Fimm bíla á­rekstur á Reykja­nes­braut og tveir fluttir á slysa­deild

Jón Kristinn Valsson, varðstjóri hjá slökkviliðinu, segir í samtali við Vísi að einum bíl hafi fyrst verið ekið á vegrið og í kjölfarið hafi fleiri árkestrar orðið á vettvangi. Alls hafi fimm bílar lent í árekstrinum. 

Slökkviliðsmaðurinn gat ekki sagt til um alvarleika áverka á hinum slösuðu. Hann segir að afar hált sé á brautinni.

Sjónarvottur segist við Vísi hafa séð fjölda lögreglu- og sjúkrabíla streyma að vettvangi en slysið varð á þeim vegarhelmingi sem ekinn er á leið til Reykjavíkur. Löng bílaröð hafi myndast við vettvang slyssins. Hann lýsir því að brautin hafi verið glansandi vegna hálku.