KA á­fram eftir þægi­legan sigur í Eyjum

KA sótti B-lið Eyjamanna heim og vann því ef til vill heldur eðlilega sannfærandi átta mraka sigur, 25-33 lokatölur í Vestmannaeyjum.

Sigurbergur Sveinsson skoraði sex mörk í liði ÍBV á meðan Jens Bragi Bergþórsson skoraði átta mörk í liði KA og Logi Gautason skoraði sjö mörk.

Í Breiðholti var Þór frá Akureyri í heimsókn. Voru það heimamenn sem komust áfram þökk sé sigri með minnsta mun, lokatölur 33-32.

Baldur Fritz Bjarnason fór fyrir ÍR-ingum og var langmarkahæstur með 13 mörk. Ólafur Rafn Gíslason varði 15 skot í markinu. Oddu Grétarsson var markahæstur hjá Þór með 11 mörk og Brynjar Hólm Grétarsson kom þar á eftir með 7 mörk.

Fréttin hefur verið uppfærð.