Vara­maðurinn Mi­toma tryggði þriðja sigur Brig­hton í röð

Bournemouth liðar eru enn sigurlausir í deildinni en þeir komust yfir á 25. mínútu með marki frá Dominic Solanke. Í uppbótartíma fyrri hálfleiks varð Milos Kerkez fyrir því óláni að stýra boltanum í eigið mark og staðan því 1-1 í hálfleik.

Var þá komið að þætti Kaoru Mitoma sem kom inn á í hálfleik fyrir markahrókinn Evan Ferguson. Það tók hann aðeins 16 sekúndur að setja mark sitt á leikinn og koma heimamönnum yfir. Hann var svo aftur á ferðinni á 77. mínútu þegar hann skallaði boltann í markið af stuttu færi og gulltryggði þar með þriðja sigur Brighton í deildinni í röð.

Eftir úrslit dagsins sitja Brighton í þriðja sæti með 15 stig, stigi á eftir Liverpool og þremur stigum á eftir toppliði Manchester City.