Eldur í grilli á svölum við Skúlagötu

Slökkvilið höfuðborgarsvæðisins var kallað út klukkan hálfátta í kvöld vegna elds á svölum á þriðju hæð í fjölbýli við Skúlagötu í Reykjavík.

Samkvæmt upplýsingum frá varðstjóra var um að ræða eld í grilli sem var svolítið mikill og var búinn læsa sig í timburklæðningu utan á húsinu.

Allar stöðvar voru sendar á staðinn en þrjár stöðvar sinna nú slökkvistörfum Búið er að slá á eldinn að mestu og ná tökum á honum og ætti slökkvistarf ekki að taka langan tíma til viðbótar að sögn varðstjóra.

Þá reyndist ekki þörf á að rýma fjölbýlishúsið vegna eldsins þar sem hann var utandyra.