Lilja var með 2.808.000 krónur á mánuði samkvæmt Tekjublaði Frjálsrar verslunar sem kom út í dag en Katrín var með 2.782.000 krónur og Bjarni með 2.522.000 krónur. Því er Lilja tekjuhæst í ríkisstjórninni.
Ekki langt á eftir koma Guðlaugur Þór Þórðarson, umhverfismálaráðherra, með 2.500.000 krónur, Sigurður Ingi Jóhannsson með 2.427.000 krónur og Svandís Svavarsdóttir, matvælaráðherra með 2.409.000 krónur.
Kristján Þór Júlíusson, fyrrverandi sjávarútvegs- og landbúnaðarráðherra var með 2.395.000 krónur á mánuði en hann hætti í ríkisstjórn og á þingi eftir kosningarnar í fyrra.
Þeir óbreyttu þingmenn, sem sagt þeir sem ekki gegndu ráðherrastöðu á síðasta ári, með hæstu tekjurnar voru Haraldur Benediktsson, þingmaður Sjálfstæðisflokksins, með 2.038.000 krónur, Logi Einarsson, formaður Samfylkingarinnar, með 1.957.000 krónur, Steingrímur J. Sigfússon, fyrrverandi þingmaður Vinstri grænna og forseti Alþingis, með 1.953.000 krónur og Sigmundur Davíð Gunnlaugsson, formaður Miðflokksins, með 1.852.000 krónur á mánuði.
Þrír tekjuhæstu úr hverjum flokki
Hér fyrir neðan má sjá þá þrjá úr hverjum flokki sem voru tekjuhæstir á síðasta ári samkvæmt Tekjublaði Frjálsrar verslunar. Allar tölur eru í krónum taldar.
Sjálfstæðisflokkurinn
Bjarni Benediktsson 2.522.000
Guðlaugur Þór Þórðarson 2.500.000
Þórdís Kolbrún Reykfjörð Gylfadóttir 2.221.000
Framsóknarflokkurinn
Lilja Alfreðsdóttir 2.808.000
Sigurður Ingi Jóhannsson 2.427.000
Ásmundur Einar Daðason 2.098.000
Vinstri grænir
Katrín Jakobsdóttir 2.782.000
Svandís Svavarsdóttir 2.409.000
Guðmundur Ingi Guðbrandsson 2.309.000
Samfylkingin
Logi Einarsson, 1.957.000
Kristrún Frostadóttir 1.445.000
Ágúst Ólafur Ágústsson 1.343.000
Píratar
Björn Leví Gunnarsson 1.373.000
Jón Þór Ólafsson 1.315.000
Helgi Hrafn Gunnarsson 1.299.000
Flokkur fólksins
Inga Sæland Ástvaldsdóttir 1.850.000
Jakob Frímann Magnússon 1.275.000
Einungis tveir þingmenn Flokks fólksins eru í blaðinu.
Miðflokkurinn
Sigmundur Davíð Gunnlaugsson 1.852.000
Bergþór Ólason 1.346.000
Gunnar Bragi Sveinsson 1.315.000
Viðreisn
Þorgerður Katrín Gunnarsdóttir 1.790.000
Hanna Katrín Friðriksson 1.375.000
Jón Steindór Valdimarsson 1.270.000
Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2021 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2020 sem var greiddur árið 2021.
Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.
Verktakagreiðslur flokkast ekki sem útsvarsskyldar tekjur og eru því ekki teknar fyrir í álagningaskrá Ríkisskattstjóra sem Tekjublaðið styðst við.
