Við­gerð á kaldavatnslögn lauk í nótt

Á heimasíðu Veitna segir að kaldavatnslaust hafi verið á svæðinu eftir að rof kom á lögnina á Eskitorgi um klukkan hálf tíu. Eskitorg tengir tengir saman Litluhlíð, Lönguhlíð, Hamrahlíð, Eskihlíð og Hörgshlíð.

Um klukkan hálfellefu var búið að einangra bilunina og koma í veg fyrir frekari leka en um tíma flæddi mikið vatn um torgið. Og í uppfærslu þegar klukkuna vantaði tuttugu mínútur í þrjú sagði að búið væri að gera við og hleypa köldu vatni á kerfið á ný.

Slökkviliðið var kallað til vegna lekans og dældi upp úr tveimur kjöllurum og út úr einum bílskúr auk þess sem vatni var dælt úr görðum á svæðinu svo það læki ekki inn til fólks.