Spilaði á móti Þór um síðustu helgi og var síðan lánaður til Þórs

Þorri kemur til Þórs að láni frá Íslandsmeisturum Víkings Reykjavík þaðan sem hann er uppalinn.

Þorri var einmitt í byrjunarliði Víkinga um síðustu helgi þegar liðið tapaði á móti Þór fyrir norðan en það var hans fyrsti leikur í efstu deild. Hann hafði spilað tvo bikarleiki með Víkingum sem og leiki á undirbúningstímabilinu.

Þorri er fæddur árið 2009 og verður ekki sautján ára fyrr en í ágúst. Hann hefur leikið sextán landsleiki fyrir yngri landslið Íslands og skorað í þeim tvö mörk. Þorri er fjölhæfur leikmaður sem spilar þó oftast á vinstri kanti.