Út­skrifuð af sjúkra­húsinu og gæti verið með EM

Bonmati hefur fengið Gullknöttinn, sem besta knattspyrnukona heims, undanfarin tvö ár. Hún er bæði lykilmaður Barcelona og spænska landsliðsins.

Spænska knattspyrnusambandið segir frá því að Bonmati hafi fengið grænt ljós frá læknum til að yfirgefa sjúkrahúsið og það er búist við því að hún komi til móts við spænska landsliðið á næstu dögum.

Hún fór inn á sjúkrahús á föstudaginn eftir að hafa verið lengi með hita sem vildi ekki fara. Þá kom í ljós að hún væri með heilahimnubólgu.

Það er gott að sjá að hún sé búin að ná sér strax en ljóst að Spánverjar munu örugglega fara mjög varlega með hana.

Fyrsti leikur spænska liðsins er á fimmtudaginn á móti Portúgal. Liðið spilar síðan einnig við Belgíu og Ítalíu í riðlinum.