Synjun birtingar þrengi verulega að möguleikum þingmanna til eftirlits Margrét Helga Erlingsdóttir skrifar 8. mars 2023 15:20 Sigmar Guðmundsson þingmaður Viðreisnar bendir á að eftirlitshlutverk Alþingis kristallist sérstaklega þegar tveir mismunandi ríkisendurskoðendur séu ósammála. Ekki sé hægt að treysta öðrum þeirra í blindni. Vísir/Steingrímur Dúi Þingmaður Viðreisnar segir synjun birtingar á greinargerð fyrrverandi setts ríkisendurskoðanda um Lindarhvol setja þingmenn í erfiða stöðu og hafa þrengt að möguleikum þeirra til að hafa eftirlit með framkvæmdarvaldinu líkt og þeim ber að gera. Fréttastofa ræddi við Sigmar Guðmundsson, þingmann Viðreisnar, í hádegisfréttum Bylgjunnar þar sem segir upplifun sína af atkvæðagreiðslu síðastliðinn mánudag, um hvort leyfa ætti fyrirspurn þingmanns Samfylkingar um Lindarhvol, hafa verið dapurlega. Búið sé að reisa háan og voldugan þagnarmúr og að þingforseti sé verkstjórinn. Misræmi ríkisendurskoðenda dragi fram mikilvægi eftirlitshlutverks þings Sigurður Þórðarson, fyrrverandi settur ríkisendurskoðandi, vill aflétta leyndinni yfir greinargerð sinni um málið en Guðmundur Björgvin Helgason, núverandi ríkisendurskoðandi, ekki og telur birtingu stangast á við lög um Ríkisendurskoðun. Sigmar segir að akkúrat í þessu misræmi kristallist mikilvægi eftirlitshlutverks þingsins. Í greinargerð Sigurðar séu upplýsingar sem séu ekki alveg í samræmi við eiginlega skýrslu Ríkisendurskoðunar um málið. „Þegar þetta mikla misræmi er á milli; annar ríkisendurskoðandinn vill birta en hinn ekki, þá getum við alþingismenn, sem þurfum að hafa eftirlit með framkvæmdarvaldinu, ekki trúað öðrum aðilanum í blindni og því er bráðnauðsynlegt að birta þessa greinargerð líkt og Sigurður Þórðarson vill að gerist, líkt og allir í forsætisnefnd vilja að verði gert og líkt og lögfræðiálit kveða á um að eigi að gera og líkt og manni sýnist að um helmingur þingmanna vilji gera því það eru allmargir stjórnarþingmenn sem telja líka að það eigi að birta greinargerðina.“ Ljóst sé að þingmenn séu ekki sammála um hvernig túlka beri lögin. „Mér finnst hafið yfir allan vafa að þessi greinargerð sé partur af stjórnsýslu þingsins og reyndar hefur þingforseti fyrrverandi staðfest það. Ég sé engin rök sem hníga að því að það eigi ekki að leyfa þessa fyrirspurn. En það sem menn eru auðvitað að reyna að gera er að koma í veg fyrir birtingu þessara upplýsinga og það finnst mér ekki gott því það setur okkur í þinginu í svolítið erfiða stöðu því að eins og ég segi, við eigum auðvitað að hafa eftirlit með framkvæmdarvaldinu en þegar svona háttar til þá er verið að þrengja verulega að möguleikum þingsins til eftirlitsins.“ Atkvæðagreiðslu frestað í tvígang vegna titrings Hér er hægt að sjá yfirlit yfir það hvernig hinir mismunandi þingmenn greiddu atkvæði í umræddri atkvæðagreiðslu. Tuttugu þingmenn voru fjarverandi þegar atkvæðagreiðslan fór fram. Sigmar var spurður hvort hann teldi að allir hefðu greitt atkvæði samkvæmt sannfæringu sinni í ljósi þess hversu umdeilt málið er. „Ég er auðvitað ekki dómbær á það hvað gerist inn í hugskoti annarra þegar menn eru að greiða atkvæði en það var alveg augljóst í aðdraganda atkvæðagreiðslunnar að það var titringur, það þurfti að fresta atkvæðagreiðslunni í tvígang, um hálftíma og svo aftur hálftíma vegna þess að stjórnarflokkarnir þurftu að funda. Þannig að ég held að þetta hafi að mörgu leyti verið erfið atkvæðagreiðsla fyrir einhverja þingmenn en hvort þeir hafi farið gegn sannfæringu sinni það get ég auðvitað ekki dæmt um en við erum auðvitað bundin af því samkvæmt stjórnarskrá að greiða atkvæði samkvæmt sannfæringu okkar og samvisku.“ Málið geti ekki endað öðruvísi en með birtingu greinargerðar Sigmar er sannfærður um að málið endi ekki með þessari atkvæðagreiðslu. Hann telur líklegast að greinargerðin verði á endanum birt. „Úr því að ríkisendurskoðandinn sem vann gagnið telur mikilvægt að alþingismenn fái aðgang að því og þar með almenningur. Hvernig atburðarásin í því verður veit ég ekki alveg en það segir auðvitað heilmikla sögu að allir í forsætisnefnd nema forseti þingsins vilja birtingu og fleiri stjórnarþingmenn til viðbótar." Málið sé að einhverju leyti aftur komið inn á borð stjórnskipunar- og eftirlitsnefndar. „Við verðum að sjá hvað það leiðir af sér en ég held að þetta geti ekki endað öðruvísi heldur en með birtingu þessarar greinargerðar. Ég held að almenningur þoli það ekki að það hvíli leynd um það þegar verið er að selja ríkiseigur fyrir hundruð milljarða og að upplýsingar frá annars vegar settum ríkisendurskoðanda og hins vegar skýrslu Ríkisendurskoðunar um málið að þar stangist á. Að ekki sé nú talað um að Sigurður Þórðarson talar um það að hann hafi sífellt rekist á veggi og átt erfitt með að nálgast upplýsingar um þetta mál og það er auðvitað eitthvað sem þingið verður að kafa ofan í.“ Starfsemi Lindarhvols Alþingi Viðreisn Tengdar fréttir Einkennilegt að upplýsingarétti almennings sé mætt með lagaþrætu Haukur Arnþórsson, stjórnsýslufræðingur, segir kröfuna um að greinargerð fyrrverandi setts ríkisendurskoðanda um Lindarhvolsmálið verði gerð opinber vera sjálfsagða og mikilvæga. Það sé einkennilegt að upplýsingarétti almennings sé mætt með lagaþrætu. 7. mars 2023 13:27 „Hafið yfir allan vafa að þingskaparlög eru með mér í liði“ Jóhann Páll Jóhannsson segir niðurstöðu atkvæðagreiðslu, um hvort hann megi leggja fram fyrirspurn um innihald greinargerðar fráfarandi setts ríkisendurskoðanda um Lindarhvol, koma á óvart. 6. mars 2023 20:10 Hundskammar þá sem vilja kreista út greinargerð um Lindarhvol Guðmundur Björgvin Helgason ríkisendurskoðandi segir forkastanlegt hversu hart margir ganga fram í að greinargerð Sigurðar Þórðarsonar setts ríkisendurskoðanda verði lögð fram. 1. mars 2023 14:14 Mest lesið Skilinn eftir nær dauða en lífi á nærbuxum einum klæða Innlent Betra að borga tryggingarnar en að sitja uppi með allsherjartjón Innlent 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Innlent Brotið á barni með því að loka það inni í einveruherbergi Innlent Þýska velferðarríkið standi ekki lengur undir sér Erlent Skiptar skoðanir um stækkun Þjóðleikhússins Innlent Metaðsókn og söfnunarmet slegið Innlent Það logaði glatt í Bergþórshvoli á Njáluhátíð í Rangárþingi Innlent Öll spjót beinast að ÍBR vegna skipulagsleysis og „rugls í ræsingu“ Innlent Steindór Örn endurkjörinn formaður Hallveigar Innlent Fleiri fréttir Betra að borga tryggingarnar en að sitja uppi með allsherjartjón Skilinn eftir nær dauða en lífi á nærbuxum einum klæða Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Sjá meira
Fréttastofa ræddi við Sigmar Guðmundsson, þingmann Viðreisnar, í hádegisfréttum Bylgjunnar þar sem segir upplifun sína af atkvæðagreiðslu síðastliðinn mánudag, um hvort leyfa ætti fyrirspurn þingmanns Samfylkingar um Lindarhvol, hafa verið dapurlega. Búið sé að reisa háan og voldugan þagnarmúr og að þingforseti sé verkstjórinn. Misræmi ríkisendurskoðenda dragi fram mikilvægi eftirlitshlutverks þings Sigurður Þórðarson, fyrrverandi settur ríkisendurskoðandi, vill aflétta leyndinni yfir greinargerð sinni um málið en Guðmundur Björgvin Helgason, núverandi ríkisendurskoðandi, ekki og telur birtingu stangast á við lög um Ríkisendurskoðun. Sigmar segir að akkúrat í þessu misræmi kristallist mikilvægi eftirlitshlutverks þingsins. Í greinargerð Sigurðar séu upplýsingar sem séu ekki alveg í samræmi við eiginlega skýrslu Ríkisendurskoðunar um málið. „Þegar þetta mikla misræmi er á milli; annar ríkisendurskoðandinn vill birta en hinn ekki, þá getum við alþingismenn, sem þurfum að hafa eftirlit með framkvæmdarvaldinu, ekki trúað öðrum aðilanum í blindni og því er bráðnauðsynlegt að birta þessa greinargerð líkt og Sigurður Þórðarson vill að gerist, líkt og allir í forsætisnefnd vilja að verði gert og líkt og lögfræðiálit kveða á um að eigi að gera og líkt og manni sýnist að um helmingur þingmanna vilji gera því það eru allmargir stjórnarþingmenn sem telja líka að það eigi að birta greinargerðina.“ Ljóst sé að þingmenn séu ekki sammála um hvernig túlka beri lögin. „Mér finnst hafið yfir allan vafa að þessi greinargerð sé partur af stjórnsýslu þingsins og reyndar hefur þingforseti fyrrverandi staðfest það. Ég sé engin rök sem hníga að því að það eigi ekki að leyfa þessa fyrirspurn. En það sem menn eru auðvitað að reyna að gera er að koma í veg fyrir birtingu þessara upplýsinga og það finnst mér ekki gott því það setur okkur í þinginu í svolítið erfiða stöðu því að eins og ég segi, við eigum auðvitað að hafa eftirlit með framkvæmdarvaldinu en þegar svona háttar til þá er verið að þrengja verulega að möguleikum þingsins til eftirlitsins.“ Atkvæðagreiðslu frestað í tvígang vegna titrings Hér er hægt að sjá yfirlit yfir það hvernig hinir mismunandi þingmenn greiddu atkvæði í umræddri atkvæðagreiðslu. Tuttugu þingmenn voru fjarverandi þegar atkvæðagreiðslan fór fram. Sigmar var spurður hvort hann teldi að allir hefðu greitt atkvæði samkvæmt sannfæringu sinni í ljósi þess hversu umdeilt málið er. „Ég er auðvitað ekki dómbær á það hvað gerist inn í hugskoti annarra þegar menn eru að greiða atkvæði en það var alveg augljóst í aðdraganda atkvæðagreiðslunnar að það var titringur, það þurfti að fresta atkvæðagreiðslunni í tvígang, um hálftíma og svo aftur hálftíma vegna þess að stjórnarflokkarnir þurftu að funda. Þannig að ég held að þetta hafi að mörgu leyti verið erfið atkvæðagreiðsla fyrir einhverja þingmenn en hvort þeir hafi farið gegn sannfæringu sinni það get ég auðvitað ekki dæmt um en við erum auðvitað bundin af því samkvæmt stjórnarskrá að greiða atkvæði samkvæmt sannfæringu okkar og samvisku.“ Málið geti ekki endað öðruvísi en með birtingu greinargerðar Sigmar er sannfærður um að málið endi ekki með þessari atkvæðagreiðslu. Hann telur líklegast að greinargerðin verði á endanum birt. „Úr því að ríkisendurskoðandinn sem vann gagnið telur mikilvægt að alþingismenn fái aðgang að því og þar með almenningur. Hvernig atburðarásin í því verður veit ég ekki alveg en það segir auðvitað heilmikla sögu að allir í forsætisnefnd nema forseti þingsins vilja birtingu og fleiri stjórnarþingmenn til viðbótar." Málið sé að einhverju leyti aftur komið inn á borð stjórnskipunar- og eftirlitsnefndar. „Við verðum að sjá hvað það leiðir af sér en ég held að þetta geti ekki endað öðruvísi heldur en með birtingu þessarar greinargerðar. Ég held að almenningur þoli það ekki að það hvíli leynd um það þegar verið er að selja ríkiseigur fyrir hundruð milljarða og að upplýsingar frá annars vegar settum ríkisendurskoðanda og hins vegar skýrslu Ríkisendurskoðunar um málið að þar stangist á. Að ekki sé nú talað um að Sigurður Þórðarson talar um það að hann hafi sífellt rekist á veggi og átt erfitt með að nálgast upplýsingar um þetta mál og það er auðvitað eitthvað sem þingið verður að kafa ofan í.“
Starfsemi Lindarhvols Alþingi Viðreisn Tengdar fréttir Einkennilegt að upplýsingarétti almennings sé mætt með lagaþrætu Haukur Arnþórsson, stjórnsýslufræðingur, segir kröfuna um að greinargerð fyrrverandi setts ríkisendurskoðanda um Lindarhvolsmálið verði gerð opinber vera sjálfsagða og mikilvæga. Það sé einkennilegt að upplýsingarétti almennings sé mætt með lagaþrætu. 7. mars 2023 13:27 „Hafið yfir allan vafa að þingskaparlög eru með mér í liði“ Jóhann Páll Jóhannsson segir niðurstöðu atkvæðagreiðslu, um hvort hann megi leggja fram fyrirspurn um innihald greinargerðar fráfarandi setts ríkisendurskoðanda um Lindarhvol, koma á óvart. 6. mars 2023 20:10 Hundskammar þá sem vilja kreista út greinargerð um Lindarhvol Guðmundur Björgvin Helgason ríkisendurskoðandi segir forkastanlegt hversu hart margir ganga fram í að greinargerð Sigurðar Þórðarsonar setts ríkisendurskoðanda verði lögð fram. 1. mars 2023 14:14 Mest lesið Skilinn eftir nær dauða en lífi á nærbuxum einum klæða Innlent Betra að borga tryggingarnar en að sitja uppi með allsherjartjón Innlent 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Innlent Brotið á barni með því að loka það inni í einveruherbergi Innlent Þýska velferðarríkið standi ekki lengur undir sér Erlent Skiptar skoðanir um stækkun Þjóðleikhússins Innlent Metaðsókn og söfnunarmet slegið Innlent Það logaði glatt í Bergþórshvoli á Njáluhátíð í Rangárþingi Innlent Öll spjót beinast að ÍBR vegna skipulagsleysis og „rugls í ræsingu“ Innlent Steindór Örn endurkjörinn formaður Hallveigar Innlent Fleiri fréttir Betra að borga tryggingarnar en að sitja uppi með allsherjartjón Skilinn eftir nær dauða en lífi á nærbuxum einum klæða Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Vestfirðingar fagna í kvöld: „Þetta er bara mjög stórt“ Öll spjót beinast að ÍBR vegna skipulagsleysis og „rugls í ræsingu“ Hlaupið aftur í rénun eftir vöxt í nótt Þrjár líkamsárásir og yfir tuttugu ungmenni í athvarf Hver verður Íslandsmeistari í hrútaþukli? Kraftaverk að ekki fór verr þegar bíll hafnaði ofan á tveimur Akstursíþróttasamfélagið harmi slegið, unglingadrykkja á Menningarnótt og hrútaþukl Evrópusambandið, menntamál, stýrivextir og Gasa í Sprengisandi „Heilt yfir“ friðsamleg Menningarnótt en nokkrir ofbeldisfullir Skutu upp flugeldum í minningu Bryndísar Klöru Mölbraut rúðu í Þjóðleikhúsinu Stórhættulegur framúrakstur við Ingólfsfjall Algjört hrun í fálkastofninum Þétting byggðar hafi ekki slegið í gegn Jökulhlaupið í hægum vexti Nýi brennsluofn göngugarpsins mættur á Sólheima Grunur um brot gegn fleiri börnum Grunur um brot gegn öðru barni, alvarlegt slys og tíðindi á Menningarnótt Alvarlegt slys á starfsmönnum á Íslandsmeistarmóti í rallycross Gríðarlegt magn myndefnis til skoðunar hjá lögreglu Sjá meira
Einkennilegt að upplýsingarétti almennings sé mætt með lagaþrætu Haukur Arnþórsson, stjórnsýslufræðingur, segir kröfuna um að greinargerð fyrrverandi setts ríkisendurskoðanda um Lindarhvolsmálið verði gerð opinber vera sjálfsagða og mikilvæga. Það sé einkennilegt að upplýsingarétti almennings sé mætt með lagaþrætu. 7. mars 2023 13:27
„Hafið yfir allan vafa að þingskaparlög eru með mér í liði“ Jóhann Páll Jóhannsson segir niðurstöðu atkvæðagreiðslu, um hvort hann megi leggja fram fyrirspurn um innihald greinargerðar fráfarandi setts ríkisendurskoðanda um Lindarhvol, koma á óvart. 6. mars 2023 20:10
Hundskammar þá sem vilja kreista út greinargerð um Lindarhvol Guðmundur Björgvin Helgason ríkisendurskoðandi segir forkastanlegt hversu hart margir ganga fram í að greinargerð Sigurðar Þórðarsonar setts ríkisendurskoðanda verði lögð fram. 1. mars 2023 14:14
13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Innlent
13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Innlent