Gísli og fé­lagar með fullt hús stiga

Öruggt hjá Halmstad

Yannick Agnero skoraði fyrra mark Halmstad á 24. mínútu, eftir að hafa klúðrað vítaspyrnu skömmu áður. Marcus Olsson setti svo seinna markið á 59. mínútu. Gísli var tekinn af velli á 73. mínútu fyrir Aleksander Nilsson.

Halmstad hefur unnið báða sína leiki í bikarnum hingað til en er í öðru sæti 5. riðilsins, á eftir Mjallby sem hefur unnið stærri sigra gegn Landskrona og Gefle.

Daníel á bekknum og Arnór utan hóps

Malmö vann 1-2 gegn Landskrona þökk sé mörkum frá Busanello og Otto Rosengren. Emil Skillermo minnkaði muninn fyrir heimamenn Landskrona.

Daníel Tristan Guðjohnsen fékk ekki tækifæri í byrjunarliði Malmö, líkt og í síðasta leik, þrátt fyrir að hafa skorað þrennu í þarsíðasta bikarleik. Daníel var ónotaður varamaður.

Arnór Sigurðarson er nýgenginn til liðs við Malmö en var utan leikmannahópsins í dag.

Malmö er ríkjandi bikarmeistari, hefur unnið báða sína leiki hingað og situr í efsta sæti 1. riðilsins, með jafnmörg stig en betri markatölu en Vasteras. Utsikten og Skövde eru stigalaus.