Gekk út blóðugur með hendur á lofti og féll til jarðar Jón Þór Stefánsson skrifar 29. janúar 2025 08:33 Mynd frá vettvangi. Íbúð var innsigluð vegna málsins. Vísir Maður sem er grunaður um stunguárás í Grafarvogi í október síðastliðnum sagði við lögreglumenn, eftir að hann hafði verið handtekinn og verið var að flytja hann á lögreglustöð, að hann hafi verið að „verja sig gegn ranghugmyndum“. Þetta kemur fram í gæsluvarðhaldsúrskurði í málinu sem hefur verið birtur á vef Landsréttar. Lögreglu var tilkynnt um líkamsárás í íbúð í Frostafold í Grafarvogi rétt áður en klukkan varð þrjú aðfaranótt 9. október. Fljótlega bárust upplýsingar þess efnis að um hnífsstungumál væri að ræða. Áður hefur verið greint frá því að þrír menn á þrítugs- og fertugsaldri hafi verið í íbúðinni. Um var að ræða heimili grunaðs árásarmanns. Heyrði öskur þegar hann fór á salernið Þegar lögreglu bar að garði hafi maðurinn sem varð fyrir árásinni gengið út úr húsinu með hendur á lofti. Hann hafi verið reikull í spori og endað á að falla í götuna. Þá hafi verið blóðblettur á bakinu hans. Maðurinn var færður á bráðamóttöku, en á leiðinni greindi hann frá því að hinn grunaði hefði stungið hann. Þriðji maðurinn, sem tilkynnti lögreglu um málið, kom einnig út úr húsinu og gaf sig fram við lögreglu og var handtekinn og færður á lögreglustöð. Sá sagði að hann hafi farið á salernið í íbúðinni, og skyndilega hafi hann heyrt mikil öskur og læti. Þegar hann hafi komið fram hafi hann séð mikið blóð á gólfinu og séð að annar maðurinn hefði verið stunginn. Í skýrslu sem hann gaf lögreglu samdægurs lýsti hann atvikum með svipuðum hætti. Þá sagði hann að þegar hann hafi komið af salerninu hafi árásarmaðurinn blasað við honum, sitjandi í sófa í stofu íbúðarinnar, með hinn særða í tökum í fanginu. Hnífur hafi verið í kviði þess sem varð fyrir árásinni. Hnífur og hamar skammt frá Hinn grunaði var handtekinn af lögreglu, að því er virðist skammt frá vettvangi. Hann er sagður hafa verið blóðugur á báðum höndum, það er á fingrum, lófum og á handarbökum. Á leiðinni á lögreglustöðina hafi hann látið áðurnefnd ummæli um ranghugmyndir falla. Þá hafi hann sagst hafa varið sig með höndunum. Hann sagðist ekki vita hvers vegna hann væri blóðugur á höndunum, mögulega hefði hann dottið. Skammt frá staðnum þar sem hann var handtekinn fundust hnífur og hamar fyrir aftan strætóskýli. Með þrjú stungusár Samkvæmt bráðabirgðalæknisvottorði var sá sem varð fyrir árásinni með þrjú sár á brjóstkassa sem samrýmdust stungu. Þessi sár leiddu til loftbrjósts og blæðingar í brjóstholi. Tveimur dögum eftir árásina gaf maðurinn sem var stunginn skýrslu. Hann sagði árásarmanninn hafa ráðist á sig með hníf án nokkurs fyrirvara. Sjálfur hafi hann verið að koma inn af svölum íbúðarinnar og þá hafi árásin átt sér stað. Árásarmaðurinn hafi sveifla hnífnum í áttina að honum og stungið hann ítrekað. Hann hafi reynt að bregðast við því og þeir lent í sófanum. Í kjölfarið hafi þriðji maðurinn komið honum til aðstoðar. Kannast við hnífinn Seinna um daginn sem árásin varð var tekin skýrsla af hinum grunaða. Hann sagði að hann hefði verið ofurölvi og að hann myndi lítið sem ekkert frá atburðum næturinnar. Hann kvaðst muna eftir því að hafa verið hræddur og rámaði eftir átökum við hinn særða inni í stofu. Vegna minnisleysis sagðist hann ekki geta játað eða neitað því hvort hann hefði stungið hann. Önnur skýrsla var tekin af honum nokkrum dögum síðar þar sem hann virðist hafa sagt það sama að mestu leyti. Þá var hann spurður út í hníf sem lögreglan lagði hald á, og hann sagðist eiga svoleiðis hníf. Hending ein að ekki fór verr Í gæsluvarðhaldsúrskurðinum er haft eftir lögreglunni að maðurinn sé undir sterkum grun um tilraun til manndráps, eða eftir atvikum stórfellda líkamsárás. Meint brot hans geti varðað allt að sextán ára fangelsi. Atlagan hafi verið „stórháskaleg“ og áverkarnir alvarlegir. Hending ein sé a ekki hafi farið verr. Þá segir að gögn málsins bendi til þess að beinn ásetningur hafi staðið til verknaðarins, en að árásin hafi verið framin af litlu eða engu tilefni. Dómsmál Lögreglumál Reykjavík Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Húðin gleymi engu og ekki hægt að taka til baka skaðann sem er skeður Innlent Fleiri fréttir Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Sjá meira
Þetta kemur fram í gæsluvarðhaldsúrskurði í málinu sem hefur verið birtur á vef Landsréttar. Lögreglu var tilkynnt um líkamsárás í íbúð í Frostafold í Grafarvogi rétt áður en klukkan varð þrjú aðfaranótt 9. október. Fljótlega bárust upplýsingar þess efnis að um hnífsstungumál væri að ræða. Áður hefur verið greint frá því að þrír menn á þrítugs- og fertugsaldri hafi verið í íbúðinni. Um var að ræða heimili grunaðs árásarmanns. Heyrði öskur þegar hann fór á salernið Þegar lögreglu bar að garði hafi maðurinn sem varð fyrir árásinni gengið út úr húsinu með hendur á lofti. Hann hafi verið reikull í spori og endað á að falla í götuna. Þá hafi verið blóðblettur á bakinu hans. Maðurinn var færður á bráðamóttöku, en á leiðinni greindi hann frá því að hinn grunaði hefði stungið hann. Þriðji maðurinn, sem tilkynnti lögreglu um málið, kom einnig út úr húsinu og gaf sig fram við lögreglu og var handtekinn og færður á lögreglustöð. Sá sagði að hann hafi farið á salernið í íbúðinni, og skyndilega hafi hann heyrt mikil öskur og læti. Þegar hann hafi komið fram hafi hann séð mikið blóð á gólfinu og séð að annar maðurinn hefði verið stunginn. Í skýrslu sem hann gaf lögreglu samdægurs lýsti hann atvikum með svipuðum hætti. Þá sagði hann að þegar hann hafi komið af salerninu hafi árásarmaðurinn blasað við honum, sitjandi í sófa í stofu íbúðarinnar, með hinn særða í tökum í fanginu. Hnífur hafi verið í kviði þess sem varð fyrir árásinni. Hnífur og hamar skammt frá Hinn grunaði var handtekinn af lögreglu, að því er virðist skammt frá vettvangi. Hann er sagður hafa verið blóðugur á báðum höndum, það er á fingrum, lófum og á handarbökum. Á leiðinni á lögreglustöðina hafi hann látið áðurnefnd ummæli um ranghugmyndir falla. Þá hafi hann sagst hafa varið sig með höndunum. Hann sagðist ekki vita hvers vegna hann væri blóðugur á höndunum, mögulega hefði hann dottið. Skammt frá staðnum þar sem hann var handtekinn fundust hnífur og hamar fyrir aftan strætóskýli. Með þrjú stungusár Samkvæmt bráðabirgðalæknisvottorði var sá sem varð fyrir árásinni með þrjú sár á brjóstkassa sem samrýmdust stungu. Þessi sár leiddu til loftbrjósts og blæðingar í brjóstholi. Tveimur dögum eftir árásina gaf maðurinn sem var stunginn skýrslu. Hann sagði árásarmanninn hafa ráðist á sig með hníf án nokkurs fyrirvara. Sjálfur hafi hann verið að koma inn af svölum íbúðarinnar og þá hafi árásin átt sér stað. Árásarmaðurinn hafi sveifla hnífnum í áttina að honum og stungið hann ítrekað. Hann hafi reynt að bregðast við því og þeir lent í sófanum. Í kjölfarið hafi þriðji maðurinn komið honum til aðstoðar. Kannast við hnífinn Seinna um daginn sem árásin varð var tekin skýrsla af hinum grunaða. Hann sagði að hann hefði verið ofurölvi og að hann myndi lítið sem ekkert frá atburðum næturinnar. Hann kvaðst muna eftir því að hafa verið hræddur og rámaði eftir átökum við hinn særða inni í stofu. Vegna minnisleysis sagðist hann ekki geta játað eða neitað því hvort hann hefði stungið hann. Önnur skýrsla var tekin af honum nokkrum dögum síðar þar sem hann virðist hafa sagt það sama að mestu leyti. Þá var hann spurður út í hníf sem lögreglan lagði hald á, og hann sagðist eiga svoleiðis hníf. Hending ein að ekki fór verr Í gæsluvarðhaldsúrskurðinum er haft eftir lögreglunni að maðurinn sé undir sterkum grun um tilraun til manndráps, eða eftir atvikum stórfellda líkamsárás. Meint brot hans geti varðað allt að sextán ára fangelsi. Atlagan hafi verið „stórháskaleg“ og áverkarnir alvarlegir. Hending ein sé a ekki hafi farið verr. Þá segir að gögn málsins bendi til þess að beinn ásetningur hafi staðið til verknaðarins, en að árásin hafi verið framin af litlu eða engu tilefni.
Dómsmál Lögreglumál Reykjavík Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Húðin gleymi engu og ekki hægt að taka til baka skaðann sem er skeður Innlent Fleiri fréttir Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Sjá meira