Hvar er mennskan?

Kristrún Frostadottir, Þorgerður Katrín Gunnarsdóttir og Inga Sæland.

Katrín Jakobsdóttir, Bjarni Benediktsson og Sigurður Ingi Jóhannsson.

Svona hafa margar færslur mínar byrjað á samfélagsmiðlunum núna sem liðið er á í þessu þjóðarmorði öllu saman, aldrei neitt svar.

Eftir allt þetta þjóðarmorð þá hefur maður pínu misst trúna á að einhver mennska búi á bakvið starf ráðamanna, þingmanna og stjórnmálafólks sem hefur ýtt út þessari vestrænu yfirburðarhyggju.

Eitthvetíman vildi maður reyna að sjá mennsku í pólitíkusum sem væru jafnvel með þveröfugar skoðanir við mig, að eitthvað gott búi hjá öllum saman þó skoðanir þeirra leiddu það ekkert alltaf í ljós.

Núna er maður hinsvegar alveg hættur að treysta öllu sem er sagt, þetta er bara lygi, það er engin mennska, þannig líður manni í þjóðarsálinni og það er út af græðgi fram yfir mannslíf hugmyndafræðini sem þið farið með.

Græðgi stjórnmálamanna sem pæla ekki í neinu öðru nema um frekari drauma um fjár, frægð og frama innan hinnar vestrænu efnishyggju, nýfrjálshyggjunar og viðskiptaheimi "nýsköpunarhagfræðinar" (nýlendustefnunar segi ég í gríni, samt ekki gríni) sem megnið af ykkur virðist fylgja í algjörri blindni fyrir tölum á markað.

Þetta virðist fylgja ykkur eftir eins og böðull enda grafirnar orðnar margar og börnin ennþá svelta og gráta.

Hvenær er komið gott? Ég vona innilega að öll þið sem voruð og eruð meðsek í þjóðarmorði og þið sem tókuð og takið þátt í þjóðarmorði sofið vel á næturnar, bæði núverandi og fyrrverandi ríkisstjórn, eins þingmenn sem eru ekki inní seinustu tvem ríkisstjórnum sem spila þátt í þessu líka með stanslausu útlendingahatri og andúð gegn bræðrum okkar og systrum.

Dreymi ykkur vel um helför okkar samtíma í Palestínu, Súdan og Congo, eins fleiri stöðum í heiminum þar sem þið komið að.

Allt kostað af vesturveldunum og NATO.

Svona skrifið þið ykkur í sögubækurnar okkar kæra stjórnmálafólk.

Engin mennska.

Höfundur er listamaður og félagsliði.