Héðinn snýr heim - vonandi í vor Óttar Kolbeinsson Proppé skrifar 7. desember 2021 07:01 Helgi Gíslason myndhöggvari hefur haldið húsaskjóli yfir styttunni af Héðni Valdimarssyni í tvö ár. Sambúðin er góð en Helgi vonast til að hún komist aftur á sinn stað næsta vor. vísir/egill Vesturbæingar sakna mjög eins þekktasta minnismerkis hverfisins; styttunnar af Héðni Valdimarssyni verkalýðsforingja. Ekkert hefur sést til hennar í þrjú ár en eigendurnir vonast til að hún verði komin á sinn stað fyrir verkalýðsdaginn 1. maí. Styttan var tekin niður við Hringbraut í september 2018. Gera þurfti við stöpul hennar en styttan átti upphaflega að vera komin aftur á sinn stað nokkrum mánuðum síðar. Nú þremur árum seinna bólar ekkert á henni. Og Vesturbæingar spyrja sig einfaldleg: Hvar er Héðinn? Héðinn var merkismaður, gegndi þingmennsku fyrir þrjá flokka á árunum 1926-1942, Alþýðuflokkinn, Sameiningarflokk alþýðu og Sósíalistaflokk. Hann var einnig formaður Verkamannafélagsins Dagsbrúnar og helsti forystumaður byggingarsamtaka verkamanna sem gengust fyrir byggingu verkamannabústaðanna við Hringbraut. Hvar er afi? Styttuna gerði myndhöggvarinn Sigurjón Ólafsson en hún var reist við Hringbraut árið 1955. Hún gegndi svo auðvitað eftirminnilegu hlutverki í auglýsingu Thule fyrir rúmum áratug. Endurkomu styttunnar á sinn stað hefur seinkað mjög, sem hefur farið nokkuð í taugarnar á barnabarni verkalýðsforingjans, Steinunni Ólínu Þorsteinsdóttir leikkonu sem vakti athygli á töfunum í fyrra. Þá fékk hún þau svör frá borgarstjóra að Héðinn ætti að vera kominn aftur á sinn stað í ágúst það ár en allt kom fyrir ekki. Steinunn velti málinu svo aftur fyrir sér í síðustu viku: „Hvar er afi?“ spurði hún einfaldlega. „Þetta er frekar vandró að verða.“ Vesen að fara í gegn um Minjastofnun Styttan er í eigu Húsfélags Alþýðu sem gefur skýringar á töfunum. Upphaflega var aðeins gert ráð fyrir að steypa þyrfti nýjan stöpul. Kristín Róbertsdóttir, formaður Húsfélags Alþýðu. Hún gerir ráð fyrir að Héðinn verði kominn aftur á sinn stað fyrir 1. maí.vísir/sigurjón „Þegar styttan var tekin niður þá náttúrulega gerðum við bara ráð fyrir því að við gætum steypt nýjan stöpul og sett styttuna upp aftur en það kom í ljós að það þurfti heilmikið að gera við hana,“ segir Kristín Róbertsdóttir, formaður Húsfélags Alþýðu. Jørn Svendsen, danskur bronssteypari, aðstoðaði frítt við viðgerðina á styttunni.helgi gíslason Myndhöggvarinn Helgi Gíslason var þá fenginn til að laga styttuna og fékk þá danskan bronssteypara með sér í lið, Jørn Svendsen, sem kenndi honum réttu handtökin í viðgerð á bronsstyttu. Hann ákvað að gera það frítt fyrir Helga. „Það var nú alveg ómetanlegt. Við sem sagt keyptum fyrir hann farmiða og svo kom hann bara og vann fyrir Helga og hann gerði þetta bara fyrir vin sinn. Þannig við eigum honum alveg heilmikið að þakka. Alveg frábær maður,“ segir Kristín. Ágæt sambúð Styttan liggur nú tilbúin á vinnustofu Helga. „Hann er búinn að vera hérna inni í dánokkurn tíma. Alveg í næstum því tvö ár. Og við erum orðnir bara, eins og ég segi alltaf „við félagarnir“,“ segir Helgi. Héðinn kemur inn á verkstæði Helga.Helgi Gíslason „Sambúðin er bara alveg ágæt nema hvað ég sneri honum til veggjar fyrir ekki alls löngu. Þá batnaði nú samkomulagið,“ segir hann og hlær. Héðinn var helsti hvatamaður að byggingu verkamannabústaðanna við Hringbraut. Þó styttan væri tilbúin fyrir alllöngu dróst að fá hana aftur uppreista því bæði styttan og stöpullinn eru hluti af friðlýstri heild verkamannabústaðanna og varð öll framkvæmdin við að koma henni aftur upp því að fara í gegn um umsóknarferli hjá Minjastofnun. „Svo í haust þá kom niðurstaðan fyrir það að við fáum að gera stöpulinn. Og ég vonast til þess að næsta vor eða seinni part vetrar verði hægt að steypa stöpulinn og að Héðinn verði kominn á sinn stall fyrir 1. maí,“ segir Kristín og það er viðeigandi að Héðinn veðri kominn aftur upp fyrir verkalýðsdaginn sjálfan. En þangað til heldur Héðinn Helga myndhöggvara félagsskap á vinnustofunni. Myndlist Styttur og útilistaverk Reykjavík Mest lesið Heimurinn undrist villimennsku Íslendinga Innlent „Ég vil fá að ráða hvar ég slátra og hverja ég er í viðskiptum við“ Innlent Musk hraunar yfir „stórt og fallegt“ frumvarp Trumps Erlent Ákærðir fyrir manndráp, frelsissviptingu og rán Innlent Inga endurvekur 25 metra regluna Innlent Ákærðar tveimur árum eftir tunnumótmælin Innlent Segir viðbrögð borgarfulltrúa á mótmælum kjánaleg Innlent Reyndi að bragðbæta baneitruðu máltíðina Erlent Krefur Ríkisútvarpið um leiðréttingu Innlent Forsætisráðherra skynjar óöryggi meðal fólks Innlent Fleiri fréttir Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Landskjörstjórn vill breyta stjórnarskránni og Víðir gefur lítið fyrir gagnrýni Ákærðir fyrir manndráp, frelsissviptingu og rán „Það er rétt skilið“ Sjö tilkynningar um heimilisofbeldi á dag að meðaltali Ákærðar tveimur árum eftir tunnumótmælin Vill rannsaka störf sérstaks saksóknara eftir hrun Landskjörstjórn segir nauðsynlegt að breyta stjórnarskrá Elsta svæði Vopnafjarðar staðfest sem verndarsvæði Viðvaranir enn í gildi fyrir norðan Áhyggjuefni ef raddir kvenna hætti að heyrast í þróunaraðstoð Segir viðbrögð borgarfulltrúa á mótmælum kjánaleg Alda María nýr formaður Heimdallar Um 160 fatlaðir starfsmenn hjá Ás styrktarfélagi í Kópavogi Bílastæðin höluðu inn 78 milljónum en kostuðu litlu minna Forsætisráðherra skynjar óöryggi meðal fólks Kindur aðstoðuðu björgunarfólk að finna afkvæmi sín Forstjóri Útlendingastofnunar vildi skýr svör frá Víði um umsókn Oscars Sjá meira
Styttan var tekin niður við Hringbraut í september 2018. Gera þurfti við stöpul hennar en styttan átti upphaflega að vera komin aftur á sinn stað nokkrum mánuðum síðar. Nú þremur árum seinna bólar ekkert á henni. Og Vesturbæingar spyrja sig einfaldleg: Hvar er Héðinn? Héðinn var merkismaður, gegndi þingmennsku fyrir þrjá flokka á árunum 1926-1942, Alþýðuflokkinn, Sameiningarflokk alþýðu og Sósíalistaflokk. Hann var einnig formaður Verkamannafélagsins Dagsbrúnar og helsti forystumaður byggingarsamtaka verkamanna sem gengust fyrir byggingu verkamannabústaðanna við Hringbraut. Hvar er afi? Styttuna gerði myndhöggvarinn Sigurjón Ólafsson en hún var reist við Hringbraut árið 1955. Hún gegndi svo auðvitað eftirminnilegu hlutverki í auglýsingu Thule fyrir rúmum áratug. Endurkomu styttunnar á sinn stað hefur seinkað mjög, sem hefur farið nokkuð í taugarnar á barnabarni verkalýðsforingjans, Steinunni Ólínu Þorsteinsdóttir leikkonu sem vakti athygli á töfunum í fyrra. Þá fékk hún þau svör frá borgarstjóra að Héðinn ætti að vera kominn aftur á sinn stað í ágúst það ár en allt kom fyrir ekki. Steinunn velti málinu svo aftur fyrir sér í síðustu viku: „Hvar er afi?“ spurði hún einfaldlega. „Þetta er frekar vandró að verða.“ Vesen að fara í gegn um Minjastofnun Styttan er í eigu Húsfélags Alþýðu sem gefur skýringar á töfunum. Upphaflega var aðeins gert ráð fyrir að steypa þyrfti nýjan stöpul. Kristín Róbertsdóttir, formaður Húsfélags Alþýðu. Hún gerir ráð fyrir að Héðinn verði kominn aftur á sinn stað fyrir 1. maí.vísir/sigurjón „Þegar styttan var tekin niður þá náttúrulega gerðum við bara ráð fyrir því að við gætum steypt nýjan stöpul og sett styttuna upp aftur en það kom í ljós að það þurfti heilmikið að gera við hana,“ segir Kristín Róbertsdóttir, formaður Húsfélags Alþýðu. Jørn Svendsen, danskur bronssteypari, aðstoðaði frítt við viðgerðina á styttunni.helgi gíslason Myndhöggvarinn Helgi Gíslason var þá fenginn til að laga styttuna og fékk þá danskan bronssteypara með sér í lið, Jørn Svendsen, sem kenndi honum réttu handtökin í viðgerð á bronsstyttu. Hann ákvað að gera það frítt fyrir Helga. „Það var nú alveg ómetanlegt. Við sem sagt keyptum fyrir hann farmiða og svo kom hann bara og vann fyrir Helga og hann gerði þetta bara fyrir vin sinn. Þannig við eigum honum alveg heilmikið að þakka. Alveg frábær maður,“ segir Kristín. Ágæt sambúð Styttan liggur nú tilbúin á vinnustofu Helga. „Hann er búinn að vera hérna inni í dánokkurn tíma. Alveg í næstum því tvö ár. Og við erum orðnir bara, eins og ég segi alltaf „við félagarnir“,“ segir Helgi. Héðinn kemur inn á verkstæði Helga.Helgi Gíslason „Sambúðin er bara alveg ágæt nema hvað ég sneri honum til veggjar fyrir ekki alls löngu. Þá batnaði nú samkomulagið,“ segir hann og hlær. Héðinn var helsti hvatamaður að byggingu verkamannabústaðanna við Hringbraut. Þó styttan væri tilbúin fyrir alllöngu dróst að fá hana aftur uppreista því bæði styttan og stöpullinn eru hluti af friðlýstri heild verkamannabústaðanna og varð öll framkvæmdin við að koma henni aftur upp því að fara í gegn um umsóknarferli hjá Minjastofnun. „Svo í haust þá kom niðurstaðan fyrir það að við fáum að gera stöpulinn. Og ég vonast til þess að næsta vor eða seinni part vetrar verði hægt að steypa stöpulinn og að Héðinn verði kominn á sinn stall fyrir 1. maí,“ segir Kristín og það er viðeigandi að Héðinn veðri kominn aftur upp fyrir verkalýðsdaginn sjálfan. En þangað til heldur Héðinn Helga myndhöggvara félagsskap á vinnustofunni.
Myndlist Styttur og útilistaverk Reykjavík Mest lesið Heimurinn undrist villimennsku Íslendinga Innlent „Ég vil fá að ráða hvar ég slátra og hverja ég er í viðskiptum við“ Innlent Musk hraunar yfir „stórt og fallegt“ frumvarp Trumps Erlent Ákærðir fyrir manndráp, frelsissviptingu og rán Innlent Inga endurvekur 25 metra regluna Innlent Ákærðar tveimur árum eftir tunnumótmælin Innlent Segir viðbrögð borgarfulltrúa á mótmælum kjánaleg Innlent Reyndi að bragðbæta baneitruðu máltíðina Erlent Krefur Ríkisútvarpið um leiðréttingu Innlent Forsætisráðherra skynjar óöryggi meðal fólks Innlent Fleiri fréttir Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Landskjörstjórn vill breyta stjórnarskránni og Víðir gefur lítið fyrir gagnrýni Ákærðir fyrir manndráp, frelsissviptingu og rán „Það er rétt skilið“ Sjö tilkynningar um heimilisofbeldi á dag að meðaltali Ákærðar tveimur árum eftir tunnumótmælin Vill rannsaka störf sérstaks saksóknara eftir hrun Landskjörstjórn segir nauðsynlegt að breyta stjórnarskrá Elsta svæði Vopnafjarðar staðfest sem verndarsvæði Viðvaranir enn í gildi fyrir norðan Áhyggjuefni ef raddir kvenna hætti að heyrast í þróunaraðstoð Segir viðbrögð borgarfulltrúa á mótmælum kjánaleg Alda María nýr formaður Heimdallar Um 160 fatlaðir starfsmenn hjá Ás styrktarfélagi í Kópavogi Bílastæðin höluðu inn 78 milljónum en kostuðu litlu minna Forsætisráðherra skynjar óöryggi meðal fólks Kindur aðstoðuðu björgunarfólk að finna afkvæmi sín Forstjóri Útlendingastofnunar vildi skýr svör frá Víði um umsókn Oscars Sjá meira