Innlent

Líðan hins slasaða sögð stöðug

Ólafur Björn Sverrisson skrifar
Maðurinn var fluttur slasaður á sjúkrahúsið á Akureyri.
Maðurinn var fluttur slasaður á sjúkrahúsið á Akureyri. Vísir/Vilhelm

Líðan mannsins sem fluttur var alvarlega slasaður á slysadeild, eftir bílveltu á Ólafsfjarðarvegi, er stöðug samkvæmt upplýsingum frá lögreglunni á Norðurlandi eystra.

Tilkynnt var um slysið sem átti sér stað á Ólafsfjarðarvegi við Kambhól um klukkan 00:30 aðfaranótt sunnudags. Einn var fluttur alvarlega slasaður á Sjúkrahúsið á Akureyri. Nú hafa þær upplýsingar fengist frá lögreglu að ástand hans sé stöðugt og hann ekki talinn í lífshættu.

Rannsókn málsins heldur áfram í þessari viku en lögrega var við störf á vettvangi inn í nóttina.

Vegfarandi tjáði fréttastofu að þrír lögreglubílar og sjúkrabíll hefðu verið á vettvangi ásamt þyrlunni. Honum hefði virst sem bíllinn hefði verið nánast gjöreyðilagður.

Lögreglumál Fiskidagurinn mikli Samgönguslys Landhelgisgæslan Hörgársveit Dalvíkurbyggð

Tengdar fréttir

Mest lesið


Fleiri fréttir

Sjá meira


×

Mest lesið