Íslenski boltinn

Dregið í Mjólkurbikarnum: Stjarnan og FH mæta ný­liðunum

Ingvi Þór Sæmundsson skrifar
FH-ingar fara til Vestmannaeyja í átta liða úrslitum Mjólkurbikars kvenna.
FH-ingar fara til Vestmannaeyja í átta liða úrslitum Mjólkurbikars kvenna. vísir/diego

Að loknum 3-2 sigri Þróttar á Breiðabliki í sextán liða úrslitum Mjólkurbikars kvenna í dag var dregið í átta liða úrslit keppninnar.

Þróttur, sem sló bikarmeistara Breiðabliks úr leik, mætir Víkingi á heimavelli.

Grindavík/Njarðvík, sem vann Val í sextán liða úrslitunum, 2-3, fær Stjörnuna í heimsókn.

Hinir nýliðarnir í Bestu deild kvenna, ÍBV, mæta FH, silfurliði Mjólkurbikarsins í fyrra, á Hásteinsvelli.

Þá eigast FHL, eina liðið úr Lengjudeildinni sem var í pottinum, og Fram við fyrir austan.

Leikirnir í átta liða úrslitum Mjólkurbikarsins fara fram fimmtudaginn 18. júní og föstudaginn 19. júní.

Mjólkurbikar kvenna Þróttur Reykjavík Víkingur Reykjavík UMF Grindavík UMF Njarðvík Valur ÍBV FH FHL Fram

Mest lesið


Fleiri fréttir

Sjá meira


×

Mest lesið