Fleiri fréttir

Leynisamkomulag tryggir friðhelgi

Fyrrverandi fjármálastjóri Glitnis hefur með leynisamkomulagi við slitastjórn bankans tryggt sér friðhelgi gegn mögulegum málsóknum. Slitastjórnin hefur jafnframt lýst því yfir að hún muni greina opinberum rannsóknaraðilum frá samkomulaginu við hann og gagnsemi þess.

Landsvirkjun semur um 100 milljón dollara skuldabréf

Landsvirkjun undirritaði í dag samning um útgáfu skuldabréfs að fjárhæð 100 milljónir Bandaríkjadollara eða tæpa 12 milljarða kr. Skuldabréfið er til fimm ára og ber fasta 6,5% vexti. Milligönguaðili er Deutsche Bank og eru kaupendur erlendir fjárfestar.

Netspilavíti spáir í íslenskt gagnaver

Eigandi netspilavítisins BoDog segist ætla að flytja netstarfsemi sína til íslenska gagnaversins Thor Data Center. Þetta kemur fram í umfjöllun á vefsíðunni onlinecasino.com. Samkvæmt upplýsingum frá gagnaverinu hafa þó engir samningar verið gerðir og er málið allt á könnunarstigi.

Nefndin: Kaup Magma Energy á HS Orku eru lögleg

Í skýrslu nefndar um orku- og auðlindamál kemur fram að skoðun nefndarinnar á samningum um kaup Magma Energy á HS orku sem hún fékk aðgang að leiddi ekki í ljós neina augljósa annmarka. Frá lagalegum sjónarhóli sé ekki tilefni til að gera athugasemdir við samningana sem slíka.

Töluverð aukning í heildarveltu atvinnulífsins

Heildarvelta í atvinnulífinu samkvæmt virðisaukaskattskýrslum jókst töluvert í maí og júní samanborið við sama tímabil í fyrra. Í krónum talið var hún 15% meiri á þessu tímabili en að teknu tilliti til verðlagsbreytinga nam aukningin 7,9%.

Íbúðaverð í borginni stóð í stað í ágúst

Íbúðaverð á höfuðborgarsvæðinu stóð í stað í ágúst frá fyrri mánuði samkvæmt vísitölu íbúðaverðs sem tekin er saman af Þjóðskrá Íslands og birt var síðdegis í gær. Vísitalan stendur nú í 302,8 stigum.

Spáir stýrivaxtalækkun upp á eitt prósentustig

Greining Íslandsbanka reiknar með því að Peningastefnunefnd Seðlabankans ákveði að lækka stýrivexti bankans um 1,00 prósentustig á næsta vaxtaákvörðunardegi, þann 22. september næstkomandi. Við þetta lækka vextir á viðskiptareikningum innlánsstofnana í 4,5% og vextir á lánum gegn veði til sjö daga í 6,0%.

Seðlabankinn og Kaupþing deila um söluna á FIH

Samkvæmt frétt á vefsíðunni business.dk er komin upp deila milli Seðlabanka Íslands og skilanefndar Kaupþings um hvoru af tveimur kauptilboðum í FIH bankinn eigi að taka. Töluverður munur er á tilboðunum.

SFF segir mikilvægt að óvissu hafi verið eytt

Samtök fjármálafyrirtækja (SFF) telja að með dómi Hæstaréttar 16. september hafi verið stigið stórt skref til að eyða þeirri óvissu sem lánþegar og lánveitendur hafa búið við í tengslum við lán með óskuldbindandi gengistryggingarákvæðum.

Ormarr ráðinn útibústjóri hjá Íslandsbanka

Ormarr Örlygsson hefur verið ráðinn útibússtjóri Íslandsbanka á Reyðarfirði og Egilsstöðum. Hann tekur við starfinu af Páli Björgvini Guðmundssyni sem hefur verið ráðinn bæjarstjóri Fjarðarbyggðar.

Ábyrgðinni velt af ríkinu á lífeyrissjóði

Kaup Framtakssjóðs Íslands og aðkoma lífeyrissjóðanna að endurreisn efnahagslífsins í kjölfar kreppunnar var harðlega gagnrýnd á morgunverðarfundi Samtaka verslunar og þjónustu í gær þar sem farið var yfir fjárfestingarstefnu sjóðsins.

Endurskipulagningu Íslandsbanka lýkur í október

Íslandsbanki hefur í ljósi niðurstöðu Hæstaréttar einsett sér að flýta vinnu varðandi uppgjör og endurútreikning erlendra bílalána, kaupleigusamninga og einkaleigusamninga. Niðurstaða þeirrar vinnu mun liggja fyrir um miðjan október næstkomandi í þeim tilvikum þar sem ekki hefur verið um yfirtökur eða uppgreiðslur á lánasamningum að ræða samkvæmt tilkynningu frá bankanum.

Íslandsbanki vísar ásökunum um þvinganir á bug

Íslandsbanki vísar á bug ásökunum framkvæmdastjóra Capacent í fjölmiðlum þess efnis að bankinn hafi þvingað starfsmenn félagsins til þess að taka yfir rekstur þess og skipta um kennitölu. Eins og fram hefur komið í fjölmiðlum hefur bankinn átt í viðræðum við félagið síðustu misseri vegna slæmrar skuldastöðu þess.

Íslandsbanki fjármagnar Björgunarmiðstöð Árborgar

Sveitarfélagið Árborg og Íslandsbanki undirrituðu í dag kaupsamning vegna fasteignarinnar að Árvegi 1 á Selfossi . Húsnæðið mun hýsa Björgunarfélag Árborgar, Heilbrigðisstofnun Suðurlands og Brunavarnir Árnessýslu.

Forstjóri Capacent segir yfirtökuna vera kennitöluflakk

Forstjóri Capacent á Íslandi segir að yfirtaka starfsmanna félagsins á rekstri þess sé dæmi um kennitöluflakk. Íslandsbanki hafi þvingað starfsmenn til að taka yfir rekstur félagsins en bankinn vildi ekki fallast á tilboð um niðurfærslu lána. Ný kennitala hefur verið stofnuð í kringum rekstur félagsins en ekki stendur til að segja upp starfsfólki.

Frumtak keypti 70% í Median

Frumtak hefur keypt u.þ.b. 70% hlutafjár í Median - Rafræn miðlun hf. Seljandur hlutarins eru Drómi hf. og Miðengi ehf., eignarhaldsfélag Íslandsbanka. Fyrirtækjaráðgjöf Íslandsbanka hefur annast ráðgjöf og

Áhugavert ef Norðurlöndin afgreiða lán án Icesavelausnar

Greining Íslandsbanka segir mjög áhugavert að sjá hvort næsta útgreiðsla Norðurlandalánanna komi samhliða þriðju endurskoðun Alþjóðagjaldeyrissjóðsins (AGS), en þrátt fyrir að Icesave málið sé ekki í höfn eru viðræður byrjaðar að nýju og samkomulag gæti verið innan seilingar. Kannski dugar það Norðurlöndunum að málið sé í vinnslu og lausn í sjónmáli?

Skuldatryggingaálag Íslands komið undir 300 punkta

Skuldatryggingaálag á evruskuldir Ríkissjóðs Íslands hefur farið stiglækkandi síðustu daga. Þó er ekki um mikla breytingu að ræða, en í lok dags í gær stóð álagið í 299 punktum (2,99%) samkvæmt gögnum úr Bloomberg-gagnaveitunni sem er 11 punktum lægra en það var fyrir viku síðan.

Eignir og eigið fé tryggingarfélaganna lækka

Heildareignir tryggingarfélaganna námu 135 milljörðum kr. í lok júlí og lækkuðu um 1,9 milljarð kr. á milli mánaða. Eigið fé lækkaði um rúmlega 1 milljarð kr. og nam 53,6 miljörðum kr. í lok júlí.

Meðallaun hjá félögum FVH eru 600 þúsund á mánuði

Heildarmánaðarlaun viðskiptafræðinga og hagfræðinga mælast nú 600 þúsund kr. að meðaltali sem er hækkun um tæplega 3% frá því á sama tíma í fyrra. Félag viðskiptafræðinga og hagfræðinga (FVH) hefur birt niðurstöður úr kjarakönnun félagsins fyrir árið 2010 en félagið hefur gert kjarakannanir reglulega frá árinu 1979.

Segir nýtt hagstætt Icesave-tilboð í boði

Viðskiptablaðið segir frá því í dag að Bretar og Hollendingar hafi boðið íslenskum stjórnvöldum að leggja fram nýtt tilboð um lausn á Icesave-deilunni milli landanna. Hið nýja tilboð sé mun hagstæðara en það sem áður hafi verið í boði.

Hekla boðin til sölu

Arionbanki ætlar selja bílaumboð Heklu og rennur tilboðsfrestur út 29. september. Hekla var stofnuð árið 1933 og var um árabil eitt öflugasta bílaumboð í landinu.

Starfsfólk Capacent tekur yfir reksturinn

Hópur starfsmanna Capacent hefur eignast fyrirtækið eftir að móðurfélagi þess mistókst að semja við viðskiptabanka sinn um niðurfellingu á erlendu láni. Aðrir starfsmenn fyrirtækisins munu á næstu dögum fá tækifæri til að eignast hlut í félaginu.

Gagnaveitan greiði vexti af láni frá OR

Gagnaveitu Reykjavíkur ber að greiða eðlilega vexti af láni Orkuveitu Reykjavíkur til fyrirtækisins samkvæmt ákvörðun Póst- og fjarskiptastofnunar sem birt var í gær.

Sigurður Helgason stjórnarformaður Icelandair Group

Þau Auður Finnbogadóttir, Finnbogi Jónsson, Katrín Olga Jóhannesdóttir, Sigurður Helgason og Úlfar Steindórsson, voru kjörin í stjórn Icelandair Group á hluthafafundi se fram fór í dag. Þá voru þau Herdís Dröfn Fjeldsted, Magnús Magnússon og Vilborg Lofts, sjálfkjörin í varastjórn.

Þriðja endurskoðun AGS verður 29. september

Samkomulag hefur náðst um að þriðja endurskoðun efnahagsáætlunar Íslands verði tekin fyrir í framkvæmdastjórn Alþjóðagjaldeyrissjóðsins (AGS) 29. september næstkomandi.

Árétting frá FME vegna VÍS fréttar

Fréttastofu hefur borist árétting frá Fjármálaeftirlitinu vegna fréttar Stöðvar 2 um tryggingafélagið VÍS í gærkvöldi. Hún hljóðar svo orðrétt:

Arion hagnast um tæpa 8 milljarða

Hagnaður Arion banka samkvæmt könnuðum árshlutareikningi fyrir fyrstu sex mánuði ársins 2010 nam 7,9 milljörðum króna eftir skatta samkvæmt tilkynningu frá bankanum.

Ólíklegt að samþjöppun á matvörumarkaði verði aftur eins

Samkeppniseftirlitið hefur ríkari heimildir í dag en áður til að koma í veg fyrir samþjöppun á markaði sem skaðar samkeppni ef hún á sér í stað í gegnum kaup á fyrirtækjum, segir Páll Gunnar Pálsson, forstjóri Samkeppniseftirlitsins, aðspurður hvort samþjöppun á matvörumarkaði geti aftur orðið með svipuð hætti og hún hefur verið undanfarin ár.

Samið við Belize um að stöðva skattaundanskot

Samstarf Norðurlanda um að stöðva skattaundanskot heldur áfram. Á miðvikudag undirrituðu fulltrúar norrænu ríkjanna: Svíþjóðar, Danmerkur, Noregs, Finnlands og Íslands og fulltrúar sjálfstjórnarsvæðanna Grænlands og Færeyja, samning um gagnkvæm upplýsingaskipti við Belize.

Rúm 4.200 tonn veidd umfram kvóta á fiskveiðiárinu

Á síðasta fiskveiðiári, sem lauk um mánaðarmótin, voru 4.212 tonn veidd umfram úthlutaðan kvóta. Þetta kemur fram á vefsíðu Fiskistofu. Þessum afla var landað en verðmæti hans fer að mestu í Verkefnasjóð sjávarútvegsins. Reikna má með að aflaverðmæti þessa utankvótafisks nemi yfir milljarði kr.

Seldu minkaskinn fyrir hátt í 300 milljónir í Kaupmannahöfn

Íslenskir loðdýraræktendur hafa selt skinn fyrir hátt í 300 milljónir kr. á uppboðinu sem nú stendur yfir hjá Kopenhagen Fur í Kaupmannahöfn. Þar með liggur ljóst fyrir að söluverðmæti íslenskra minkaskinna á þessum markaði verður yfir milljarði kr. á árinu.

Mikill verðmunur á fiski eftir verslunum

Munur á hæsta og lægsta verði á fiski var í flestum tilfellum um eða yfir 50% þegar Verðlagseftirlit ASÍ gerði verðsamanburð á ferskum fiski í fiskbúðum og stórmörkuðum á höfuðborgarsvæðinu og á Akureyri á mánudag.

Holskefla af nauðungarsölum að ríða yfir almenning

Holskefla af nauðungarsölum er að ríða yfir núna, segir Marinó G. Njálsson, stjórnarmaður í Hagsmunasamtökum heimilanna. Frestur nauðungarsalna sé útrunninn hjá þeim sem óskuðu eftir honum um leið og lögin tóku gildi.

Landsbankinn hefur gert fjölmarga „kyrrstöðusamninga“

Landsbankinn býður bæði einstaklingum og fyrirtækjum fjölmörg úrræði til lausnar á skuldavanda, en ekki sé til sérstakt form samninga sem bera heitið „kyrrstöðusamningar.“ Í þeim skilningi hafi því enginn slíkur samningur verið gerður. Sé hugtakið hins vegar túlkað á þann veg að kyrrstöðusamningur feli í sér að innheimtuaðgerðum sé frestað á meðan viðskiptavinur inni af hendi tilteknar greiðslur samkvæmt samningi hafi fjölmargir slíkir samningar verið gerðir, jafnt við einstaklinga og fyrirtæki.

Sjá næstu 50 fréttir

Mest lesið