Engin vítaspyrna þegar Danmörk lagði Kína

Runólfur Trausti Þórhallsson skrifar 22. júlí 2023 14:00

Sigurmarkinu fagnað. Aitor Alcalde/Getty Images

Danmörk vann Kína 1-0 á HM kvenna í knattspyrnu. Sigurmarkið kom í uppbótartíma leiksins en um var að ræða fyrsta leik mótsins þar sem ekki var dæmd vítaspyrnu.

Fyrir leik dagsins, sem var sá síðasti á HM í dag, hafði vítaspyrna verið dæmd í hverjum einasta leik. Það gerðist ekki í dag en bæði lið áttu erfitt með að skapa sér færi framan af leik.

Það leit hreinlega út fyrir að leikurinn myndi enda með markalausu jafntefli. Varamaðurinn Amalie Vangsgaard steig upp á ögurstundu og skoraði það sem reyndist sigurmark leiksins með frábærum skalla eftir hornspyrnu Pernille Harder þegar ein mínúta var komin fram yfir venjulegan leiktíma.

Lokatölur 1-0 og Danir byrja HM á gríðarlega mikilvægum sigri. Danmörk og England eru nú með 3 stig í D-riðli á meðan Kína og Haíti eru án stiga.

Danmörk og Kína áttust við í lokaleik dagsins og voru það Danir sem höfðu betur en sigurmarkið kom alveg undir lok leiks.
Hér má sjá allt það helsta úr leiknum pic.twitter.com/LFfWhN8Tgs
— RÚV Íþróttir (@ruvithrottir) July 22, 2023

Fótbolti HM 2023 í Ástralíu og Nýja-Sjálandi

Tengdar fréttir

Vítaspyrnur áfram þemað í öruggum sigrum Bandaríkjanna og Japans

Tveir leikir fóru fram á HM kvenna i knattspyrnu í nótt. Bandaríkin unnu Víetnam 3-0 og Japan vann Zambíu 5-0. Vítaspyrnur voru dæmdar í báðum leikjum sem þýðir að það hefur verið bent á vítapunktinn í öllum leikjum mótsins til þessa.

22. júlí 2023 09:31

England marði Haíti þökk sé enn einni vítaspyrnunni

England vann Haíti aðeins 1-0 á HM kvenna í knattspyrnu. Sigurmarkið kom úr vítaspyrnu en dæmdar hafa verið vítaspyrnur í hverjum einasta leik mótsins til þessa.

22. júlí 2023 11:41

Mest lesið

Fleiri fréttir