Of stór barmur í boxið

25 ára gömul fyrirsæta í Bretlandi, Sarah Blewden, fær ekki að keppa í hnefaleikum á næstu Ólympíuleikunum vegna þess að hún er með of stór brjóst.

Sarah fór í brjóstastækkun fyrir 6 árum, byrjaði að æfa hnefaleika fyrir tveimur árum og komst að því að hún hefur hæfileika í íþróttinni.

Hún ætlaði að verða fyrsta konan til að keppa fyrir Breta í hnefaleikum á Olympíuleikum en til stendur að slíkt verði að veruleika í fyrsta sinn á leikunum sem fram fara í London 2012.

Sarah er hundfúl með ákvörðun enska áhugamannahnefaleikasambandsins og segist glöð myndi borga fyrir lagfæringu yrðu nýju brjóstin fyrir skemmdum í hnefaleikum.