Bílaleiga þarf að endurgreiða viðskiptavini útlagðan viðgerðarkostnað Atli Ísleifsson skrifar 26. október 2022 08:00 Viðskiptavinurinn leigði bíl af gerðinni Suzuki Grand Vitara hjá bílaleigunni í tvær og hálfa viku frá 22. júlí 2021 fyrir 255 þúsund krónur. Bílaleigan lét manninn borga viðgerðarkostnað upp á kvartmilljón við skil. Getty Íslenskri bílaleigu hefur verið gert að endurgreiða viðskiptavini sínum 250 þúsund krónur sem honum hafði verið gert að greiða vegna viðgerðarkostnaðar eftir að hann skilaði bílnum í lok leigutímans. Deilan sneri að skemmdum á undirvagni sem bílaleigan taldi viðskiptavininn hafa valdið með því að aka yfir stórgrýti. Þetta er niðurstaða kærunefndar vöru- og þjónustukaupa. Þar má sjá að maðurinn hafi leigt bíl af gerðinni Suzuki Grand Vitara hjá bílaleigunni í tvær og hálfa viku frá 22. júlí 2021 fyrir 255 þúsund krónur. Þegar maðurinn skilaði bílnum var honum gert að greiða 250 þúsund krónur aukalega vegna tjóns sem bílaleigan taldi að hafi orðið á bílnum á leigutímanum. Viðskiptavinurinn taldi sig hins vegar ekki hafa verið valdur að tjóninu en greiddi þó umkrafinn kostnað. Óskaði eftir staðfestingu á fjártjóni bílaleigunnar Eftir að viðskiptavinurinn var kominn aftur til síns heima óskaði hann eftir því við bílaleiguna að hún legði fram nákvæma greiningu á tjóninu og staðfestingu á raunverulegu fjártjóni vegna viðgerðarinnar. Bílaleigan varð hins vegar ekki við beiðninni og krafðist maðurinn í kjölfarið að bílaleigan myndi endurgreiða honum viðgerðarkostnaðinn, það er 250 þúsund krónur. Bílaleigan hafnaði kröfunni. Í úrskurðinum kemur fram að bílaleigan hafi talið manninn hafa ekið bílnum yfir stórgrýti sem hafi valdið skemmdum á undirvagni bílsins. Bílaleigan sendi manninum myndir af skemmdunum á bílnum en hann fékk þó ekki staðfest að skemmdirnar hafi í raun verið af undirvagni umrædds Suzuki Grand Vitara enda hafi maðurinn ekki verið viðstaddur skoðunina. Gekk ekki að fá skýringar á reikningnum Maðurinn hafi svo óskað eftir sundurliðuðum reikningi vegna viðgerðarinnar, en á honum var hvorki að finna nákvæma greiningu á tjóninu né kostnað við efni og vinnu vegna viðgerðarinnar. Ekkert hafi gengið að fá nánari skýringar á reikningnum. Maðurinn kveðst heiðarlegur og tilbúinn að greiða fyrir það tjón sem hann hafi sannarlega valdið, en að bílaleigan hafi hins vegar ekki tekist að sýna fram á raunverulegt fjártjón þrátt fyrir ítrekaðar óskir mannsins um það. Lagði fram skýrslu bifvélavirkja Ennfremur kemur fram í úrskurðinum að bílaleigan hafi lagt fram skýrslu bifvélavirkja sem hafi tekið á móti og séð um viðgerð á bílnum. Kvaðst bílaleigan fullviss um að umræddar skemmdir á undirvagni hafi ekki verið til staðar fyrir leigutímann. Bílaleigan fylgi ströngum verklagsreglum um yfirferð bíla fyrir hverja leigu. „Það tjón sem hafi verið á undirvagni bifreiðarinnar hefði því uppgötvast fyrir leigutíma sóknaraðila, hefði það verið til staðar.“ Erfitt að átta sig á hvernig raunverulegt tjón er fundið út Fram kemur í gögnum að kostnaðarmat bílaleigunnar vegna tjónsins hafi verið svokallað CABAS tjónamat fyrirtækis sem ekki er nafngreint, að fjárhæð 218 þúsund króna, auk virðisaukaskatts. Hafi því verið aflað einhliða af hálfu bílaleigunnar. „Tjónamatið er sett fram á þann hátt að erfitt er að átta sig á því hvernig raunverulegt tjón er fundið út og að hvaða leyti það megi rekja til [viðskiptavinarins] með óyggjandi hætti. Þá metur nefndin sem svo að ekkert liggi fyrir sem sýni fram á að bílaleigan hafi greitt þann viðgerðarkostnað sem tilgreindur sé í kostnaðarmatinu, eða hvaða fjárhæð, ef önnur en greint er frá í fyrrnefndu mati, hafi verið greidd af varnaraðila. „Ekki liggur fyrir hvort varnaraðili hafi fengið tjón sitt bætt frá vátryggingarfélagi sínu í heild eða að hluta, en slíkar upplýsingar eru nauðsynlegar til að meta hvort skaðabótaréttur hafi stofnast,“ segir í úrskurðinum. Sömuleiðis geti ljósmyndir bílaleigunnar af undirvagni bílsins ekki fært sönnur á tjóni hans enda sé óljóst hvort umræddar ljósmyndir séu í raun af undirvagni þess bíls sem viðskiptavinurinn leigði. „Með hliðsjón af öllu framangreindu verður ekki séð á hvaða grundvelli varnaraðili krafðist greiðslu að fjárhæð 250.000 krónur frá sóknaraðila,“ segir í úrskurði nefndarinnar. Bílaleigunni beri því að endurgreiða viðskiptavininum 250 þúsund krónur, auk málsskots- og meðgerðargjalds, alls 40 þúsund krónur. Tengd skjöl 2994_UrskurdurimalinrPDF110KBSækja skjal Bílaleigur Ferðamennska á Íslandi Neytendur Bílar Tengdar fréttir Fær hótelnætur endurgreiddar eftir höfnun í móttökunni Fyrirtæki sem rekur hótel hérlendis hefur verið gert að endurgreiða viðskiptavini sínum andvirði fjögurra hótelnótta eftir að hafa meinað honum að dvelja á hótelinu þegar hann mætti til dvalarinnar. Fyrirtækið vísaði þar til þess að upplýsingar hefðu borist um að viðskiptavinurinn væri með Covid-19. 25. október 2022 11:33 Mest lesið Nánast allir íbúar með aðgang að sérkjörum Neytendur Fyrsta fatalínan í sögu Ikea mætt til landsins Viðskipti innlent Aflýsa flugi til og frá Orlando Viðskipti innlent Taka flugið til Tyrklands Viðskipti innlent Slökkt á asanum: „Hljómar kannski auðveldlega en er það ekki“ Atvinnulíf Ísleifur tekur við sem forstöðumaður hjá VÍS Viðskipti innlent Konurnar ofþreyttar en karlmenn vilja meiri frið til að vinna Atvinnulíf „Allir alltaf að segja að hann sé svo mjúkur“ Atvinnulíf Viðskiptavinir gjaldþrota rafmyntakauphallar endurheimta milljarða Viðskipti erlent „Frekar kvöldsvæfur heldur en morgunfúll“ Atvinnulíf Fleiri fréttir Nánast allir íbúar með aðgang að sérkjörum Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira
Þetta er niðurstaða kærunefndar vöru- og þjónustukaupa. Þar má sjá að maðurinn hafi leigt bíl af gerðinni Suzuki Grand Vitara hjá bílaleigunni í tvær og hálfa viku frá 22. júlí 2021 fyrir 255 þúsund krónur. Þegar maðurinn skilaði bílnum var honum gert að greiða 250 þúsund krónur aukalega vegna tjóns sem bílaleigan taldi að hafi orðið á bílnum á leigutímanum. Viðskiptavinurinn taldi sig hins vegar ekki hafa verið valdur að tjóninu en greiddi þó umkrafinn kostnað. Óskaði eftir staðfestingu á fjártjóni bílaleigunnar Eftir að viðskiptavinurinn var kominn aftur til síns heima óskaði hann eftir því við bílaleiguna að hún legði fram nákvæma greiningu á tjóninu og staðfestingu á raunverulegu fjártjóni vegna viðgerðarinnar. Bílaleigan varð hins vegar ekki við beiðninni og krafðist maðurinn í kjölfarið að bílaleigan myndi endurgreiða honum viðgerðarkostnaðinn, það er 250 þúsund krónur. Bílaleigan hafnaði kröfunni. Í úrskurðinum kemur fram að bílaleigan hafi talið manninn hafa ekið bílnum yfir stórgrýti sem hafi valdið skemmdum á undirvagni bílsins. Bílaleigan sendi manninum myndir af skemmdunum á bílnum en hann fékk þó ekki staðfest að skemmdirnar hafi í raun verið af undirvagni umrædds Suzuki Grand Vitara enda hafi maðurinn ekki verið viðstaddur skoðunina. Gekk ekki að fá skýringar á reikningnum Maðurinn hafi svo óskað eftir sundurliðuðum reikningi vegna viðgerðarinnar, en á honum var hvorki að finna nákvæma greiningu á tjóninu né kostnað við efni og vinnu vegna viðgerðarinnar. Ekkert hafi gengið að fá nánari skýringar á reikningnum. Maðurinn kveðst heiðarlegur og tilbúinn að greiða fyrir það tjón sem hann hafi sannarlega valdið, en að bílaleigan hafi hins vegar ekki tekist að sýna fram á raunverulegt fjártjón þrátt fyrir ítrekaðar óskir mannsins um það. Lagði fram skýrslu bifvélavirkja Ennfremur kemur fram í úrskurðinum að bílaleigan hafi lagt fram skýrslu bifvélavirkja sem hafi tekið á móti og séð um viðgerð á bílnum. Kvaðst bílaleigan fullviss um að umræddar skemmdir á undirvagni hafi ekki verið til staðar fyrir leigutímann. Bílaleigan fylgi ströngum verklagsreglum um yfirferð bíla fyrir hverja leigu. „Það tjón sem hafi verið á undirvagni bifreiðarinnar hefði því uppgötvast fyrir leigutíma sóknaraðila, hefði það verið til staðar.“ Erfitt að átta sig á hvernig raunverulegt tjón er fundið út Fram kemur í gögnum að kostnaðarmat bílaleigunnar vegna tjónsins hafi verið svokallað CABAS tjónamat fyrirtækis sem ekki er nafngreint, að fjárhæð 218 þúsund króna, auk virðisaukaskatts. Hafi því verið aflað einhliða af hálfu bílaleigunnar. „Tjónamatið er sett fram á þann hátt að erfitt er að átta sig á því hvernig raunverulegt tjón er fundið út og að hvaða leyti það megi rekja til [viðskiptavinarins] með óyggjandi hætti. Þá metur nefndin sem svo að ekkert liggi fyrir sem sýni fram á að bílaleigan hafi greitt þann viðgerðarkostnað sem tilgreindur sé í kostnaðarmatinu, eða hvaða fjárhæð, ef önnur en greint er frá í fyrrnefndu mati, hafi verið greidd af varnaraðila. „Ekki liggur fyrir hvort varnaraðili hafi fengið tjón sitt bætt frá vátryggingarfélagi sínu í heild eða að hluta, en slíkar upplýsingar eru nauðsynlegar til að meta hvort skaðabótaréttur hafi stofnast,“ segir í úrskurðinum. Sömuleiðis geti ljósmyndir bílaleigunnar af undirvagni bílsins ekki fært sönnur á tjóni hans enda sé óljóst hvort umræddar ljósmyndir séu í raun af undirvagni þess bíls sem viðskiptavinurinn leigði. „Með hliðsjón af öllu framangreindu verður ekki séð á hvaða grundvelli varnaraðili krafðist greiðslu að fjárhæð 250.000 krónur frá sóknaraðila,“ segir í úrskurði nefndarinnar. Bílaleigunni beri því að endurgreiða viðskiptavininum 250 þúsund krónur, auk málsskots- og meðgerðargjalds, alls 40 þúsund krónur. Tengd skjöl 2994_UrskurdurimalinrPDF110KBSækja skjal
Bílaleigur Ferðamennska á Íslandi Neytendur Bílar Tengdar fréttir Fær hótelnætur endurgreiddar eftir höfnun í móttökunni Fyrirtæki sem rekur hótel hérlendis hefur verið gert að endurgreiða viðskiptavini sínum andvirði fjögurra hótelnótta eftir að hafa meinað honum að dvelja á hótelinu þegar hann mætti til dvalarinnar. Fyrirtækið vísaði þar til þess að upplýsingar hefðu borist um að viðskiptavinurinn væri með Covid-19. 25. október 2022 11:33 Mest lesið Nánast allir íbúar með aðgang að sérkjörum Neytendur Fyrsta fatalínan í sögu Ikea mætt til landsins Viðskipti innlent Aflýsa flugi til og frá Orlando Viðskipti innlent Taka flugið til Tyrklands Viðskipti innlent Slökkt á asanum: „Hljómar kannski auðveldlega en er það ekki“ Atvinnulíf Ísleifur tekur við sem forstöðumaður hjá VÍS Viðskipti innlent Konurnar ofþreyttar en karlmenn vilja meiri frið til að vinna Atvinnulíf „Allir alltaf að segja að hann sé svo mjúkur“ Atvinnulíf Viðskiptavinir gjaldþrota rafmyntakauphallar endurheimta milljarða Viðskipti erlent „Frekar kvöldsvæfur heldur en morgunfúll“ Atvinnulíf Fleiri fréttir Nánast allir íbúar með aðgang að sérkjörum Vaxtalækkun hænuskref í rétta átt en ekki megi gleyma nýlegum hækkunum Þótti baðherbergið ógeðslegt og fór frá Íslandi Misbauð meðferð á hundunum og mátti hætta á námskeiði Brúðhjónin fóru í hart og fá nýja skál fyrir hrærivélina Stefnt á að koma upp 98 hleðslustöðvum í Kópavogi Gengu langt í að vinna að lausn þótt bíllinn væri ekki í ábyrgð Hafa rúmir opnunartímar áhrif á verðlag? Stöðva þurfi rányrkju bílastæðaeigenda Segir engar breytingar hafa verið gerðar á uppskrift SS pylsna Útlit fyrir frekari verðhækkanir á kaffimarkaði Þrjár verslanir í Múlunum sektaðar eftir rassíu Neytendastofu Þetta kostar skyndibiti á Íslandi Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Sjá meira
Fær hótelnætur endurgreiddar eftir höfnun í móttökunni Fyrirtæki sem rekur hótel hérlendis hefur verið gert að endurgreiða viðskiptavini sínum andvirði fjögurra hótelnótta eftir að hafa meinað honum að dvelja á hótelinu þegar hann mætti til dvalarinnar. Fyrirtækið vísaði þar til þess að upplýsingar hefðu borist um að viðskiptavinurinn væri með Covid-19. 25. október 2022 11:33