Heimildamynd um Kabúl

"Íslenska sveitin" heimildamynd í fullri lengd um íslensku friðargæsluna í Kabúl, verður frumsýnd í kvikmyndahúsum í Reykjavík á fullveldisdaginn 1. desember. "Myndin fjallar um Íslendinga í framandi umhverfi hermennsku og hins stríðshrjáða Afganistans" segir Kristinn Hrafnsson framleiðandi myndarinnar. Kvikmyndataka og leikstjórn er í höndum Friðriks Guðmundssonar. Myndin var tekin í Afganistan í sumar. Fyrirtækin Tindar og Orðspor standa að gerð myndarinnar.