Hart deilt um farsímanotkun þingmanna á hinu háa Alþingi Jakob Bjarnar skrifar 2. október 2020 14:56 Þingmenn, fyrrverandi og núverandi, reyna að malda í móinn, segja meðal annars að símarnir séu vinnutæki, ekki eins og þeir séu að spila CandyCrush undir ræðum. En allt kemur fyrir ekki, Egill gefur sig ekki með þá skoðun sína að þeir séu ekki að auka á virðingu fyrir þinginu með því að hanga í símanum. visir/vilhelm Nokkuð hefur borið á því á samfélagsmiðlum að fólk sem þar tjáir sig og fylgdist jafnframt með stefnuræðu forsætisráðherra í gærkvöldi amist við því að þingmenn skoði símaskjái sína undir ræðum annarra. Egill Helgason sjónvarpsmaður og samfélagsrýnir er einn þeirra. Hann varpar upp boltanum með spurningu á sínum Facebookvegg: „„Á að banna snjallsíma á Alþingi?“ spyr Egill. Og bætir við: „Við umræðurnar í gær hékk þorri þingmanna í símanum. Kom ekki vel út í sjónvarpinu.“ Dóra Einars búningahönnuður talar fyrir hönd margra þegar hún segir þetta til háborinnar skammar. „Mikil óvirðing að hanga í símanum þegar fólk er í pontu.“ Segjast ekki vera í CandyCrush undir stefnuræðum Fjöldi manna tekur undir þessi sjónarmið og geisa nú heitar umræður um farsímanotkun í sölum hins háa Alþingis. Á að banna snjallsíma á Alþingi? Við umræðurnar í gær hékk þorri þingmanna í símanum. Kom ekki vel út í sjónvarpinu.Posted by Egill Helgason on Föstudagur, 2. október 2020 Nokkrir þingmenn leggja orð í belg og vilja benda stjórnanda Kiljunnar og stjórnmálaþáttarins Silfursins á að ef til vill sé ekki allt sem sýnist í þeim efnum. Þorsteinn Víglundsson forstjóri og fyrrverandi Alþingismaður segir að það gleymist gjarnan að samfélagsmiðlar eru líka starfsvettvangur þingmanna og ekki hvað síst í umræðu sem þessari. „Verið er að deila umræðupunktum og bregðast við umræðu sem stendur yfir á samfélagsmiðlum samhliða þessari umræðu í þingsal. Held að þingmenn séu almennt ekki í CandyCrush undir stefnuræðum.“ Meðan Sigmundur Davíð Gunnlaugsson formaður Miðflokksins flutti sína ræðu athugaði Katrín Jakobsdóttir hvað væri að gerast í síma sínum.Alþingi skjáskot Og Halldóra Mogensen segir símann vinnutæki: Ég nota einnig símann til að koma skilaboðum til þingflokks um skipulagsatriði og hugmyndir að ræðuviðbótum sem poppa upp við hlustun. Svo þarf að vera í samskiptum við starsfólk v samfélagsmiðla. Einnig vil ég geta svarað skilaboðum dóttur minnar þegar ég er að vinna til 10 á kvöldin.“ Telur þetta óþarflega mikla dómhörku Halldóra segir að þetta séu jú tveir og hálfur tími af ræðuhöldum sem sitja þarf undir. „Finnst fólki þetta ekki vera óþarfa dómharka með símana? Þetta eru vinnutól en ekki leiktæki, ekki það að ég gæti ekki spilað fortnite í símanum og hlustað á ræðurnar á sama tíma. Myndi þjóna sama tilgangi og teikningarnar.“ Miðflokksmenn deildu athygli sinni jafnt, á farsíma sína og ræðu Loga Einarssonar formanns Samfylkingarinnar.alþingi skjáskot En Egill gefur sig hvergi, hann les yfir þingmönnunum og segir það bara ferlega „dapurt að horfa á þetta í beinni útsendingu. Virkar eins og áhugaleysi og óvirðing við þá sem hafa orðið. Þannig birtist það í sjónvarpinu. Þetta er semsagt líka spurning um ímynd Alþingis.“ Helga Vala Helgadóttir þingmaður Samfylkingarinnar tekur undir með Þorsteini Víglundssyni en segir reyndar þetta hörmung, „við í Samfylkingunni höfum haft reglu um að skilja símana eftir. Núna, þegar rúmur helmingur situr í hliðarherbergjum losnar einhverra hluta vegna um þessar reglur. En við tökum þetta til okkar.“ Gamaldags og fordómafull sýn Björn Leví Gunnarsson Pírati er ekki alveg til í að beygja sig undir skammir Egils. Segir: „„virkar eins og áhugaleysi“ er ekki það sama og að "vera áhugaleysi". Á ég að passa upp á að það liti út fyrir að ég sé að sýna áhuga og forðast að undirbúa eigin ræðu á sama tíma? Við lentum til dæmis í því eins og gerist oft að aðrar ræður okkar voru aðeins lengri en þær voru í æfingu. Ég þurfti þannig að stytta ræðuna um mínútu og var í samskiptum við fólk út af því. Ég hefði getað yfirgefið salinn og endurskipulagt ræðuna utan þingsalar þannig að það myndi „ekki sjást“ að ég væri að vinna vinnuna mína. Björn segir að Þórhildur Sunna Ævarsdóttir og Halldóra hefðu þá þurft að fara líka. Og hvernig hefði það litið út ef þingmenn Pírata hefðu yfirgefið salinn? CandyCrush eða mikilvæg skilaboð. Gunnar Bragi Sveinsson Miðflokki var með símann tilbúinn en Birgir Ármannsson Sjálfstæðisflokki var hins vegar með athyglina á síma sínum.alþingi skjáskot „Þetta er gamaldags fordómafull sýn á þá möguleika sem við höfum til þess að sinna starfinu okkar. Þessi tæki eru öflugar tölvur sem auka möguleika okkar til þess að hafa samskipti og leita að upplýsingum - til þess að við getum skilað betra starfi á þingi. Það er ekki áhugaleysi að nota síma í þingsal. Alveg eins og það er ekki áhugaleysi að nota tölvu í þingsal. Það er einfaldlega verið að nota nútímalausnir til þess að hjálpa til við að skila góðu starfi.“ Vörn þingmanna spaugileg En allt kemur fyrir ekki. Þingmenn ná ekki að sannfæra grjótharðan sjónvarpsmanninn sem gefur ekki þumlung eftir: Þorgerður Katrín Gunnarsdóttir formaður Viðreisnar virðist vera að senda mikilvæg skilaboð úr þingsal.alþingi skjáskot „Þetta er óttalegur fyrirsláttur – að reyna að halda því fram að allur þessi hópur sem var að skoða símann sinn þarna í salnum undir ræðum annarra hafi verið að vinna vinnuna sína! Ég held að flestir skynji það sem ókurteisi að fólk sé að skoða símann sinn þegar aðrir eru að halda ræður. En það er spaugilegt að sjá þingmenn hlaupa í vörn fyrir þetta. Virðing Alþingis verður ekki meiri. Og þingmenn þurfa líka að gæta að ímynd þingsins gagnvart almenningi.“ Og Dóra Einars búningahönnuður, sem veit sitthvað um ímyndarmál, tekur heilshugar undir með Agli. „Ég lét ekki bjóða mér uppá þetta og slökkti, þó svo ég hafi gjarnan viljað fylgjast með. Ekki bara símarnir, margt annað sem mér ofbauð. Að ég tali nú ekki um illa skrifaðar ræður og fólk ekki búið að undirbúa sig.“ Alþingi Samfélagsmiðlar Tækni Mest lesið Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Kraftaverk að ekki fór verr þegar bíll hafnaði ofan á tveimur Innlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Fleiri fréttir Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Sjá meira
Nokkuð hefur borið á því á samfélagsmiðlum að fólk sem þar tjáir sig og fylgdist jafnframt með stefnuræðu forsætisráðherra í gærkvöldi amist við því að þingmenn skoði símaskjái sína undir ræðum annarra. Egill Helgason sjónvarpsmaður og samfélagsrýnir er einn þeirra. Hann varpar upp boltanum með spurningu á sínum Facebookvegg: „„Á að banna snjallsíma á Alþingi?“ spyr Egill. Og bætir við: „Við umræðurnar í gær hékk þorri þingmanna í símanum. Kom ekki vel út í sjónvarpinu.“ Dóra Einars búningahönnuður talar fyrir hönd margra þegar hún segir þetta til háborinnar skammar. „Mikil óvirðing að hanga í símanum þegar fólk er í pontu.“ Segjast ekki vera í CandyCrush undir stefnuræðum Fjöldi manna tekur undir þessi sjónarmið og geisa nú heitar umræður um farsímanotkun í sölum hins háa Alþingis. Á að banna snjallsíma á Alþingi? Við umræðurnar í gær hékk þorri þingmanna í símanum. Kom ekki vel út í sjónvarpinu.Posted by Egill Helgason on Föstudagur, 2. október 2020 Nokkrir þingmenn leggja orð í belg og vilja benda stjórnanda Kiljunnar og stjórnmálaþáttarins Silfursins á að ef til vill sé ekki allt sem sýnist í þeim efnum. Þorsteinn Víglundsson forstjóri og fyrrverandi Alþingismaður segir að það gleymist gjarnan að samfélagsmiðlar eru líka starfsvettvangur þingmanna og ekki hvað síst í umræðu sem þessari. „Verið er að deila umræðupunktum og bregðast við umræðu sem stendur yfir á samfélagsmiðlum samhliða þessari umræðu í þingsal. Held að þingmenn séu almennt ekki í CandyCrush undir stefnuræðum.“ Meðan Sigmundur Davíð Gunnlaugsson formaður Miðflokksins flutti sína ræðu athugaði Katrín Jakobsdóttir hvað væri að gerast í síma sínum.Alþingi skjáskot Og Halldóra Mogensen segir símann vinnutæki: Ég nota einnig símann til að koma skilaboðum til þingflokks um skipulagsatriði og hugmyndir að ræðuviðbótum sem poppa upp við hlustun. Svo þarf að vera í samskiptum við starsfólk v samfélagsmiðla. Einnig vil ég geta svarað skilaboðum dóttur minnar þegar ég er að vinna til 10 á kvöldin.“ Telur þetta óþarflega mikla dómhörku Halldóra segir að þetta séu jú tveir og hálfur tími af ræðuhöldum sem sitja þarf undir. „Finnst fólki þetta ekki vera óþarfa dómharka með símana? Þetta eru vinnutól en ekki leiktæki, ekki það að ég gæti ekki spilað fortnite í símanum og hlustað á ræðurnar á sama tíma. Myndi þjóna sama tilgangi og teikningarnar.“ Miðflokksmenn deildu athygli sinni jafnt, á farsíma sína og ræðu Loga Einarssonar formanns Samfylkingarinnar.alþingi skjáskot En Egill gefur sig hvergi, hann les yfir þingmönnunum og segir það bara ferlega „dapurt að horfa á þetta í beinni útsendingu. Virkar eins og áhugaleysi og óvirðing við þá sem hafa orðið. Þannig birtist það í sjónvarpinu. Þetta er semsagt líka spurning um ímynd Alþingis.“ Helga Vala Helgadóttir þingmaður Samfylkingarinnar tekur undir með Þorsteini Víglundssyni en segir reyndar þetta hörmung, „við í Samfylkingunni höfum haft reglu um að skilja símana eftir. Núna, þegar rúmur helmingur situr í hliðarherbergjum losnar einhverra hluta vegna um þessar reglur. En við tökum þetta til okkar.“ Gamaldags og fordómafull sýn Björn Leví Gunnarsson Pírati er ekki alveg til í að beygja sig undir skammir Egils. Segir: „„virkar eins og áhugaleysi“ er ekki það sama og að "vera áhugaleysi". Á ég að passa upp á að það liti út fyrir að ég sé að sýna áhuga og forðast að undirbúa eigin ræðu á sama tíma? Við lentum til dæmis í því eins og gerist oft að aðrar ræður okkar voru aðeins lengri en þær voru í æfingu. Ég þurfti þannig að stytta ræðuna um mínútu og var í samskiptum við fólk út af því. Ég hefði getað yfirgefið salinn og endurskipulagt ræðuna utan þingsalar þannig að það myndi „ekki sjást“ að ég væri að vinna vinnuna mína. Björn segir að Þórhildur Sunna Ævarsdóttir og Halldóra hefðu þá þurft að fara líka. Og hvernig hefði það litið út ef þingmenn Pírata hefðu yfirgefið salinn? CandyCrush eða mikilvæg skilaboð. Gunnar Bragi Sveinsson Miðflokki var með símann tilbúinn en Birgir Ármannsson Sjálfstæðisflokki var hins vegar með athyglina á síma sínum.alþingi skjáskot „Þetta er gamaldags fordómafull sýn á þá möguleika sem við höfum til þess að sinna starfinu okkar. Þessi tæki eru öflugar tölvur sem auka möguleika okkar til þess að hafa samskipti og leita að upplýsingum - til þess að við getum skilað betra starfi á þingi. Það er ekki áhugaleysi að nota síma í þingsal. Alveg eins og það er ekki áhugaleysi að nota tölvu í þingsal. Það er einfaldlega verið að nota nútímalausnir til þess að hjálpa til við að skila góðu starfi.“ Vörn þingmanna spaugileg En allt kemur fyrir ekki. Þingmenn ná ekki að sannfæra grjótharðan sjónvarpsmanninn sem gefur ekki þumlung eftir: Þorgerður Katrín Gunnarsdóttir formaður Viðreisnar virðist vera að senda mikilvæg skilaboð úr þingsal.alþingi skjáskot „Þetta er óttalegur fyrirsláttur – að reyna að halda því fram að allur þessi hópur sem var að skoða símann sinn þarna í salnum undir ræðum annarra hafi verið að vinna vinnuna sína! Ég held að flestir skynji það sem ókurteisi að fólk sé að skoða símann sinn þegar aðrir eru að halda ræður. En það er spaugilegt að sjá þingmenn hlaupa í vörn fyrir þetta. Virðing Alþingis verður ekki meiri. Og þingmenn þurfa líka að gæta að ímynd þingsins gagnvart almenningi.“ Og Dóra Einars búningahönnuður, sem veit sitthvað um ímyndarmál, tekur heilshugar undir með Agli. „Ég lét ekki bjóða mér uppá þetta og slökkti, þó svo ég hafi gjarnan viljað fylgjast með. Ekki bara símarnir, margt annað sem mér ofbauð. Að ég tali nú ekki um illa skrifaðar ræður og fólk ekki búið að undirbúa sig.“
Alþingi Samfélagsmiðlar Tækni Mest lesið Stórhættulegur framúrakstur við Ingólfsfjall Innlent Von á leifum fellibylsins Erin til landsins Veður Kraftaverk að ekki fór verr þegar bíll hafnaði ofan á tveimur Innlent „Heilt yfir“ friðsamleg Menningarnótt en nokkrir ofbeldisfullir Innlent Mölbraut rúðu í Þjóðleikhúsinu Innlent Skutu upp flugeldum í minningu Bryndísi Klöru Innlent Þétting byggðar hafi ekki slegið í gegn Innlent Grunur um brot gegn fleiri börnum Innlent Alvarlegt slys á starfsmönnum á Íslandsmeistarmóti í rallycross Innlent Algjört hrun í fálkastofninum Innlent Fleiri fréttir Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísi Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Sjá meira