Klukkan 14:56 varð skjálfti 2,7 að stærð í Bárðarbungu og einungis einni mínútu seinna varð annar á sama stað sem mældist 4,2 að stærð.
Í tilkynningu frá Veðurstofu Íslands segir að nokkrir eftirskjálftar hafi fylgt í kjölfarið. Engar tilkynningar hafa borist Veðurstofunni um að skjálftinn hafi fundist.
Örfáum mínútum síðar, á slaginu þrjú, varð skjálfti að stærðinni 3,2 norður af Herðubreið. Einnig hafa nokkrir eftirskjálftar fylgt honum.
