðherrann gæti greint frá sinni afstöðu á sínum eigin forsendum. Þá rifjaði Bjarni upp þegar Landsdómur var stofnaður eftir hrun. „Mér er hugsað til þess að þegar við ákváðum að koma á fót Landsdómi á sínum tíma sprettur það upp úr ákveðnu vantrausti milli þings og stjórnarráðsins. Þingið heimtar að hafa aðkomu að málinu,“ sagði Bjarni. Nú lægi fyrir að samkvæmt dómi MDE hefði Alþingi klúðrað málunum. Gagnrýni á hendur dómstólnum Þá væri mikilvægt að velta upp spurningunni hvort Ísland hefði framselt túlkunarvald yfir íslenskum lögum til Evrópu? Hann haldi ekki. Eitt stóra álitaefnið yfir MDE væri hvar hann drægi mörkin í afskiptum af aðildarríkjum. „Við höfum ákveðið að skipa okkur í flokk með þjóðum sem vilja verja þau gildi sem eru skráð í mannréttindasáttmálann,“ sagði Bjarni. Ákvarðanir dómstólsins væru oft umdeildar. Bretar hefðu velta fyrir sér að segja sig frá dómstólnum. Þá hefðu Danir gagnrýnt dómstólinn sömuleiðis. Nú hljóti Íslendingar að spyrja sig hvort stigið hafi verið yfir línuna af Mannréttindadómstólnum. Mikilvægt sé með áfrýjun til Yfirréttarins að láta reyna á sjónarmiðin í minnihlutaáliti dómsins. „Ég er bara að segja að hér er mjög langt gengið í að hafa uppi lagatúlkun um atriði sem eru til lykta leidd af dómstólum innanlands,“ sagði Bjarni. Það hljóit að vekja upp spurningar hversu langt dómstóllinn sé í rétti að fara inn á það stig. Þetta sé grundvallarsspurning um hvar æðsta dómsvaldið á íslenskum lögum sé. Alþingi Dómstólar Landsréttarmálið Mest lesið Tveir reyndust í skotti bíls Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Mannekla bindur hendur héraðssaksóknara í samráðsmáli Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Loksins mega hommar gefa blóð Innlent Fleiri fréttir Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Sjá meira
Bjarni Benediktsson fjármálaráðherra og formaður Sjálfstæðisflokksnis segir tvo möguleika í stöðunni varðandi hvernig brugðist verði við brotthvarfi Sigríðar Á. Andersen úr stóli dómsmálaráðherra. Annars vegar að annar ráðherra taki við skyldum ráðherra eða nýr ráðherra komi úr hópi þingmanna Sjálfstæðisflokksins. Sigríður tilkynnti á blaðamannafundi í ráðuneytinu í dag að hún ætlaði að stíga til hliðar til tímabundið á meðan dómur Mannréttindadómstólsins er til skoðunar. Bjarni ræddi við blaðamenn í þinghúsinu í dag þar sem hann útskýrði að þau Sigríður hefðu setið saman og metið stöðuna. „Metið þörfina til að gera það sem við getum og í okkar valdi stendur til að draga úr óvissu,“ sagði Bjarni. „Sigríður stígur þetta skref sem mér finnst mjög virðingavert,“ sagði fjármálaráðherra og minnti á að hann hefði staðið með Sigríði á hverju stigi málsins. Kom Bjarna í opna skjöldu Dómurinn hefði komið honum í opna skjöldu. Tveir af sjö dómurum hefðu þó skilað sérákvæði. Hann væri ánægður að ráðherrar í ríkisstjórninni væru sammála um að tilefni væri til að láta reyna á niðurstöðu Mannréttindadómstólsins hjá Yfirrétti dómsins. Óvíst væri þó hvort það fengist samþykkt, þ.e. að rétturinn tæki málið fyrir og þá er ekki ljóst hve langan tíma það taki. Bjarni lagði áherslu á að flokkarnir í ríkisstjórninni hefðu mjög mikla trú á samstarfinu. „Það eru mörg verkefni í deiglunni sem við viljum standa vörð um. Þegar við setjumst niður erum við fyrst og fremst að hugsa um að fá frið til að leiða vandasöm verkefni til lykta.“ Sigríður hefði tekið ákvörðunina algjörlega á eigin forsendum. Það sé skilningur þeirra beggja, sameiginlegur, að ákvörðunin sé til að skapa vinnufrið. Enginn útilokaði þátttöku hennar í ríkisstjórninni þegar óvissunni vegna dómsins hefði verið eytt. Ekki liggur fyrir hver sest í stól dómsmálaráðherra. Sér fyrir sér ráðherra úr þingflokknum „Ég held ég geti samt sem áður sagt á þessum tímapunkti að ég tel að það komi fyrst og fremst tveir valkostir til greina. Að við fáum annaðhvort einhvern úr ríkisstjórninni til að gegna embættinu eða einhvern úr þingflokki Sjálfstæðisflokksins í stól dómsmálaráðherra.“ „Ég held ég geti samt sem áður sagt á þessum tímapunkti að ég tel að það komi fyrst og fremst tveir valkostir til greina. Að við fáum annaðhvort einhvern úr ríkisstjórninni til að gegna embættinu eða einhvern úr þingflokki Sjálfstæðisflokksins í stól dómsmálaráðherra.“ Bjarni segir að sér hafi fundist mjög mikilvægt að ráðherrann gæti greint frá sinni afstöðu á sínum eigin forsendum. Þá rifjaði Bjarni upp þegar Landsdómur var stofnaður eftir hrun. „Mér er hugsað til þess að þegar við ákváðum að koma á fót Landsdómi á sínum tíma sprettur það upp úr ákveðnu vantrausti milli þings og stjórnarráðsins. Þingið heimtar að hafa aðkomu að málinu,“ sagði Bjarni. Nú lægi fyrir að samkvæmt dómi MDE hefði Alþingi klúðrað málunum. Gagnrýni á hendur dómstólnum Þá væri mikilvægt að velta upp spurningunni hvort Ísland hefði framselt túlkunarvald yfir íslenskum lögum til Evrópu? Hann haldi ekki. Eitt stóra álitaefnið yfir MDE væri hvar hann drægi mörkin í afskiptum af aðildarríkjum. „Við höfum ákveðið að skipa okkur í flokk með þjóðum sem vilja verja þau gildi sem eru skráð í mannréttindasáttmálann,“ sagði Bjarni. Ákvarðanir dómstólsins væru oft umdeildar. Bretar hefðu velta fyrir sér að segja sig frá dómstólnum. Þá hefðu Danir gagnrýnt dómstólinn sömuleiðis. Nú hljóti Íslendingar að spyrja sig hvort stigið hafi verið yfir línuna af Mannréttindadómstólnum. Mikilvægt sé með áfrýjun til Yfirréttarins að láta reyna á sjónarmiðin í minnihlutaáliti dómsins. „Ég er bara að segja að hér er mjög langt gengið í að hafa uppi lagatúlkun um atriði sem eru til lykta leidd af dómstólum innanlands,“ sagði Bjarni. Það hljóit að vekja upp spurningar hversu langt dómstóllinn sé í rétti að fara inn á það stig. Þetta sé grundvallarsspurning um hvar æðsta dómsvaldið á íslenskum lögum sé.
Alþingi Dómstólar Landsréttarmálið Mest lesið Tveir reyndust í skotti bíls Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Mannekla bindur hendur héraðssaksóknara í samráðsmáli Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Loksins mega hommar gefa blóð Innlent Fleiri fréttir Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Sjá meira