Ingebrigtsen fer fyrir dóm: Faðirinn neitar en börnin munu bera vitni Ágúst Orri Arnarson skrifar 25. mars 2025 07:03 Jakob Ingebrigtsen verður í dag sá fyrsti af systkinunum sjö til að bera vitni í máli gegn föður sínum, Gjert. vísir Norski fjölskyldufaðirinn og hlaupaþjálfarinn Gjert Ingebrigtsen neitaði fyrir dómstólum ásökunum sem börn hans bera honum á hendur um líkamlegt og andlegt ofbeldi. Öll sjö börn hans munu bera vitni en aðeins eitt þeirra hefur opinberlega tekið hans hlið. Fyrsti þátturinn úr raunveruleikaseríu fjölskyldunnar var sýndur í dómsal í gær til að útskýra fjölskyldumynstrið. Átta ákærur alls en tvær eftir Alls hefur Gjert verið ákærður átta sinnum frá því að þrír synir hans (Henrik, Jakob og Filip) stigu fyrstir fram árið 2022 og sögðu frá ofbeldi föður síns. Hann hefur alla tíð neitað sök. Fimm ákærur voru látnar falla niður vegna skorts á sönnunargögnum og eitt málið fyrndist. Eftir standa tvær ákærur. Annars vegar er Gjert sakaður um að hafa beitt yngstu dóttur sína (Ingrid) líkamlegu og andlegu ofbeldi. Ingrid Ingebrigtsen er næst yngst af systkinunum. Gjert er sagður hafa svipuslegið hana með handklæði, sem var ástæða þess að strákarnir ákváðu að hætta með föður sinn sem þjálfara, stíga fram og segja frá. Einnig á hann að hafa barið hana í bringuna, og læst hana inni þegar hún vildi hætta í hlaupum. Hins vegar er Gjert sakaður um að hafa beitt son sinn (Jakob) líkamlegu og andlegu ofbeldi yfir tíu ára tímabil frá 2008-18. Gjert er meðal annars sagður hafa sparkað syni sínum af vespu þegar hann var átta ára gamall, hótað honum hörðum barsmíðum eftir slæm úrslit á EM ungmenna, og ítrekað slegið son sinn í höfuðið þegar hann hagaði sér illa í skóla. Reiknað er með að málsmeðferð muni taka átta vikur og niðurstaða á að liggja fyrir þann 16. maí. Hámarksrefsing fyrir heimilisofbeldi af þessu tagi er sex ára fangelsi. Eitt stærsta mál sinnar tegundar Málið hefur vakið gríðarlega athygli frá því að það kom upp fyrst árið 2022, enda er Ingebrigtsen nafnið það þekktasta í frjálsíþróttaheiminum, svipað og Williams-systur í tennis, Klitschko-bræður í boxi, Ball-fjölskyla eða Manning-fjölskyldan í amerískum fótbolta. Jakob, Filip og Henrik stigu fyrstir fram af systkinunum. Þeir hafa unnið til verðlauna á EM, HM og Ólympíuleikum, svo fáeitt svo nefnt. Lise Åserud / NTB Réttarhöldin fara fram fyrir opnum dyrum, sem lögmaður Gjert mótmælti harðlega og sagði þá þegar búið að dæma Gjert sekan í fjölmiðlum. Tvö fjölmiðlaherbergi eru samtengd dómsalnum og fjöldi erlendra miðla fylgja málinu eftir. Fimmtán lögregluþjónar hafa rannsakað málið undanfarin ár, sem hefur sætt gagnrýni þar sem það er mun meira en almennt tíðkast í heimilisofbeldismálum í Noregi. Fjölskyldan splundruð Ingebrigtsen börnin eru sjö talsins: Kristoffer (36 ára), Henrik (34), Filip (31), Martin (30), Jakob (24), Ingrid (19) og William (10). Þau munu öll bera vitnisburð í málinu en Martin er sá eini sem hefur opinberlega tekið hlið föður síns og varið hann gegn ásökunum um ofbeldi. Tone og Gjert Ingebrigtsen. Móðir barnanna og eiginkona Gjert, Tone Ingebrigtsen, hefur einnig staðið með honum. Hún mun bera vitni í málinu eftir mánuð en má ekki mæta í dómsal og fylgjast með málinu þangað til. Eftir að bræðurnir stigu fram fór Gjert að þjálfa þeirra helsta keppinaut, Narve Gilje Nordas, sem er einnig einn af 34 aðilum á vitnaskrá. Jakob ber vitnisburð í dag Jakob verður sá fyrsti af börnunum til að bera vitnisburð þegar hann mætir í dómsalinn í dag, tveimur dögum eftir að hafa unnið tvenn gullverðlaun á heimsmeistaramótinu í frjálsíþróttum innanhúss. Hin börnin munu bera vitni í næstu viku. Skýlir sér bak við raunveruleikaþættina Gjert lýsti yfir sakleysi sínu þegar ákærurnar voru taldar upp í gær, hann fær síðan ekki að taka til máls aftur fyrr en í næstu viku. Vörn hans byggir að mestu á myndefni úr Team Ingebrigtsen, raunveruleikaþáttum um líf fjölskyldunnar eftir frá 2016-21, sem skarast á við þann tíma sem ofbeldið á að hafa gerst. Allur fyrsti þátturinn úr seríunni var sýndur í dómsalnum í gær til að sýna svipmynd af fjölskyldunni, sem er vægast sagt óvenjuleg enda snýst líf þeirra að eiginlega öllu leiti um hlaup Team Ingebrigtsen voru vinsælir raunveruleikaþættir. „Ásakanir um heimilisofbeldi eiga sér enga stoð því myndavélar fylgdu fjölskyldunni daglega, á æfingum, í fríum og í daglegu lífi. Ef ofbeldi hefði átt sér stað hefði fljótt komist upp um það“ sagði Heidi Reisvang, verjandi Gjert, sem tók einnig fram að ekki væri um venjulega fjölskyldu að ræða og lagði áherslu á að hann hafi verið þjálfari barnanna. Orð gegn orði Ríkissaksóknarinn, Angjerd Kvernenes, sagði þættina ekki sýna allt sem gekk á í lífi fjölskyldunnar og gaf lítið fyrir áherslu verjandans á þjálfarastarf föðursins. „Málið snýst um hvort faðir hafi beitt börnum sínum ofbeldi. Þetta snýst ekki um hversu langt þjálfari má ganga til að ná því besta út úr íþróttamanni… Niðurstaðan verður að mestu byggð á vitnisburði, og að litlu leiti öðrum sönnunargögnum. Þetta mun snúast um að meta trúverðugleika vitnisframburðanna.“ Umfjöllun Vísis er byggð á umfjöllun norska ríkismiðilsins NRK en einnig samantektum New York Times, Yahoo Sports, Associated Press og RÚV. Noregur Frjálsar íþróttir Hlaup Heimilisofbeldi Ofbeldi gegn börnum Fjölskyldumál Mál Gjert Ingebrigtsen Mest lesið Veittist að sautján ára mótherja sínum og hreytti í hann fúkyrðum Rafíþróttir Allir leikmenn ÍR hættir á einu bretti Fótbolti Evrópa marði Ryder-bikarinn á dramatískan hátt Golf „Til að vera með í einhverri baráttu þurfum við að sýna betri frammistöðu“ Fótbolti „Ef menn trúa því getum við farið ansi langt“ Fótbolti Sjáðu endurkomusigur Arsenal og fyrsta mark Watkins Fótbolti Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti „Strákarnir voru alltaf að stríða mér af því ég var ekki búinn að skora“ Fótbolti „Strætó númer 15 stoppar beint fyrir utan KR-völlinn“ Fótbolti Uppgjörið: Fram - Valur 2-0 | Titildraumar Vals að verða að engu Íslenski boltinn Fleiri fréttir Slæm byrjun Chelsea skilaði Bayern sigri Veittist að sautján ára mótherja sínum og hreytti í hann fúkyrðum Sjáðu endurkomusigur Arsenal og fyrsta mark Watkins Allir leikmenn ÍR hættir á einu bretti „Til að vera með í einhverri baráttu þurfum við að sýna betri frammistöðu“ Evrópa marði Ryder-bikarinn á dramatískan hátt „Ef menn trúa því getum við farið ansi langt“ „Strákarnir voru alltaf að stríða mér af því ég var ekki búinn að skora“ Uppgjörið: Stjarnan - Valur 90-89 | Stjarnan náði að halda út og er meistari meistaranna Bandaríkin í brekku en reyna að klóra í bakkann „Strætó númer 15 stoppar beint fyrir utan KR-völlinn“ Hroðaleg hnémeiðsli Janusar Daða Uppgjörið: Fram - Valur 2-0 | Titildraumar Vals að verða að engu „Við þurfum að horfa inn á við“ María skorað þriðjung marka Linköping í deildinni Börsungar á toppinn Fiorentina enn án sigurs eftir jafntefli í Toskana-slagnum Tryggðu sér sigurinn með því að skora síðustu fjögur mörkin Uppgjörið: Afturelding - KA 3-2 | Heimamenn sluppu með sigurinn Dramatík í uppbótartímanum Villa kláraði dæmið í byrjun seinni hálfleiks Uppgjörið: Vestri - ÍBV 0-5 | Enn syrtir í álinn hjá Vestra Grínisti hættir og biðst afsökunar á að hafa byrjað níðsöngva í garð Rory Gunnar Heiðar hættur með Njarðvík Rut barnshafandi Sandra María með tvö mörk annan leikinn í röð Ólafur aðstoðar Þorstein með landsliðið „Hvernig stendur á því að hann er enn í starfi?“ Aðeins sá sjötti til að skora tvö sjálfmörk í einum leik Slot varpaði sökinni á Frimpong Sjá meira
Átta ákærur alls en tvær eftir Alls hefur Gjert verið ákærður átta sinnum frá því að þrír synir hans (Henrik, Jakob og Filip) stigu fyrstir fram árið 2022 og sögðu frá ofbeldi föður síns. Hann hefur alla tíð neitað sök. Fimm ákærur voru látnar falla niður vegna skorts á sönnunargögnum og eitt málið fyrndist. Eftir standa tvær ákærur. Annars vegar er Gjert sakaður um að hafa beitt yngstu dóttur sína (Ingrid) líkamlegu og andlegu ofbeldi. Ingrid Ingebrigtsen er næst yngst af systkinunum. Gjert er sagður hafa svipuslegið hana með handklæði, sem var ástæða þess að strákarnir ákváðu að hætta með föður sinn sem þjálfara, stíga fram og segja frá. Einnig á hann að hafa barið hana í bringuna, og læst hana inni þegar hún vildi hætta í hlaupum. Hins vegar er Gjert sakaður um að hafa beitt son sinn (Jakob) líkamlegu og andlegu ofbeldi yfir tíu ára tímabil frá 2008-18. Gjert er meðal annars sagður hafa sparkað syni sínum af vespu þegar hann var átta ára gamall, hótað honum hörðum barsmíðum eftir slæm úrslit á EM ungmenna, og ítrekað slegið son sinn í höfuðið þegar hann hagaði sér illa í skóla. Reiknað er með að málsmeðferð muni taka átta vikur og niðurstaða á að liggja fyrir þann 16. maí. Hámarksrefsing fyrir heimilisofbeldi af þessu tagi er sex ára fangelsi. Eitt stærsta mál sinnar tegundar Málið hefur vakið gríðarlega athygli frá því að það kom upp fyrst árið 2022, enda er Ingebrigtsen nafnið það þekktasta í frjálsíþróttaheiminum, svipað og Williams-systur í tennis, Klitschko-bræður í boxi, Ball-fjölskyla eða Manning-fjölskyldan í amerískum fótbolta. Jakob, Filip og Henrik stigu fyrstir fram af systkinunum. Þeir hafa unnið til verðlauna á EM, HM og Ólympíuleikum, svo fáeitt svo nefnt. Lise Åserud / NTB Réttarhöldin fara fram fyrir opnum dyrum, sem lögmaður Gjert mótmælti harðlega og sagði þá þegar búið að dæma Gjert sekan í fjölmiðlum. Tvö fjölmiðlaherbergi eru samtengd dómsalnum og fjöldi erlendra miðla fylgja málinu eftir. Fimmtán lögregluþjónar hafa rannsakað málið undanfarin ár, sem hefur sætt gagnrýni þar sem það er mun meira en almennt tíðkast í heimilisofbeldismálum í Noregi. Fjölskyldan splundruð Ingebrigtsen börnin eru sjö talsins: Kristoffer (36 ára), Henrik (34), Filip (31), Martin (30), Jakob (24), Ingrid (19) og William (10). Þau munu öll bera vitnisburð í málinu en Martin er sá eini sem hefur opinberlega tekið hlið föður síns og varið hann gegn ásökunum um ofbeldi. Tone og Gjert Ingebrigtsen. Móðir barnanna og eiginkona Gjert, Tone Ingebrigtsen, hefur einnig staðið með honum. Hún mun bera vitni í málinu eftir mánuð en má ekki mæta í dómsal og fylgjast með málinu þangað til. Eftir að bræðurnir stigu fram fór Gjert að þjálfa þeirra helsta keppinaut, Narve Gilje Nordas, sem er einnig einn af 34 aðilum á vitnaskrá. Jakob ber vitnisburð í dag Jakob verður sá fyrsti af börnunum til að bera vitnisburð þegar hann mætir í dómsalinn í dag, tveimur dögum eftir að hafa unnið tvenn gullverðlaun á heimsmeistaramótinu í frjálsíþróttum innanhúss. Hin börnin munu bera vitni í næstu viku. Skýlir sér bak við raunveruleikaþættina Gjert lýsti yfir sakleysi sínu þegar ákærurnar voru taldar upp í gær, hann fær síðan ekki að taka til máls aftur fyrr en í næstu viku. Vörn hans byggir að mestu á myndefni úr Team Ingebrigtsen, raunveruleikaþáttum um líf fjölskyldunnar eftir frá 2016-21, sem skarast á við þann tíma sem ofbeldið á að hafa gerst. Allur fyrsti þátturinn úr seríunni var sýndur í dómsalnum í gær til að sýna svipmynd af fjölskyldunni, sem er vægast sagt óvenjuleg enda snýst líf þeirra að eiginlega öllu leiti um hlaup Team Ingebrigtsen voru vinsælir raunveruleikaþættir. „Ásakanir um heimilisofbeldi eiga sér enga stoð því myndavélar fylgdu fjölskyldunni daglega, á æfingum, í fríum og í daglegu lífi. Ef ofbeldi hefði átt sér stað hefði fljótt komist upp um það“ sagði Heidi Reisvang, verjandi Gjert, sem tók einnig fram að ekki væri um venjulega fjölskyldu að ræða og lagði áherslu á að hann hafi verið þjálfari barnanna. Orð gegn orði Ríkissaksóknarinn, Angjerd Kvernenes, sagði þættina ekki sýna allt sem gekk á í lífi fjölskyldunnar og gaf lítið fyrir áherslu verjandans á þjálfarastarf föðursins. „Málið snýst um hvort faðir hafi beitt börnum sínum ofbeldi. Þetta snýst ekki um hversu langt þjálfari má ganga til að ná því besta út úr íþróttamanni… Niðurstaðan verður að mestu byggð á vitnisburði, og að litlu leiti öðrum sönnunargögnum. Þetta mun snúast um að meta trúverðugleika vitnisframburðanna.“ Umfjöllun Vísis er byggð á umfjöllun norska ríkismiðilsins NRK en einnig samantektum New York Times, Yahoo Sports, Associated Press og RÚV.
Noregur Frjálsar íþróttir Hlaup Heimilisofbeldi Ofbeldi gegn börnum Fjölskyldumál Mál Gjert Ingebrigtsen Mest lesið Veittist að sautján ára mótherja sínum og hreytti í hann fúkyrðum Rafíþróttir Allir leikmenn ÍR hættir á einu bretti Fótbolti Evrópa marði Ryder-bikarinn á dramatískan hátt Golf „Til að vera með í einhverri baráttu þurfum við að sýna betri frammistöðu“ Fótbolti „Ef menn trúa því getum við farið ansi langt“ Fótbolti Sjáðu endurkomusigur Arsenal og fyrsta mark Watkins Fótbolti Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti „Strákarnir voru alltaf að stríða mér af því ég var ekki búinn að skora“ Fótbolti „Strætó númer 15 stoppar beint fyrir utan KR-völlinn“ Fótbolti Uppgjörið: Fram - Valur 2-0 | Titildraumar Vals að verða að engu Íslenski boltinn Fleiri fréttir Slæm byrjun Chelsea skilaði Bayern sigri Veittist að sautján ára mótherja sínum og hreytti í hann fúkyrðum Sjáðu endurkomusigur Arsenal og fyrsta mark Watkins Allir leikmenn ÍR hættir á einu bretti „Til að vera með í einhverri baráttu þurfum við að sýna betri frammistöðu“ Evrópa marði Ryder-bikarinn á dramatískan hátt „Ef menn trúa því getum við farið ansi langt“ „Strákarnir voru alltaf að stríða mér af því ég var ekki búinn að skora“ Uppgjörið: Stjarnan - Valur 90-89 | Stjarnan náði að halda út og er meistari meistaranna Bandaríkin í brekku en reyna að klóra í bakkann „Strætó númer 15 stoppar beint fyrir utan KR-völlinn“ Hroðaleg hnémeiðsli Janusar Daða Uppgjörið: Fram - Valur 2-0 | Titildraumar Vals að verða að engu „Við þurfum að horfa inn á við“ María skorað þriðjung marka Linköping í deildinni Börsungar á toppinn Fiorentina enn án sigurs eftir jafntefli í Toskana-slagnum Tryggðu sér sigurinn með því að skora síðustu fjögur mörkin Uppgjörið: Afturelding - KA 3-2 | Heimamenn sluppu með sigurinn Dramatík í uppbótartímanum Villa kláraði dæmið í byrjun seinni hálfleiks Uppgjörið: Vestri - ÍBV 0-5 | Enn syrtir í álinn hjá Vestra Grínisti hættir og biðst afsökunar á að hafa byrjað níðsöngva í garð Rory Gunnar Heiðar hættur með Njarðvík Rut barnshafandi Sandra María með tvö mörk annan leikinn í röð Ólafur aðstoðar Þorstein með landsliðið „Hvernig stendur á því að hann er enn í starfi?“ Aðeins sá sjötti til að skora tvö sjálfmörk í einum leik Slot varpaði sökinni á Frimpong Sjá meira