Þóra Tómas­dóttir strýkur Tesla-eig­endum öfugt

Þóra er samkvæmt fyrirspurn sinni að vinna að umfjöllun um breytt viðhorf til Teslu í heiminum fyrir hlaðvarpið Þetta helst.

„Hæ hæ, ég er fréttamaður á Rúv og er að undirbúa umfjöllun um breytt viðhorf til Teslu í heiminum. Ég velti fyrir mér hvort Teslu-eigendur á Íslandi geti deilt með mér sinni reynslu. Í erlendum fjölmiðlum hefur verið sagt frá því að nýlega hafi borið á því að skemmdarverk hafi verið unnin á Teslum. Hugtakið Teslu-skömm náð fótfestu á skömum tíma. Einhverjir Teslu-eigendur hafa gripið til þess ráðs að merkja ökutækin sín með límmiðum um að bifreiðin hafi verið keypt áður en Elon Musk varð klikkaður,“ segir Þóra í fyrirspurninni til Teslu áhugafólks. Og hún heldur ódeig áfram:

„Er einhver hér sem hefur orðið var við skemmdarverk á ökutækjum eða breytt viðhorf til Teslu eftir Elon Musk varð áberendi í bandarískum stjórnmálum? Allar ábendingar vel þegnar í skilaboðum.“

Bestu kveðjur,“

„Aldrei dottið í hug að amast við kaupum annarra á bílum“

Svo hljómar fyrirspurn Þóru inn í hópinn og fyrstur á mælendaskrá er Ólafur Sigurðsson sem segist ekki hafa lent í neinu, sem betur fer en hann kannast við að hafa skammast sín fyrir að aka um í Teslu.

En þá er það líka búið, nú breytist tónninn í Tesla-fólkinu sem er alls ekki ánægt með tóninn í fyrirspurninni. Þeir sem eru í hópnum eru hreint ekki sammála fréttamanni RÚV, nema síður sé um Tesla-skömm og benda á að hinn „klikkaði“ Elon Musk eigi nú ekki nema tíu prósent í fyrirtækinu.

Heiðar Eiríksson segist ekki hafa fundið fyrir neinu. 

„Ég hef átt nokkra VW bíla um ævina og aldrei látið tenginguna við Adolf Hitler og Þriðja ríkið hafa áhrif á það. Ég hef aldrei blandað saman bílakaupum og stjórnmálum né dottið í hug að amast við kaupum annarra á bílum á grundvelli tengsla framleiðenda til einhverra á bílum á grundvelli tengsla framleiðenda til einhverra stjórnmálaskoðana – hvort sem er með réttu eða röngu.“

„Ég á Teslu og skammast mín ekkert fyrir það“

Og síðan birtast fleiri ummæli Teslaeigenda og þeim er ekki skemmt:

„Sæl Þóra. Ég á Teslu og ég skammast mín ekkert fyrir það,“ segir Ragnar Már og upplýsir að hann reyni hins vegar að sneiða hjá rússneskum vörum en hann hafi ekki tekið eftir umfjöllun RÚV um „Rússaskömm“. Sverrir Victors segir þetta bull: „Hvernig væri að fjalla um geðveikina í fólki sem leggur það á sig að skemma eigur annarra?“

Og þannig gengur dælan: „Ef Íslendingar ætla að apa þessa vitleysu eftir könunum þá er illa fyrir okkur komið,“ segir Biggi Sveins Jr. 

Og Rósa Þuríður Þorsteinsdóttir bendir á að fyrirtækið sé á hlutabréfamarkaði: 

„Elon Musk á bara rúmlega tíu prósent í því.“