Fótbolti

Jón Guðni í úr­slit, Sverrir Ingi tapaði en Guð­laugur Victor var ekki með

Runólfur Trausti Þórhallsson skrifar
Jón Guðni og liðsfélgar hans í Hammarby eru komnir í úrslit sænska bikarsins.
Jón Guðni og liðsfélgar hans í Hammarby eru komnir í úrslit sænska bikarsins. Bildbyrån

Jón Guðni Fjóluson er kominn í úrslit sænska bikarsins í knattspyrnu. Sverrir Ingi Ingason var á sínum stað er PAOK tapaði stórt og Guðlaugur Victor Pálsson fékk frí.

Jón Guðni var á sínum stað í miðverði Hammarby er liðið vann 1-0 sigur á Djurgården í undanúrslitum sænska bikarsins þökk sé marki Aziz Mohammed á 17. mínútu leiksins.

Hammarby mætir Häcken í úrslitum sænska bikarsins. Valgeir Lunddal Friðriksson leikur með Häcken.

Sverrir Ingi Ingason lék allan leikinn og nældi sér í gult spjald er PAOK tapaði 3-0 á útivelli gegn Panathinaikos í grísku úrvalsdeildinni í dag. PAOK er nú aðeins stigi á undan Panathinaikos í þriðja sæti deildarinnar.

Guðlaugur Victor Pálsson var ekki í leikmannahóp Darmstadt sem tapaði 1-2 á heimavelli gegn Fortuna Düsseldorf í þýsku B-deildinni. Darmstadt er í 12. sæti deildarinnar með 32 stig að loknum 27 leikjum.

Fótbolti Sænski boltinn Þýski boltinn

Mest lesið


Fleiri fréttir

Sjá meira


×

Mest lesið