Egils­höll rýmd vegna í­kveikju á klósetti

Um tíu leytið í kvöld barst tilkynning um eld í Egilshöll. Eldvarnarkerfi fór í gang og gestum var sagt að rýma húsið. Slökkvibíll, lögregla og sjúkrabíll voru fljót að mæta á staðinn.

Samkvæmt Magnúsi Erni Ragnarssyni, forstöðumanni Egilshallar, var um íkveikju að ræða inni á einu klósettinu. Eldurinn hafi verið minniháttar.

„Það er búið að slökkva eldinn. En það þarf að reykræsta hérna mikið,“ segir Magnús. „Það var búið að loka fótboltahúsinu og engar æfingar eftir hérna í kvöld þegar þetta gerðist. Bíógestirnir þurfa hins vegar að taka smá pásu.“