Getur enn ekki sagt til um hversu alvarlegt ómíkron sé Óttar Kolbeinsson Proppé skrifar 17. janúar 2022 13:12 Þórólfur Guðnason sóttvarnalæknir segist enn bíða eftir gögnum frá spítalanum. Vísir/Vilhelm Allt bendir til að ómíkron-afbrigði veirunnar sé talsvert vægara en menn hafa reiknað með. Gjörgæsluinnlögnum fækkar dag frá degi á meðan fjöldi smitaðra stendur í stað. Sóttvarnalæknir vill þó enn stíga varlega til jarðar og segist ekki hafa nægar upplýsingar frá Landspítalanum um alvarleika veikinda. Hlutfall þeirra sem þurfa að leggjast inn á gjörgæslu vegna Covid-19 hefur farið mjög niður á við síðustu vikur með tilkomu ómíkron-afbrigðisins. Samkvæmt tölum frá lækni Landspítalans, sem hann birti á Twitter í gær, hefur hlutfallið farið úr 2,5 prósentum í haust þegar delta-afbrigðið var ráðandi og niður í 0,2 prósent nú í ómíkron-bylgjunni. The most recent data we have collected suggests a reason for optimism. The proportion of all diagnosed SARS-CoV-2 cases in Iceland that required a hospital admission has gone from roughly 2.5% in mid September to 0.2% in the beginning of January 2022 pic.twitter.com/akiKi9tOBa— Elías Eyþórsson (@eliaseythorsson) January 16, 2022 Það er talsvert minna en menn töldu að innlagnahlutfall væri vegna ómíkron-afbrigðisins fyrst en þá var gert ráð fyrir að 0,7 prósent legðust inn á spítala. „Við vitum það að innlagnahlutfallið hefur verið milli 0,2 og 0,3 af ómíkron en það er hærra af delta þannig að þetta var svona í heildina á milli 0,5 og 0,7,“ segir Þórólfur Guðnason sóttvarnalæknir. Í dag séu um 10 prósent þeirra sem greinist með delta, þ.e.a.s. um 100 einstaklingar sem hafa greinst með það daglega síðustu vikur. Ekki enn kominn með upplýsingar frá spítalanum Hann segir að fyrst nú sé að koma góð reynsla á ómíkron-afbrigðið og hversu miklum og alvarlegum veikindum það valdi. Landspítalinn sé í vinnu við að greina það almennilega núna. „Við erum að vinna svona í rauntíma og ég veit að fólki finnst þetta ekki ganga nógu hratt en ég þarf að byggja mínar tillögur á okkar gögnum,“ segir Þórólfur. Staðan á spítalanum er allt önnur nú en í fyrri bylgjum faraldursins. Svo útbreidd er veiran í samfélaginu að reglulega greinast sjúklingar eða þeir sem eru að leggjast inn á spítalann vegna annarra kvilla með hana. Og þetta fer allt inn í tölulegar upplýsingar hjá spítalanum. Þannig er nú nokkuð stór hluti þeirra 45 sem liggja inni á spítalanum með Covid inni vegna annarra sjúkdóma eða meiðsla. Þórólfur vonast til að greiningar spítalans liggi fyrir í vikunni. „Ég vona það en þegar maður er háður upplýsingum annars staðar frá þá getur maður svo sem lítið sagt um það hvenær. Það fer eftir því hvenær maður fær þær upplýsingar. En auðvitað væri æskilegt að geta náð því bara sem fyrst,“ segir hann. Til skoðunar að létta aftur Þó er greinilega ljóst að afbrigðið sé margfalt vægara en delta. En er enn þá ósanngjarnt að bera veiruna saman við inflúensu eins og sumir vilja gera? Hversu mikið verra er Covid nú en flensa? „Það er ekkert hægt að segja nákvæmlega til um það núna. Eins og ég sagði áðan þá erum við fyrst núna að fá almennilegar upplýsingar sem geta greint hversu alvarlegt ómíkron afbrigðið er og það er það sem við erum að fara í,“ segir Þórólfur. Í sumar sagði hann að í árstíðabundinni flensu smitast um 30 þúsund manns, 50 til 100 leggjast inn á sjúkrahús og þeir sem látast eru kannski frá 0 og upp í 10. „Við vitum að ómíkron er vægara en delta-afbrigðið en hvort það sé alveg eins og inflúensan ég ætla nú að láta það liggja á milli hluta þangað til við erum með gögn þar sem við getum virkilega sagt betur til um það,“ segir hann. Þegar fréttastofa talaði við hann fyrir hádegi taldi hann góðar líkur á að nýjar og harðari samkomutakmarkanir hefðu góð áhrif á gang mála og myndu hemja útbreiðslu veirunnar. Í samtali við Ríkisútvarpið í hádeginu nefndi hann þó að það væri til skoðunar að slaka jafnvel á takmörkunum aftur. Faraldur kórónuveiru (COVID-19) Landspítalinn Samkomubann á Íslandi Mest lesið Grindvíkingum blöskrar umræðan í Vikunni Innlent Hafi tekið bílstjórann hálstaki meðan hann lá á flautunni Innlent Nýr formaður SUS vill sækja til hægri Innlent Stórtap Air Greenland vegna aflýstra flugferða til Nuuk Erlent Sektuð í gjaldfrjálsu stæði og sneri vörn í sókn Innlent „Draumar geta ræst“ Innlent Tveir á sjúkrahús eftir að bíll valt við árekstur Innlent Miður að börn fylgi foreldrum en ekki öfugt Innlent Tæplega þúsund manns innlyksa á Everest Erlent „Þetta er ekki á borði þingflokksins“ Innlent Fleiri fréttir „Draumar geta ræst“ Grindvíkingum blöskrar umræðan í Vikunni Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Sjá meira
Hlutfall þeirra sem þurfa að leggjast inn á gjörgæslu vegna Covid-19 hefur farið mjög niður á við síðustu vikur með tilkomu ómíkron-afbrigðisins. Samkvæmt tölum frá lækni Landspítalans, sem hann birti á Twitter í gær, hefur hlutfallið farið úr 2,5 prósentum í haust þegar delta-afbrigðið var ráðandi og niður í 0,2 prósent nú í ómíkron-bylgjunni. The most recent data we have collected suggests a reason for optimism. The proportion of all diagnosed SARS-CoV-2 cases in Iceland that required a hospital admission has gone from roughly 2.5% in mid September to 0.2% in the beginning of January 2022 pic.twitter.com/akiKi9tOBa— Elías Eyþórsson (@eliaseythorsson) January 16, 2022 Það er talsvert minna en menn töldu að innlagnahlutfall væri vegna ómíkron-afbrigðisins fyrst en þá var gert ráð fyrir að 0,7 prósent legðust inn á spítala. „Við vitum það að innlagnahlutfallið hefur verið milli 0,2 og 0,3 af ómíkron en það er hærra af delta þannig að þetta var svona í heildina á milli 0,5 og 0,7,“ segir Þórólfur Guðnason sóttvarnalæknir. Í dag séu um 10 prósent þeirra sem greinist með delta, þ.e.a.s. um 100 einstaklingar sem hafa greinst með það daglega síðustu vikur. Ekki enn kominn með upplýsingar frá spítalanum Hann segir að fyrst nú sé að koma góð reynsla á ómíkron-afbrigðið og hversu miklum og alvarlegum veikindum það valdi. Landspítalinn sé í vinnu við að greina það almennilega núna. „Við erum að vinna svona í rauntíma og ég veit að fólki finnst þetta ekki ganga nógu hratt en ég þarf að byggja mínar tillögur á okkar gögnum,“ segir Þórólfur. Staðan á spítalanum er allt önnur nú en í fyrri bylgjum faraldursins. Svo útbreidd er veiran í samfélaginu að reglulega greinast sjúklingar eða þeir sem eru að leggjast inn á spítalann vegna annarra kvilla með hana. Og þetta fer allt inn í tölulegar upplýsingar hjá spítalanum. Þannig er nú nokkuð stór hluti þeirra 45 sem liggja inni á spítalanum með Covid inni vegna annarra sjúkdóma eða meiðsla. Þórólfur vonast til að greiningar spítalans liggi fyrir í vikunni. „Ég vona það en þegar maður er háður upplýsingum annars staðar frá þá getur maður svo sem lítið sagt um það hvenær. Það fer eftir því hvenær maður fær þær upplýsingar. En auðvitað væri æskilegt að geta náð því bara sem fyrst,“ segir hann. Til skoðunar að létta aftur Þó er greinilega ljóst að afbrigðið sé margfalt vægara en delta. En er enn þá ósanngjarnt að bera veiruna saman við inflúensu eins og sumir vilja gera? Hversu mikið verra er Covid nú en flensa? „Það er ekkert hægt að segja nákvæmlega til um það núna. Eins og ég sagði áðan þá erum við fyrst núna að fá almennilegar upplýsingar sem geta greint hversu alvarlegt ómíkron afbrigðið er og það er það sem við erum að fara í,“ segir Þórólfur. Í sumar sagði hann að í árstíðabundinni flensu smitast um 30 þúsund manns, 50 til 100 leggjast inn á sjúkrahús og þeir sem látast eru kannski frá 0 og upp í 10. „Við vitum að ómíkron er vægara en delta-afbrigðið en hvort það sé alveg eins og inflúensan ég ætla nú að láta það liggja á milli hluta þangað til við erum með gögn þar sem við getum virkilega sagt betur til um það,“ segir hann. Þegar fréttastofa talaði við hann fyrir hádegi taldi hann góðar líkur á að nýjar og harðari samkomutakmarkanir hefðu góð áhrif á gang mála og myndu hemja útbreiðslu veirunnar. Í samtali við Ríkisútvarpið í hádeginu nefndi hann þó að það væri til skoðunar að slaka jafnvel á takmörkunum aftur.
Faraldur kórónuveiru (COVID-19) Landspítalinn Samkomubann á Íslandi Mest lesið Grindvíkingum blöskrar umræðan í Vikunni Innlent Hafi tekið bílstjórann hálstaki meðan hann lá á flautunni Innlent Nýr formaður SUS vill sækja til hægri Innlent Stórtap Air Greenland vegna aflýstra flugferða til Nuuk Erlent Sektuð í gjaldfrjálsu stæði og sneri vörn í sókn Innlent „Draumar geta ræst“ Innlent Tveir á sjúkrahús eftir að bíll valt við árekstur Innlent Miður að börn fylgi foreldrum en ekki öfugt Innlent Tæplega þúsund manns innlyksa á Everest Erlent „Þetta er ekki á borði þingflokksins“ Innlent Fleiri fréttir „Draumar geta ræst“ Grindvíkingum blöskrar umræðan í Vikunni Nýr formaður SUS vill sækja til hægri Miður að börn fylgi foreldrum en ekki öfugt Hafi tekið bílstjórann hálstaki meðan hann lá á flautunni Play skuldi Isavia hálfan milljarð króna Tveir á sjúkrahús eftir að bíll valt við árekstur „Þetta er ekki á borði þingflokksins“ Umdeild brottvísun, fjárhagstjón á Grænlandi og kyngreint sæði Óttast áhrifin á vinnandi mæður Sakar Weekday um stuld: „Hönnun sem ég er búin að vinna í í marga mánuði“ Síðasti fuglinn floginn Sektuð í gjaldfrjálsu stæði og sneri vörn í sókn Ísrael sagt sig úr samfélagi siðaðra manna Símafrí en ekki símabann „Sjálfsíkveikja“ olli eldsvoða í þvottahúsi Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum Sótti kindabyssu eftir hótun um að skjóta fyrrverandi og fimm aðra Leikskólamál, afnám hafta og Trump-isminn Stjórnarformaður RÚV vill að Ísrael verði tafarlaust vikið úr Eurovision Gekk berserksgang og beraði sig Prestur á Dalvík sver af sér kjaftasögur um ókristilega hegðun Eldur í þvottahúsi á Granda Prestur og prófastur bíður spenntur eftir Hrútaskránni Kurr innan Samfylkingarinnar vegna brottvísunar ungbarna Fokdýrar flugferðir, ögurstund á Gasa og óvenjulegt innbrot Boða íbúafundi vegna mögulegrar sameiningar sveitarfélaganna Alelda bíll á Reykjanesbraut Framkvæmdirnar komi eftir ákall frá íbúum Safnaði í bálköst innandyra en kennir stundarbrjálæði um íkveikjuna Sjá meira
Síðbúnar hádegisfréttir Bylgjunnar: Áróður í Eurovision, nýtt landamærakerfi og „símafrí“ í skólum