Samningslaus Díana: „Ég er sultu­slök“

„Ég er ótrúlega stolt af mínu liði, þetta er ungt lið og það verður ekkert annað í boði á Ásvöllum og í Hafnafirði að taka næsta skref á næstu leiktíð.“

Díana tók við liðinu eftir að Ragnar Hermannsson ákvað að stíga frá borði í maí á þessu ári. Díana, sem var aðstoðarþjálfari, tók við og var einfaldlega spurð eftir tap í framlengdum oddaleik gegn deildarmeisturum ÍBV hvort hún hygðist ekki vera áfram með liðið.

„Það er óráðið. Ég er samningslaus, er bara að hugsa mín mál og hvað ég ætla að gera. Ætla ekki að gefa neitt upp. Næsta verkefni er bara að gefa frí á æfingu á morgun og svo einblína á úrslitakeppni í 3. flokki og svo hugsa ég mín mál.“

Viðtalið við Díönu í heild sinni má sjá í spilaranum hér að ofan.